Click it and Unblock the Notifications
Just In
Don't Miss
-
അച്ഛനെ പോലെ തന്നെയാണ് മകനും, യാതൊരു കഴിവുമില്ല! മുന്ഭര്ത്താവിനെ പറ്റിയും മകനെ കുറിച്ചും മലൈക അറോറ -
ഒരു വർഷത്തെ നേട്ടം 1932%, നിക്ഷേപകരെ കോടീശ്വരനാക്കിയ ഓഹരി, നിങ്ങൾ വാങ്ങുന്നോ..? -
കാലിഫോര്ണിയയില് ആകാശത്ത് കണ്ടത് അന്യഗ്രഹ ജീവി? മനുഷ്യരൂപത്തോടും കുരിശിനോടും സാദൃശ്യം -
വാഗ്ദാനങ്ങൾ പാലിച്ചില്ല, 'നവകേരള ബസ്' കറിവേപ്പിലയായി! കോടികൾ മുടക്കിയ ബസ് പൊടിപിടിച്ചു കിടക്കുന്നു -
IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം -
റെഡ്മിയുടെ 5 സ്മാർട്ട്ഫോണുകൾക്ക് വില കുറഞ്ഞു; 2 എണ്ണത്തിന് വില 10000 രൂപയിൽ താഴെ മാത്രം -
പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച
സഭയുടെ പീഡനം, കന്യാസ്ത്രീ തിരുവസ്ത്രം ഊരുന്നു
കോട്ടയം: സഭാധികൃതരുടെ ഭാഗത്ത് നിന്നുള്ള മോശം പെരുമാറ്റം മൂലം കന്യാസ്ത്രീ തിരുവസ്ത്രം ഉപേക്ഷിക്കുന്നതായി വാര്‍ത്ത. കത്തോലിക്കാസഭയുടെ കോട്ടയത്തെ ഒരു സന്യാസി സഭാംഗമായ സിസ്റ്റര്‍ ജയയാണ് തിരുവസ്ത്രം ഉപേക്ഷിക്കുന്നത്. 19 വര്‍ഷമായി ഇവര്‍ തിരുവസ്ത്രം സ്വീകരിച്ചിട്ട്. ചില ഓണ്‍ലൈന്‍ മാധ്യമങ്ങളാണ് വാര്‍ത്ത പുറത്തുവിട്ടത്.
മഠത്തിനോട് ചേര്‍ന്നുള്ള അനാഥാലയത്തിലേക്ക് വാങ്ങുന്ന അരിയും മറ്റ് സാധനങ്ങളും മറിച്ചുവിറ്റത് സംബന്ധിച്ച ആരോപണങ്ങള്‍ ഉന്നയിച്ചതാണ് സിസ്റ്റര്‍ ജയക്ക് വിനയായത്. അനാഥര്‍ക്ക് വേണ്ടി വാങ്ങുന്ന സാധനങ്ങള്‍ മറിച്ച് വില്‍ക്കുന്നതിന് സഭാധികൃതര്‍ കൂട്ടുനില്‍ക്കുകയാണെന്നും സിസ്റ്റര്‍ ആരോപിക്കുന്നുണ്ട്. ബിഎഡ് കോളേജിലെ അധ്യാപികയാണ് സിസ്റ്റര്‍ ജയ.
മഠത്തിലെ മദര്‍ സുപ്പീരിയര്‍ പോലും തനിക്കെതിരെ തിരിഞ്ഞെന്നാണ് സിസ്റ്റര്‍ ജയയുടെ ആരോപണം. ഭീഷണിയും ഉപദ്രവും പല ഭാഗങ്ങളില്‍ നിന്നും ഉണ്ടായത്രെ. ശാരീരിക ഉപദ്രവും ഫോണ്‍വഴിയുള്ള അശ്ലീല സംഭാഷണങ്ങളും പതിവായിരുന്നുവെന്ന് സിറ്റര്‍ പറയുന്നു.
ഇതിനിടെ അനാഥാലയത്തിലേക്ക് സാധനങ്ങള്‍ എത്തിക്കുന്ന വ്യക്തി സിസ്റ്ററെ കേസില്‍ കുടക്കാനും ശ്രമിച്ചതായി പറയുന്നു. സ്ത്രീശക്തി എന്ന സംഘടനയിലെ അംഗങ്ങള്‍ ഇടപെട്ട് പ്രശ്‌നമുണ്ടാക്കിയപ്പോള്‍ അയാള്‍ മാപ്പെഴുതിക്കൊടുത്താണത്രെ രക്ഷപ്പെട്ടത്.
സിസ്റ്റര്‍ അഭയയുടെ അനുഭവമാകും ഉണ്ടാവുക എന്ന് പറഞ്ഞ് മഠത്തിലെ ജീവനക്കാരനും സിസ്റ്ററെ ഭീഷണിപ്പെടുത്തിയത്രെ. മഠത്തില്‍ പരാതി പറഞ്ഞിട്ടും നടപടിയുണ്ടാകാതെ വന്നതോടെ സിസ്റ്റര്‍ വീട്ടില്‍ വിരം അറിയിച്ചു. തുടര്‍ന്നാണ് വീട്ടുകാരെത്തി സിസ്റ്ററെ മഠത്തില്‍ നിന്ന് കൊണ്ടുപോയതത്രെ.
