കൊവിഡിനെ പിടിച്ച് കെട്ടാന് കേരളം: ഇന്നും നാളെയുമായി ലക്ഷ്യമിടുന്നത് രണ്ടര ലക്ഷം പരിശോധന
തിരുവനന്തപുരം: രാജ്യത്ത് കോവിഡ് വ്യാപനം രൂക്ഷമാകുന്ന സാഹചര്യത്തില് കേരളത്തില് ഇന്നും നാളെയും മാസ് കൊവിഡ് പരിശോധന നടത്തുന്നു. ഇന്നും നാളെയുമായി രണ്ടരലക്ഷം പേരെ പരിശോധിക്കാനാണ് ലക്ഷ്യം. ആര്ടിപിസിആര് , ആന്റിജൻ പരിശോധനകളാണ് നടത്തുക. ഓരോ തദ്ദേശ സ്വയംഭരണ സ്ഥാപനങ്ങളുടേയും നേതൃത്വത്തില് ആയിരിക്കും ഇന്നും നാളെയുമായുള്ള ക്യാമ്പയിന് ക്രമീകരിക്കുന്നത്.
പരിശോധന വര്ധിപ്പിക്കുന്നതിനോടൊപ്പം വാക്സിനേഷന് ക്യാമ്പുകളും സജ്ജമാക്കും. രോഗലക്ഷണമുള്ളവര്, രോഗിയുമായി സമ്പര്ക്കത്തിലുള്ളവര്, പോളിംഗ് ഉദ്യോഗസ്ഥര്, സ്ഥാനാര്ഥികള്, രാഷ്ട്രീയ പാര്ട്ടി പ്രതിനിധികള്, പോളിംഗ് ഏജന്റുമാര് തുടങ്ങിയവര് പരിശോധനയ്ക്കു വിധേയരാകുന്നുണ്ടെന്നു വാര്ഡ്തല സമിതികള് ഉറപ്പുവരുത്തണമെന്ന നിര്ദേശം സ്വയംഭരണ സ്ഥാപനങ്ങളിലേയും പ്രസിഡന്റുമാര്, ആരോഗ്യ സ്റ്റാന്ഡിംഗ് കമ്മിറ്റി അധ്യക്ഷര്, ബ്ലോക്ക്തല മെഡിക്കല് ഓഫീസര്മാര് എന്നിവര്ക്ക് ജില്ലാ കളക്ടര് നല്കിയിട്ടുണ്ട്.
റമദാന് വ്രതം ആരംഭിച്ചു, രാജ്യത്തെ വിവിധയിടങ്ങളില് നിന്നുള്ള നോമ്പുതുറ ചിത്രങ്ങള് കാണാം
ആശുപത്രികളില് ഓപികളിലെത്തുന്നവര് , കിടത്തി ചികില്സയിലുള്ളവര് ക്ലസ്റ്ററുകളിലും നിയന്ത്രിത മേഖലയിലും ഉള്ളവര് , സ്കൂൾ , കോളജ് വിദ്യാര്ഥികള് എന്നിവരിലും പരിശോധന നടത്തും. രോഗ ബാധ കൂടുന്ന എറണാകുളം, കോഴിക്കോട് ജില്ലകളിലാണ് ഏറ്റവും കൂടുതല് പരിശോധന നടത്താന് തീരുമാനിച്ചിരിക്കുന്നത്. അതേസമയം ആദ്യഘട്ട കൊവിഡ് വാക്സിന് എടുത്തവര്, കഴിഞ്ഞ മൂന്ന് മാസത്തിനുള്ളില് കൊവിഡ് വന്നുപോയവര്ക്ക് ഈ രണ്ട് ദിവസത്തില് പരിശോധനയുണ്ടാവില്ല.
വാക്സിന് സ്വീകരിക്കാത്തവരും പൊതുവിടങ്ങളില് പോകുന്നവരും 45 വയസിനു മുകളില് പ്രായമായവരും പരിശോധയ്ക്കു വിധേയരാകണം. കോവിഡ് രോഗികളും രോഗിയുമായി സമ്പര്ക്കത്തിലുള്ളവരും നിര്ബന്ധമായും ക്വാറന്റൈനില് കഴിയണം. ഏതെങ്കിലും സ്ഥാപനങ്ങളിലെ ജീവനക്കാര്ക്ക് കോവിഡ് സ്ഥിരീകരിച്ചാല് മറ്റു ജീവനക്കാര്ക്കും പരിശോധന നടത്തുകയും സ്ഥാപനം മൂന്നു മുതല് നാല് ദിവസത്തേയ്ക്ക്് അടച്ചിടുകയും വേണമെന്നും ജില്ലാ കളക്ടര്മാര് വ്യക്തമാക്കി.
Click it and Unblock the Notifications
Sign in with Google