Click it and Unblock the Notifications
Just In
Don't Miss
-
പഞ്ചസാര വില്ലനല്ല, അമിതവണ്ണമുണ്ടാകുന്നത് പഞ്ചസാര ഇങ്ങനെ ഉപയോഗിക്കുമ്പോഴാണ് -
ആവേശമുയർത്തി 2024 സ്വിഫ്റ്റിൻ്റെ പുത്തൻ പരസ്യവീഡിയോ, വാങ്ങാൻ ഉണ്ട് ഒരുപാട് കാരണങ്ങൾ -
ജാസ്മിന് നന്നായി വളച്ചൊടിച്ചു, ഗബ്രി നന്നായി കളിക്കുന്നുവെന്ന ഭയം; ജാസ്മിന് 916 ഫേക്ക്! -
വെറും 29 രൂപയ്ക്ക് ഇത്രയും നേട്ടമോ! വീടുകളിൽ സന്തോഷച്ചിരി നിറയ്ക്കാൻ പുതിയ പ്ലാനുമായി ജിയോ -
T20 World Cup 2024: ഇതു അതു തന്നെ, സഞ്ജുവും ലോകകപ്പിന്! കോള് വന്നു? നിര്ണായക സൂചന -
കീശ ചോരില്ല, ഈ രണ്ട് ഓഹരികൾ വാങ്ങാമെന്ന് ബ്രോക്കറേജ്, നേട്ടം എത്രയാണെന്ന് നോക്കാം -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
പള്ളിയില്‍ കൂട്ടമണി; സുനാമി വരുന്നേ അലര്‍ച്ച, ജനം ഇറങ്ങിയോടി, ഒടുവില്‍ സംഭവിച്ചത്...
തിരുവനന്തപുരം: പുതിയതുറ വാസികളെ ആശങ്കയിലാഴ്ത്തി പള്ളിയില്‍ കൂട്ടമണി മുഴങ്ങി. പുലര്‍ച്ചെ ഒരുമണിയോടെ മണി മുഴങ്ങുന്നത് കേട്ട് നാട്ടുകാര്‍ പരിഭ്രാന്തിയിലായി. വന്‍ വിപത്ത് വരുന്നുവെന്ന് വിചാരിച്ച് ജനങ്ങള്‍ കിട്ടിയതെടുത്ത് വീട്ടില്‍ നിന്ന് ഇറങ്ങിയോടി.
കടല്‍ കലിതുള്ളി നില്‍ക്കുമ്പോള്‍ അസ്വാഭാവികമായി എന്തു കേട്ടാലും തീരവാസികളെ ആശങ്കയിലാഴ്ത്തുന്നതാണ്. കൂട്ടമണി മുഴങ്ങിയതിന് പിന്നാലെ സുനാമി വരുന്നേ എന്ന അലര്‍ച്ചയുമുണ്ടായെന്ന് നാട്ടുകാര്‍ പറയുന്നു.
എന്നാല്‍ പള്ളിയിലുള്ളവര്‍ അറിയാതെയാണ് മണി മുഴങ്ങിയത്. സാമൂഹ്യവിരുദ്ധരാണ് കൂട്ടമണി മുഴക്കിത്. ഇവരെ കണ്ടെത്തിയില്ല. ആപത് സൂചന കിട്ടിയതോടെ കൈയ്യില്‍ കിട്ടിയതുമെടുത്ത് ജനം വീടുകളില്‍ നിന്ന് ഇറങ്ങി ഓടുകയായിരുന്നു. ഓഖി ചുഴലിക്കാറ്റിലും കടുത്ത മഴയിലും ദുരിതം പേറുന്ന ജനങ്ങളെ കൂടുതല്‍ പരിഭ്രാന്തി പരത്താന്‍ വേണ്ടി ആരോ ചെയ്തതാണിത്.
കൈക്കുഞ്ഞുങ്ങളുമായാണ് അമ്മമാര്‍ ഓടിയത്. വിലപിടിപ്പുള്ള വസ്തുക്കളുമായാണ് മറ്റു ചിലര്‍ രക്ഷപ്പെടാന്‍ ശ്രമിച്ചത്. എല്ലാവരും സെന്റ് നിക്കോളാസ് പള്ളിമുറ്റത്ത് എത്തിയപ്പോഴാണ് സത്യാവസ്ഥ അറിയുന്നത്.
ഇടവക വികാരി ഫാദര്‍ രാജശേഖരന്‍ ജനങ്ങളെ ശാന്തരാക്കി. കാര്യങ്ങള്‍ അദ്ദേഹം വിശദീകരിച്ചു. പോലീസുമായും തഹസില്‍ദാറുമായും ബന്ധപ്പെട്ടു. സുനാമി ഭീഷണിയില്ലെന്ന് അവരും അറിയിച്ചു. തുടര്‍ന്നാണ് പുതിയതുറ നിവാസികള്‍ പള്ളിമുറ്റത്ത് നിന്നു മടങ്ങിയത്.
