വീണ്ടും സദാചാര പോലീസ്: ചെര്പ്പുളശ്ശേരിയില് മധ്യവയസ്കനെ തല്ലിക്കൊന്നു
ചെര്പ്പുളശ്ശേരി: ഒരിടവേളക്ക് ശേഷം സംസ്ഥാനത്ത് വീണ്ടും സദാചാര പോലീസ് ചമഞ്ഞ് അതിക്രമം. ഇത്തവണ ഒരു മധ്യവയസ്കന് സ്വന്തം ജീവനാണ് നഷ്ടപ്പെട്ടത്.
പാലക്കാട് ജില്ലയിലെ ചെര്പ്പുളശ്ശേരിയില് ആണ് സംഭവം. കുലിക്കല്ലൂര് സ്വദേശിയായ പ്രഭാകരന്(55) ആണ് കൊല്ലപ്പെട്ടത്.
ഫെബ്രുവരി 15 ഞായറാഴ്ച രാത്രിയിലാണ് സംഭവം. ചെര്പ്പുളശ്ശേരിയില്വച്ച് പ്രഭാകരനെ ഒരു വീട്ടില് പെണ്കുട്ടിക്കൊപപം സംശയാസ്പദമായ സാഹചര്യത്തില് കണ്ടു എന്നാണ് ആക്ഷേപം. ഇതേ തുടര്ന്ന് ഇയാളെ ഒരു സംഘം തടഞ്ഞ് വച്ച് ചോദ്യം ചെയ്തു.
പിന്നീട് സംഘം ചേര്ന്ന് മര്ദ്ദിക്കുകയായിരുന്നു എന്നാണ് റിപ്പോര്ട്ട്. തിങ്കളാഴ്ച രാവിലെ ആണ് പ്രഭാകരന്റെ മൃതദേഹം കണ്ടെത്തിയത്. അക്രമിസംഘം ഇയാളെ ചോദ്യം ചെയ്ത സ്ഥലത്ത് തന്നെയാണ് മൃതദേഹം ഉണ്ടായിരുന്നത്.
സദാചാര പോലീസ് ചമഞ്ഞ് ഗുണ്ടാസംഘം നടത്തിയ ആക്രമത്തിലാണ് പ്രഭാകരന് കൊല്ലപ്പെട്ടതെന്ന് പോലീസ് സ്ഥിരീകരിച്ചു. പ്രതികളെന്ന് സംശയിക്കുന്നവരുടെ വീടുകളില് പോലീസ് പരിശോധന നടത്തിയെങ്കിലും ആരേയും പിടികൂടാന് കഴിഞ്ഞിട്ടില്ല.
15 പേര് അടങ്ങുന്ന സംഘമാണ് മര്ദ്ദിച്ചതെന്നാണ് വിവരം. ഏതാനും ദിവസങ്ങളായി പ്രഭാകരന് പ്രദേശത്തെ ഒരു സംഘത്തിന്റെ നോട്ടപ്പുള്ളി ആയിരുന്നു എന്നും റിപ്പോര്ട്ടുകളുണ്ട്. പ്രദേശത്ത് മോഷണം പെരുകിയതിനെ തുടര്ന്ന് നാട്ടുകാര് രൂപംകൊടുത്ത സംഘമാണ് പ്രബഹാകരനെ മര്ദ്ദിച്ചതെന്നും റിപ്പോര്ട്ടുകളുണ്ട്.
കേസിലെ എല്ലാ പ്രതികളേയും കുറിച്ച് വ്യക്തമായ വിവരം ലഭിച്ചിട്ടുണ്ടെന്ന് ആഭ്യന്തര മന്ത്രി രമേശ് ചെന്നിത്തല അറിയിച്ചു. ചെര്പ്പുളശ്ശേരി സിഐയുടെ നേതൃത്വത്തിലാണ് അന്വേഷണം നടക്കുന്നത്.