ബ്ലാക്ക് ഫംഗസ് കേസുകൾ ഉയർന്നേക്കാം, മെഡിക്കൽ ഓഡിറ്റ് നടത്തും, മരുന്ന് ലഭ്യത ഉറപ്പാക്കുമെന്ന് മുഖ്യമന്ത്രി
തിരുവനന്തപുരം: ബ്ലാക് ഫംഗസ് സംബന്ധിച്ച് മെഡിക്കല് ഓഡിറ്റ് നടത്തുമെന്ന് മുഖ്യമന്ത്രി പിണറായി വിജയൻ. മരുന്ന് ലഭ്യത ഉറപ്പു വരുത്തും. പാര്ശ്വഫലങ്ങള് ഇല്ലാത്ത മരുന്നുകള് വില കൂടിയതാണെങ്കില് പോലും കൊടുക്കാന് നിര്ദേശം നല്കിയിട്ടുണ്ട് എന്നും മുഖ്യമന്ത്രി വാർത്താ സമ്മേളനത്തിൽ അറിയിച്ചു.
മുഖ്യമന്ത്രിയുടെ വാക്കുകൾ: ബ്ലാക്ക് ഫംഗസ് എന്ന പേരില് അറിയപ്പെടുന്ന മ്യൂകര്മൈകോസിസ് രോഗവുമായി ബന്ധപ്പെട്ട നിരവധി അശാസ്ത്രീയവും ഭീതിജനകവുമായ സന്ദേശങ്ങള് പ്രചരിപ്പിക്കുന്നതായി കാണുന്നുണ്ട്. അത്തരത്തിലുള്ള ആശങ്കകള്ക്ക് യാതൊരു അടിസ്ഥാനവുമില്ല. മ്യൂകര്മൈകോസിസ് വളരെ അപൂര്വമായ രോഗാവസ്ഥയാണ്. മുന്പ് വിശദമാക്കിയതുപോലെ വളരെ ചുരുക്കം ആളുകളില് മാത്രമാണ് ഈ രോഗം ബാധിക്കാറുള്ളത്.
നിലവില് കാറ്റഗറി സി വിഭാഗത്തില് ഉള്പ്പെടുത്തിയിട്ടുള്ള രോഗികളുടെ എണ്ണം കൂടുതലായതിനാല് ഒരു പക്ഷേ, മ്യൂകര്മൈകോസിസ് കേസുകള് കൂടുതലായി റിപ്പോര്ട്ട് ചെയ്തേക്കാം. ഗുരുതരമായ പ്രമേഹ രോഗമുള്ളവരിലാണ് ഈ രോഗം കൂടുതലായി കാണുന്നത് എന്നതിനാല് അവരെ കോവിഡ് ബാധിച്ചാല് നല്കേണ്ട ചികിത്സാ മാനദണ്ഡങ്ങള് കൃത്യമായി ആശുപത്രികള്ക്ക് നല്കിയിട്ടുണ്ട്. പ്രമേഹ രോഗം നിയന്ത്രണ വിധേയമായി നിലനിര്ത്താനുള്ള പ്രത്യേക ശ്രദ്ധ രോഗികളുടെ ഭാഗത്തു നിന്നുമുണ്ടാവുകയും വേണം.
വൃദ്ധ സദനങ്ങളില് വിവിധ രോഗങ്ങള് ഉള്ളവര് കാണും. അത് കൃത്യമായ പരിശോധന നടത്തും. സാമൂഹ്യ സുരക്ഷാ, സാമൂഹ്യ ക്ഷേമ വകുപ്പുകള് ഇത്തരം കേന്ദ്രങ്ങള് കണ്ടെത്തി ആരോഗ്യവകുപ്പുമായി ബന്ധപ്പെടാന് ശ്രദ്ധിക്കും. ചില മത്സ്യ മാര്ക്കറ്റ്, പച്ചക്കറി മാര്ക്കറ്റ് എന്നിവിടങ്ങളില് ചില പ്രശ്നങ്ങള് ഉണ്ടാവുന്നത് ഗൗരവമായി പരിശോധിച്ച് നിയന്ത്രണ വിധേയം ആക്കണം. ഇതിന് പൊലീസും സെക്ടറല് മജിസ്ട്രേറ്റുമാരും ഇടപെടണം. മന്ത്രിസഭയുടെ സത്യപ്രതിജ്ഞാ ചടങ്ങ് നടന്ന സെന്ട്രല് സ്റ്റേഡിയത്തിലെ പന്തലില് മുന്ഗണനാ വിഭാഗത്തില്പ്പെട്ടവര്ക്കുള്ള വാക്സിനേഷന് ആരംഭിച്ചു. ആദ്യ ദിവസം കെഎസ്ആര്ടിസി ജീവനക്കാര്ക്കാണു വാക്സിന് നല്കിയത്. തുടര്ന്നുള്ള ദിവസങ്ങളില് മറ്റുള്ളവര്ക്കും വാക്സിന് ലഭ്യമാക്കും.
Recommended Video
വീടുകളില് ക്വാറന്റൈനില് കഴിയുന്ന കോവിഡ് രോഗികള് മരുന്നുകള് കഴിക്കുമ്പോള് ഡോക്ടര്മാരുടെ നിര്ദേശപ്രകാരം തന്നെയായിരിക്കുക എന്നത് വളരെ പ്രധാനമാണ്. പകരം, സ്വയം ചികിത്സിക്കാനോ, വൈദ്യശാസ്ത്രത്തില് നിയമപരമായ അംഗീകാരമില്ലാത്ത വ്യാജ ചികിത്സകരുടെ ചികിത്സ സ്വീകരിക്കാനോ പാടില്ല. അത്തരം രീതികള് രോഗാവസ്ഥയെ പ്രതികൂലമായി ബാധിച്ചേക്കാം. പ്രത്യേകിച്ച് പ്രമേഹ രോഗികളും മറ്റു ഗുരുതര രോഗാവസ്ഥയുള്ളവരും ഇക്കാര്യം വളരെ കര്ശനമായി പാലിക്കണം.
Click it and Unblock the Notifications
Sign in with Google