ദിലീപിനെ ഒതുക്കാന് ബാഹുബലി? ലിബര്ട്ടി ബഷീര് എക്സിബിറ്റേഴ്സ് ഫെഡറേഷനില് നിന്നും രാജിവെച്ചു
ഫിലിം എക്സിബിറ്റേഴ്സ് ഫെഡറേഷന്റെ കോര് കമ്മിറ്റി യോഗത്തിലാണ് അദ്ദേഹം രാജിക്കാര്യം അറിയിച്ചത്.
കണ്ണൂര്: തിയേറ്റര് സമരത്തിന് ശേഷം ഒറ്റപ്പെട്ട ലിബര്ട്ടി ബഷീര്, എ ക്ലാസ് തിയേറ്റര് ഉടമകളുടെ സംഘടനയായ ഫിലിം എക്സിബിറ്റേഴ്സ് ഫെഡറേഷനില് നിന്നും രാജിവെച്ചു. നാലു മാസത്തോളമായി തന്റെ തിയേറ്ററുകള്ക്ക് മാത്രം വിലക്കേര്പ്പെടുത്തിയിട്ടും സംഘടനയില് നിന്ന് ഒരുതരത്തിലുള്ള പിന്തുണയും ലഭിച്ചില്ലെന്ന് ആരോപിച്ചാണ് ബഷീര് രാജിവെച്ചത്.
ഫിലിം എക്സിബിറ്റേഴ്സ് ഫെഡറേഷന്റെ കോര് കമ്മിറ്റി യോഗത്തിലാണ് അദ്ദേഹം രാജിക്കാര്യം അറിയിച്ചത്. തിയേറ്റര് വിഹിതം വര്ദ്ധിപ്പിക്കണമെന്ന് ആവശ്യപ്പെട്ടായിരുന്നു ഫിലിം എക്സിബിറ്റേഴ്സ് ഫെഡറേഷന് സമരം പ്രഖ്യാപിച്ചത്.
ഇതിനെ തുടര്ന്നാണ് തിയേറ്ററുകള്ക്ക് സിനിമ നല്കാതെ നിര്മ്മാതാക്കളും വിതരണക്കാരും സമരം ആരംഭിച്ചത്. മലയാള ചലച്ചിത്ര വ്യവസായത്തെ പ്രതിസന്ധിയിലാക്കിയ സമരത്തില് ലിബര്ട്ടി ബഷീര് ഒരു വിട്ടുവീഴ്ചയ്ക്കും തയ്യാറായിരുന്നില്ല. പിന്നീട് നടന് ദിലീപ് മുന്കൈ എടുത്ത് തിയേറ്റര് ഉടമകളുടെ പുതിയ സംഘടനയുണ്ടാക്കിയാണ് സമരം പൊളിച്ചത്. ഇതിന് ശേഷമായിരുന്നു മലയാള ചിത്രങ്ങള് റിലീസ് ചെയ്തത്.
സംഘടന പിന്തുണച്ചില്ല...
ലിബര്ട്ടി ബഷീറിന്റെ പിടിവാശി കാരണമാണ് തിയേറ്റര് സമരം നീണ്ടുപോയതെന്നായിരുന്നു വിതരണക്കാരുടെ ആരോപണം. സമരം അവസാനിച്ചതിന് ശേഷം ചിത്രങ്ങള് റിലീസ് ചെയ്തപ്പോള് ലിബര്ട്ടി ബഷീറിന്റെ തിയേറ്ററുകള്ക്ക് സിനിമ നല്കിയിരുന്നില്ല. നാലു മാസങ്ങളിലായി തന്റെ ആറോളം തിയേറ്ററുകളില് സിനിമയ്ക്ക് വിലക്ക് ഏര്പ്പെടുത്തിയിട്ടും ഫെഡറേഷനില് നിന്ന് ഒരു പിന്തുണയും ലഭിച്ചില്ലെന്ന് ആരോപിച്ചാണ് ലിബര്ട്ടി ബഷീര് സംഘടനയില് നിന്ന് രാജിവെയ്ക്കുന്നത്.
പ്രതിസന്ധിയിലായി...
സമരം അവസാനിച്ച് സിനിമകള് റിലീസ് ചെയ്തപ്പോള് ലിബര്ട്ടി ബഷീറിന്റെ ഉടമസ്ഥതയിലുള്ള ആറ് തിയേറ്ററുകള്ക്ക് സിനിമ നല്കിയിരുന്നില്ല. വിലക്ക് നീണ്ടുനിന്നപ്പോള് ലിബര്ട്ടി ബഷീര് വലിയ പ്രതിസന്ധിയാണ് നേരിട്ടത്. എഴുപതോളം തൊഴിലാളികളാണ് ലിബര്ട്ടി ബഷീറിന്റെ തിയേറ്ററുകളില് ജോലി ചെയ്യുന്നത്.
ഒടുവില് സിനിമ ലഭിക്കാനുള്ള ശ്രമങ്ങള്...
പ്രതിസന്ധി രൂക്ഷമായപ്പോള് തിയേറ്ററുകള് ഷോപ്പിംഗ് മാളാക്കി മാറ്റാന് വരെ ലിബര്ട്ടി ബഷീര് ആലോചിച്ചിരുന്നു. പിന്നീടാണ് സിനിമ ലഭ്യമാക്കാനുള്ള ശ്രമങ്ങള് ആരംഭിച്ചത്. നിര്മ്മാതാക്കളുമായി സഹകരിച്ച് സിനിമ ലഭ്യമാക്കാനായിരുന്നു അദ്ദേഹത്തിന്റെ ശ്രമം.
ബാഹുബലിയും...
നിര്മ്മാതാക്കളുമായി സഹകരിച്ച് സിനിമ റിലീസ് ചെയ്യാനാണ് ലിബര്ട്ടി ബഷീറിന്റെ ശ്രമം. ദുല്ഖര് ചിത്രം ജോമോന്റെ സുവിശേഷങ്ങള്, മോഹല്ലാല് ചിത്രം 1971 ബിയോണ്ട് ദി ബോര്ഡേഴ്സ്, ബാഹുബലി 2 എന്നിവ പ്രദര്ശിപ്പിക്കാന് അനുമതി ലഭിച്ചിട്ടുണ്ട്. ബാഹുബലി റിലീസ് ചെയ്യുന്ന ദിവസം മുതല് പ്രദര്ശിപ്പിക്കും.
-
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ദുബായ് വഴി; നടി രണ്യ ബെംഗളൂരുവില് കൊണ്ടുവന്നത് 127 കിലോ, ആഫ്രിക്കന് ഖനികളും തേടി -
സ്വർണ വിലയിൽ വൻ ഇടിവ്; പവന് കുറഞ്ഞത് 10,040 രൂപ..1 ലക്ഷത്തിന് താഴേക്ക് തന്നെ? -
സ്വര്ണം ഏതെങ്കിലും പോയി വാങ്ങല്ലേ; ഉഗ്രന് പണി കിട്ടും, കുറഞ്ഞ നിരക്കിലുള്ള സ്വര്ണം അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി -
ശമ്പളം വെട്ടിക്കുറച്ചു; ഉന്നത ഉദ്യോഗസ്ഥര്ക്കും പോലീസുകാര്ക്കും കടുംവെട്ട്, കടുത്ത പ്രതിസന്ധിയില് ഹിമാചല്
Click it and Unblock the Notifications
Sign in with Google