Click it and Unblock the Notifications
Just In
Don't Miss
-
ഞാനും അണ്ഡം ശീതികരിച്ച് വെക്കുകയാണ്! പിന്നീട് കുഞ്ഞിന് ജന്മം കൊടുക്കാൻ ഉദ്ദേശിക്കുന്നതിനെ പറ്റി മൃണാൽ താക്കൂർ -
T20 World Cup 2024: സഞ്ജു 314, രാഹുല് 302; മേല്ക്കൈ രാഹുലിന്! ബിസിസിഐയുടെ തനിനിറം പുറത്ത് -
ഇതിപ്പോ തെറ്റ് ഓട്ടോക്കാരൻ്റെയോ ലോറിക്കാരൻ്റെയോ, വീഡിയോ കാണുമ്പോൾ മനസിലാകും -
എത്ര കഠിനമായ താരനും അകറ്റും, ചൊറിച്ചിലില്ലാത്ത തല ഉറപ്പു നല്കും കൂട്ട് -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
ട്രെൻഡ് ഉണ്ടാക്കാൻ ഇൻഫിനിക്സ്! പുതിയ ഫോണിന്റെ വിലയടക്കം വലിച്ച് പുറത്തിട്ട് ടിപ്സ്റ്റർമാർ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
അരുവിക്കര ആവര്‍ത്തിക്കും; ബിജെപിയില്‍ പ്രതീക്ഷവെച്ച് ഉമ്മന്‍ ചാണ്ടി
തദ്ദേശ തെരഞ്ഞെടുപ്പില്‍ അരുവിക്കര ആവര്‍ത്തിക്കുമെന്ന് ഉമ്മന്‍ ചാണ്ടി
തിരുവനന്തപുരം: തദ്ദേശ സ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പിന്റെ തീയതികള്‍ പ്രഖ്യാപിച്ചതോടെ വിജയ പ്രതീക്ഷയുമായി നേതാക്കള്‍ രംഗത്തെത്തി. യുഡിഎഫിനുവേണ്ടി ഉമ്മന്‍ചാണ്ടി, എകെ ആന്‍ണി എന്നിവരാണ് ആദ്യം പ്രതികരണവുമായി രംഗത്തെത്തിയത്. പ്രധാന മത്സരം യുഡിഎഫും എല്‍ഡിഎഫും തമ്മിലാണെന്നും യുഡിഎഫ് മികച്ച വിജയം നേടുമെന്നും എകെ ആന്റണി പ്രതികരിച്ചു.
എസ്എന്‍ഡിപി ബിജെപി കൂട്ടുകെട്ട് തെരഞ്ഞെടുപ്പില്‍ വിഷയമാകില്ലെങ്കിലും അത് സിപിഎമ്മിന്റെ ശക്തി ചോര്‍ത്തുമെന്ന് ആന്റണി സൂചന നല്‍കി. അതേസമയം, തെരഞ്ഞെടുപ്പില്‍ അരുവിക്കര ഉപതെരഞ്ഞെടുപ്പിലെ ഫലം ആവര്‍ത്തിക്കുമെന്നാണ് മുഖ്യമന്ത്രി ഉമ്മന്‍ചാണ്ടിയുടെ പ്രതികരണം. ബിജെപി തദ്ദേശ തെരഞ്ഞെടുപ്പിലും കൂടുതല്‍ വോട്ടുകള്‍ നേടുമെന്നും അത് യുഡിഎഫിന് അനുകൂലമാകുമെന്നുമാണ് മുഖ്യമന്ത്രി നല്‍കുന്ന സൂചനകള്‍.
നവംബര്‍ രണ്ട്, അഞ്ച് എന്നീ തീയതികളിലായി രണ്ടു ഘട്ടങ്ങളിലായിട്ടാണ് ഇത്തവണ തെരഞ്ഞെടുപ്പ് നടക്കുന്നത്. നവംബര്‍ 2ന് തിരുവനന്തപുരം, കൊല്ലം, ഇടുക്കി, കോഴിക്കോട്, കണ്ണൂര്‍, വയനാട് കാസര്‍കോട് ജില്ലകളിലും നവംബര്‍ 5ന് കോട്ടയം, പത്തനംതിട്ട, ആലുപ്പുഴ, എറാണാകുളം, തൃശൂര്‍, പാലക്കാട്, മലപ്പുറം ജില്ലകളിലും തെരഞ്ഞെടുപ്പ് നടക്കും. നവംബര്‍ ഏഴിനാണ് ഫലപ്രഖ്യാപനം.
941 ഗ്രാമപഞ്ചായത്തുകള്‍, 152 ബ്ലോക്ക് പഞ്ചായത്തുകള്‍, 14 ജില്ലാ പഞ്ചായത്ത്, 86 മുനിസിപ്പാലിറ്റികള്‍, ആറു കോര്‍പ്പറേഷനുകള്‍ എന്നിവയിലേക്കാണ് തെരഞ്ഞെടുപ്പ് നടക്കുന്നത്. പ്രചരണത്തിന് ഫ് ളക്‌സ് ബോര്‍ഡുകള്‍ പരമാവധി ഒഴിവാക്കാന്‍ തെരഞ്ഞെടുപ്പ് കമ്മീഷന്‍ അഭ്യര്‍ഥിച്ചിട്ടുണ്ട്. നിഷേധ വോട്ടായ നോട്ടയും സ്ഥാനാര്‍ഥികളുടെ ചിത്രവും ഇത്തവണത്തെ തിരഞ്ഞെടുപ്പില്‍ ഉള്‍പ്പെടുത്തിയിട്ടില്ല.
