Click it and Unblock the Notifications
Just In
Don't Miss
-
IPL 2024: അവസാന ഓവര് ആര്ക്ക്? ഹാര്ദിക്കിന്റെ പ്ലാന് മദ്വാളല്ല; നിര്ണ്ണായകമായത് രോഹിത് -
ഗ്ലാമറിന് ഗ്ലാമർ, കഴിവിന് കഴിവ്... ഇതാണ് സ്മാർട്ട്ഫോൺ! സോണി ക്യാമറകളുമായി ഒരു വിവോ 5ജി ഫോൺ -
ഇവനിങ്ങ് വന്നാൽ വിയർക്കുന്നത് ഹാരിയർ, ടെറിട്ടറി പിടിച്ചെടുക്കാൻ ഫോർഡിന്റെ ഈ എസ്യുവി -
ഞാന് വീണ്ടും വിവാഹിതയാവുകയാണ്, വരന് പോലീസ്! അദ്ദേഹത്തിന്റെയും രണ്ടാം വിവാഹമാണെന്ന് ദയ അച്ചു -
900 വര്ഷം പഴക്കമുള്ള മമ്മി, 1000 തൂണുകളുള്ള ഹാള്; അത്ഭുതം ഈ രംഗനാഥസ്വാമി ക്ഷേത്രം -
സ്വർണവില കേട്ട് തലകറങ്ങരുത്, ഉടൻ തന്നെ പവന്റെ വില 60,000 കടക്കും, ഇന്നത്തെ നിരക്കറിയാം -
അവധി ഇത്തവണ ഹൗറയിൽ... ബെംഗളുരുവിൽ നിന്ന് കൊൽക്കത്തയുടെ ഇരട്ട നഗരത്തിലേക്ക് പോകാം, സ്പെഷ്യൽ ട്രെയിൻ
കുതിച്ചുയരുന്ന കോവിഡ് കേസുകള്‍: പുതിയ എസ്ഒപി പുറപ്പെടുവിച്ച് സായി, നിർദേശങ്ങള്‍ ഇങ്ങനെ
ദില്ലി: രാജ്യത്ത് കൊവിഡ് കേസുകളുടെ എണ്ണം ക്രമാതീതമായി ഉയരുന്ന സാഹചര്യത്തില്‍ പുതിയ പ്രവർത്തന നടപടിക്രമങ്ങൾ (SOPs) നടപ്പിലാക്കി സ്‌പോർട്‌സ് അതോറിറ്റി ഓഫ് ഇന്ത്യ. ഈ നടപടികൾ വിവിധ ദേശീയ മികവ് കേന്ദ്രങ്ങളിലും (NCOE) നിലവിലുള്ള ദേശീയ പരിശീലന ക്യാമ്പുകളിലും കർശനമായി നടപ്പിലാക്കും. പരിശീലന കേന്ദ്രങ്ങളിൽ എത്തുമ്പോൾ, എല്ലാ അത്‌ലറ്റുകളെയും നിർബന്ധിത റാപ്പിഡ് ആന്റിജൻ ടെസ്റ്റിന് വിധേയരാക്കും. പരിശോധനാഫലം നെഗറ്റീവായാൽ, പരിശീലനത്തിന് ചേർന്ന ആറാം ദിവസം വരെ ഇവർക്ക് പരിശീലനവും ഭക്ഷണവും പ്രത്യേകം നല്കും.
Recommended Video
5-ാം ദിവസം റാപ്പിഡ് ആന്റിജൻ ടെസ്റ്റ് വീണ്ടും നടത്തും. ഫലം പോസിറ്റീവ് ആകുന്നവരെ ആർടിപിസിആർ ടെസ്റ്റിന് വിധേയരാക്കുകയും ഐസൊലേഷനിൽ ചികിത്സിക്കുകയും ചെയ്യും. അതേസമയം ഫലം നെഗറ്റീവ് ആകുന്ന കായികതാരങ്ങൾക്ക് സാധാരണ പരിശീലനം നൽകും. ക്യാമ്പുകളിലെ കോവിഡ് പോസിറ്റീവ് അല്ലെങ്കിൽ രോഗലക്ഷണമുള്ള അത്‌ലറ്റുകൾക്ക് ശരിയായ ഐസൊലേഷൻ സൗകര്യങ്ങൾ ഒരുക്കിയിട്ടുണ്ട്. കൂടാതെ ഇവ ദിവസത്തിൽ രണ്ടുതവണ അണുവിമുക്തമാക്കും. പരിശീലനത്തിനും ഭക്ഷണത്തിനുമായി കായികതാരങ്ങളെ ചെറിയ ഗ്രൂപ്പുകളായി തിരിക്കുന്ന ഒരു മൈക്രോ ബയോ-ബബിളും ഉണ്ടാകും.
15 ദിവസത്തിലൊരിക്കൽ എൻ‌സി‌ഒ‌ഇയിലെ അത്‌ലറ്റുകൾ, കോച്ചുകൾ, സപ്പോർട്ട് സ്റ്റാഫ്, നോൺ റെസിഡൻഷ്യൽ സ്റ്റാഫ് എന്നിവരുടെ ഇടയിൽ നിന്നും ചിലരിൽ പരിശോധന നടത്തും. അതത് ദേശീയ സ്‌പോർട്‌സ് ഫെഡറേഷനുകളും സായ് ആസ്ഥാനത്തെ ഉദ്യോഗസ്ഥരും ശുപാർശ ചെയ്യുന്ന മത്സരങ്ങളിൽ മാത്രമേ അത്‌ലറ്റുകൾ പങ്കെടുക്കാവൂ എന്നും നിർദേശിച്ചിട്ടുണ്ട്. ഇൻവിറ്റേഷനൽ ടൂർണമെന്റുകൾക്കും ഒളിമ്പിക് ഇതര യോഗ്യതാ മത്സരങ്ങൾക്കുമായി, NCOE കളുടെ ബന്ധപ്പെട്ട റീജിയണൽ ഡയറക്ടർമാർ ശുപാർശകൾ നൽകും. അതത് സംസ്ഥാന ഗവൺമെന്റുകളിൽ നിന്നുള്ള മാർഗ്ഗനിർദ്ദേശങ്ങൾ, ആ പ്രത്യേക സംസ്ഥാനങ്ങളിൽ ഈ പ്രവർത്തന ചട്ടങ്ങൾക്ക് മുകളിൽ നടപ്പാക്കാൻ ശ്രദ്ധിക്കണമെന്നും നിർദേശമുണ്ട്.
അതേസമയം, കഴിഞ്ഞ 24 മണിക്കൂറിനിടെ നൽകിയ 91 ലക്ഷത്തിലധികം ((91,25,099) ഡോസുള്‍പ്പെടെ, ഇന്നു രാവിലെ 7 വരെയുള്ള കണക്കനുസരിച്ച് ഇന്ത്യയിലെ കോവിഡ്-19 പ്രതിരോധ കുത്തിവയ്പുകളുടെ എണ്ണം 148.67 കോടി (148,67,80,227) പിന്നിട്ടു. 1,59,06,137 സെഷനുകളിലൂടെയാണ് ഈ നേട്ടം കൈവരിച്ചത്. ഇന്നു രാവിലെ 7 വരെയുള്ള പ്രാഥമികവിവരമനുസരിച്ച് വാക്‌സിന്‍ ഡോസുകള്‍ ഇനി പറയുന്ന വിഭാഗങ്ങളിലായാണ് നല്‍കിയിട്ടുള്ളത്. കഴിഞ്ഞ 24 മണിക്കൂറിനുള്ളില്‍ 19,206 പേര്‍ സുഖം പ്രാപിച്ചതോടെ രാജ്യത്താകെ ഇതുവരെ കോവിഡ് മുക്തരായവരുടെ എണ്ണം 3,43,41,009ആയി. ദേശീയ രോഗമുക്തി നിരക്ക് 97.81 % ആണ്. നിലവില്‍ 2,85,401 പേരാണ് ചികിത്സയിലുള്ളത്. നിലവില്‍ ചികിത്സയിലുള്ളത് രാജ്യത്തെ ആകെ രോഗബാധിതരുടെ 0.81% ശതമാനമാണ്.
