81 ദിവസത്തെ കാത്തിരിപ്പിനൊടുവില് നാടകീയമായി അറസ്റ്റ്.. ദിലീപ് കുടുങ്ങിയത് ഇങ്ങനെ..
പള്സര് സുനിയെ മുഖ്യപ്രതിയാക്കി കുറ്റപത്രം സമര്പ്പിച്ചതോടെ അന്വേഷണം അവസാനിപ്പിക്കുമെന്നായിരുന്നു ദിലീപ് കരുതിയിരുന്നത്.
സിനിമയെ വെല്ലുന്ന തരത്തിലുള്ള നാടകീയ സംഭവങ്ങളായിരുന്നു മലയാള സിനിമയില് ഇതുവരെ അരങ്ങേറിക്കൊണ്ടിരുന്നത്. തൃശ്ശൂരില് നിന്നും കൊച്ചിയിലേക്കുള്ള യാത്രാമധ്യേ നടി ആക്രമിക്കപ്പെട്ട സംഭവം സമൂഹ മനസാക്ഷിയെ ഒന്നടങ്കം ഞെട്ടിച്ചിരുന്നു. ആക്രമണത്തിന് പിന്നില് ഗൂഢാലോചനയുണ്ടെന്ന് അന്നു തന്നെ ചില സിനിമാപ്രവര്ത്തകര് സംശയം പ്രകടിപ്പിച്ചിരുന്നു. സംഭവവുമായി ബന്ധപ്പെട്ട് പള്സര് സുനി അറസ്റ്റിലായതോടെയാണ് നിര്ണ്ണായകമായ വിവരങ്ങള് പോലീസിന് ലഭിച്ചു തുടങ്ങിയത്.
കേരള പോലീസിന്റെ ചരിത്രത്തില് തന്നെ അഭിമാനകരമായ കേസന്വേഷണം കൂടിയായി മാറിയിരിക്കുകയാണ് ഈ സംഭവം. ഐജി ദിനേശ് കശ്യപാണ് അന്വേഷണത്തിന് നേതൃത്വം നല്കിയത്. സംഭവത്തിന്റെ മുഖ്യ സൂത്രധാരനായ ദിലീപിനെ കുടുക്കാനായി പോലീസ് കാത്തിരുന്നത് 81 ദിവസം. നടി ആക്രമിക്കപ്പെട്ടതുമായി ബന്ധപ്പെട്ട് അറസ്റ്റിലായ പള്സര് സുനിയില് അന്വേഷണം അവസാനിപ്പിക്കുന്നുവെന്ന തരത്തില് ദിലീപ് അടക്കമുള്ള പ്രതികളെ തെറ്റിദ്ധരിപ്പിച്ചായിരുന്നു അന്വേഷണം മുന്നോട്ട് പോയിരുന്നത്.
കാത്തിരിപ്പ്
കൊച്ചിയില് നടി ആക്രമിക്കപ്പെട്ട സംഭവവുമായി ബന്ധപ്പെട്ട് ജനപ്രിയ നായകന് ദിലീപിനെ കുരുക്കാനായി പോലീസ് കാത്തിരുന്നത് 81 ദിവസം. കേസില് ഗൂഢാലോചനയില്ലെന്ന തരത്തില് തന്ത്രപരമായ പ്രഖ്യാപനത്തിലൂടെയാണ് താരത്തെ കുടുക്കാന് പോലീസ് വല നെയ്തത്.
തെറ്റിദ്ധാരണ
നടി ആക്രമിക്കപ്പെട്ട സംഭവവുമായി ബന്ധപ്പെട്ട് അറസ്റ്റിലായ പള്സര് സുനിയിലൂടെ അന്വേഷണം അവസാനിപ്പിക്കുന്നുവെന്ന തരത്തില് തെറ്റിദ്ധാരണ വരുത്തിയാണ് പോലീസ് മുന്നോട്ട് നീങ്ങിയത്.
തീരുമാനം
നടി ആക്രമിക്കപ്പെട്ട സംഭവത്തിലെ ഗൂഢാലോചന പുറത്തു കൊണ്ടുവരണമെങ്കില് അറസ്റ്റിലായ പള്സര് സുനി ജയിലില് തന്നെ തുടരണമെന്നുള്ള നിര്ബന്ധ ബുദ്ധിയില് നിന്നായിരുന്നു അന്വേഷണ സംഘം അറുപത് ദിവസത്തിനുള്ളില്ത്തന്നെ കുറ്റപത്രം സമര്പ്പിക്കാന് തീരുമാനിച്ചത്. റിമാന്ഡിലായ പ്രതികള്ക്ക് ജാമ്യം നിഷേധിക്കുക കൂടിയായിരുന്നു ഇതിലൂടെ ലക്ഷ്യമാക്കിയത്.
തെറ്റിദ്ധാരണ
പള്സര് സുനിയെ മുഖ്യപ്രതിയാക്കി പോലീസ് കുറ്റപത്രം സമര്പ്പിച്ചതോടെ അന്വേഷണം അവസാനിക്കുന്നുവെന്ന് ദിലീപും സംഘവും തെറ്റിദ്ധരിച്ചു. എന്നാല് ഇത് പോലീസിന്റെ തന്ത്രമായിരുന്നുവെന്ന് തിരിച്ചറിയാന് ജനപ്രിയന് കഴിഞ്ഞില്ല.
ചോര്ന്നത്
അന്വേഷണം പുരോഗമിക്കുന്നതിനിടയില് വെല്ക്കം റ്റു സെന്ട്രല് ജയില് എന്ന സിനിമയില് വേഷമിട്ട പോലീസ് ഉദ്യോഗസ്ഥന് വഴി കാര്യങ്ങള് ദിലീപിന് ചോര്ന്നു കിട്ടി. സുനി ജയിലില് നിന്ന് എഴുതിയ കത്തും വാട്സാപ്പിലൂടെ ദിലീപിന് ലഭിച്ചു. ബുദ്ധിപരമായ നീക്കത്തിലൂടെയാണ് പിന്നീട് ദിലീപ് മുന്നേറിയത്. എന്നാല് അതൊന്നും അന്വേഷണത്തിന് മുന്നില് വിലപ്പോയില്ല.
ദിലീപിന്റെ പരാതി
നടി ആക്രമിക്കപ്പെട്ട സംഭവവുമായി ബന്ധപ്പെട്ട് അറസ്റ്റിലായ പള്സര് സുനിയും കൂട്ടുപ്രതികളും പണത്തിന് വേണ്ടി തന്നെ ബ്ലാക്ക് മെയില് ചെയ്യുന്നതായി ദിലീപ് ഡിജിപി ലോക്നാഥ് ബഹ്റയ്ക്ക് പരാതി നല്കിയിരുന്നു.
ശബ്ദരേഖ പാരയായി
പരാതി നല്കിയതിനോടൊപ്പം ദിലീപ് സമര്പ്പിച്ച ശബ്ദരേഖയാണ് താരത്തിന് തന്നെ വിനയായത്. മലയാള സിനിമയിലെ സൂപ്പര്താരവും മുന്നിര നിര്മ്മാതാവും പ്രമുഖ നടിയും ചേര്ന്ന് തന്റെ പേര് പറയാന് പണം വാഗ്ദാനം ചെയ്ത് സമീപിച്ചിരുന്നുവെന്ന് പരാമര്ശിക്കുന്ന ശബ്ദരേഖയായിരുന്നു ദിലീപ് സമര്പ്പിച്ചത്.
അറസ്റ്റിലേക്ക്
ഏപ്രില് 20 ന് തുടങ്ങിയ നിര്ണ്ണായകമായ അന്വേഷണമാണ് 81ാമത്തെ ദിവസം നാടകീയമായ അറസ്റ്റിലേക്ക് നയിച്ചത്. നടി ആക്രമിക്കപ്പെട്ട സംഭവത്തില് 11ാമത്തെ പ്രതിയായാണ് താരത്തെ ഉള്പ്പെടുത്തിയിട്ടുള്ളത്.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google