ലാലി ടീച്ചർ ഇനി 5 പേരിലൂടെ ജീവിക്കും; കുടുംബാംഗങ്ങൾക്ക് നന്ദി പറഞ്ഞ് മുഖ്യമന്ത്രി
തിരുവനന്തപുരം; ചെമ്പഴന്തി അണിയൂര് കല്ലിയറ ഗോകുലത്തില് ലാലി ഗോപകുമാര് (50) ഇനി 5 പേരിലൂടെ ജീവിക്കും. അന്യൂറിസം ബാധിച്ച് മസ്തിഷ്ക മരണമടഞ്ഞതിനെ തുടര്ന്ന് ബന്ധുക്കള് അവയവദാനത്തിന് സന്നദ്ധരാകുകയായിരുന്നു. ഹൃദയം, 2 വൃക്കകള്, 2 കണ്ണുകള് എന്നവയാണ് മറ്റുള്ളവര്ക്കായി നല്കിയത്. ഹൃദയം എറണാകുളം ലിസി ആശുപത്രിയില് ചികിത്സയിലുള്ള രോഗിക്കും ഒരു വൃക്ക തിരുവനന്തപുരം മെഡിക്കല് കോളേജില് ചികിത്സയിലുള്ള രോഗിക്കും ഒരു വൃക്ക കിംസ് ആശുപത്രിയില് ചികിത്സയിലുള്ള രോഗിക്കും കോര്ണിയ ഗവ. കണ്ണാശുപത്രിയ്ക്കുമാണ് നല്കിയത്. ഈ ദു:ഖത്തിന്റെ ഘട്ടത്തില് നല്ലൊരു തീരുമാനമെടുത്ത കുടുംബാംഗങ്ങളുടെ നല്ല മനസിന് നന്ദി അറിയിക്കുകയാണെന്ന് മുഖ്യമന്ത്രി പിണറായി വിജയൻ പറഞ്ഞു.
ലാലി ഗോപകുമാറിന്റെ മകള് ദേവിക ഗോപകുമാറിനെ ഫോണില് വിളിച്ച് സാന്ത്വനിപ്പിച്ചു. തീവ്രദു:ഖത്തിലും അവയവദാനത്തിന് തയ്യാറായ ലാലി ഗോപകുമാറിന്റെ ബന്ധുക്കളെ ആദരവറിയിച്ചു. അനേകം കുട്ടികള്ക്ക് അറിവ് പകര്ന്ന ടീച്ചറായ ലാലി ഗോപകുമാര് ഇക്കാര്യത്തിലും മാതൃകയായിരിക്കുകയാണ്.
ലോക് ഡൗണ് കാലത്ത് അഞ്ചാമത്തെ അവയവദാന പ്രകൃയയാണ് നടന്നത്. മസ്തിഷ്ക മരണത്തെ തുടര്ന്ന് വടശേരിക്കോണം സ്വദേശി ശ്രീകുമാര് (54), തൃശൂര് സ്വദേശി സി.കെ. മജീദ് (56), കൊട്ടാരക്കര സ്വദേശി ശിവപ്രസാദ് (59), കൊല്ലം സ്വദേശി അരുണ് വര്ഗീസ് (32) എന്നിവരുടെ അവയവങ്ങളാണ് ദാനം ചെയ്തത്. ഈ 5 അവയവദാന പ്രകൃയയിലൂടെ 25 പേര്ക്കാണ് പുതുജീവിതം നല്കിയത്. ലോക് ഡൗണ് കാലത്ത് അവയവദാനത്തിന് നേതൃത്വം നല്കിയ മൃതസഞ്ജീവനി ടീമിന് അഭിനന്ദനം.
കേരള സര്ക്കാരിന്റെ മരണാന്തര അവയവദാന പദ്ധതിയായ മൃതസഞ്ജീവനി (KNOS) വഴിയാണ് അവയവദാന പ്രക്രിയ നടത്തിയത്. ലോക് ഡൗണായതിനാല് മുഖ്യമന്ത്രിയുടേയും ആരോഗ്യ വകുപ്പ് മന്ത്രിയുടേയും ഇടപെടലുകളെ തുടര്ന്നാണ് അവയവദാന വിന്യാസം നടന്നത്. ഹൃദയം എറണാകുളത്ത് ചികിത്സയിലുള്ള രോഗിക്ക് എത്തിക്കുന്നതിനുള്ള ദൗത്യം വളരെ വലുതായിരുന്നു. എന്നാല് മുഖ്യമന്ത്രിയുടെ നിര്ദേശ പ്രകാരം സംസ്ഥാന സര്ക്കാര് വാടകയ്ക്കെടുത്ത ഹെലികോപ്റ്ററിന്റെ ആദ്യയാത്ര കൂടിയായിരുന്നു ഇത്. തിരുവനന്തപുരം, എറണാകുളം ജില്ലാ ഭരണകൂടം, ആരോഗ്യം, പോലീസ്, ട്രാഫിക് തുടങ്ങി പല സര്ക്കാര് വകുപ്പുകളുടെ ഏകോപനത്തോടെയാണ് അവയവദാനം നടന്നത്.
മെഡിക്കല് വിദ്യാഭ്യാസ ജോ. ഡയറക്ടര് ഡോ. തോമസ് മാത്യു, തിരുവനന്തപുരം മെഡിക്കല് കോളേജ് പ്രിന്സിപ്പല് ഡോ. അജയകുമാര്, മൃതസഞ്ജീവനി നോഡല് ഓഫീസര് ഡോ. നോബിള് ഗ്രേഷ്യസ് എന്നിവരാണ് അവയവദാന പ്രകൃയയ്ക്ക് നേതൃത്വം നല്കിയത്.
പൗണ്ട്കടവ് ഗവ. എച്ച്.ഡബ്ല്യു. എല്.പി.എസ്. സ്കൂളിലെ അധ്യാപികയാണ് ലാലി ഗോപകുമാര്. തിരുവനന്തപുരത്തെ സ്വകാര്യ ആശുപത്രിയില് വച്ചാണ് ലാലിയ്ക്ക് മസ്തിഷ്ക മരണം സംഭവിച്ചത്. മേയ് എട്ടാം തീയതി രണ്ട് അപ്നിയ ടെസ്റ്റ് നടത്തിയാണ് മസ്തിഷ്ക മരണം സ്ഥിരീകരിച്ചത്. അവയവദാനത്തിന്റെ സാധ്യതകളറിയാവുന്ന കുടുംബാംഗങ്ങള് മുന്നോട്ട് വരികയായിരുന്നു. 'അമ്മയ്ക്ക് ഇങ്ങനെ സംഭവിച്ച സമയത്ത് ഞങ്ങള് കുറേ വിഷമിച്ചിരുന്നു. അമ്മ എപ്പോഴും എല്ലാവരേയും സഹായിച്ചിട്ടേയുള്ളൂ. ഞങ്ങളെപ്പോലെ കരയുന്നവരും കാണുമല്ലോ. അവര്ക്കൊരു സഹായമായാണ് അവയവദാനത്തിന് തയ്യാറായത്' എന്നാണ് മകള് ദേവിക ഗോപകുമാര് പറയുന്നത്.
ലാലി ഗോപകുമാറിന്റെ ഭര്ത്താവ് ഗോപകുമാര് ബിസിനസ് നടത്തുന്നു. മൂന്ന് മക്കള്. ഗോപിക ഗോപകുമാര് ഗള്ഫില് നഴ്സാണ്. ദേവിക ഗോപകുമാര് ബി.എച്ച്.എം.എസ്. വിദ്യര്ത്ഥി. ഗോപീഷ് ബി.ടെക് വിദ്യാര്ത്ഥി. മരുമകന് ശരത് ബാബു.
-
'ഗോൾവാൾക്കറുടെ ഫോട്ടോയ്ക്കു മുന്നിൽ താണുവണങ്ങിയത് ഏത് ഡീൽ ആയിരുന്നു?' വിഡി സതീശനോട് മുഖ്യമന്ത്രി -
'മാധ്യമങ്ങളാൽ നിർമ്മിക്കപ്പെട്ട ബിംബമല്ല പിണറായി വിജയൻ, സച്ചിദാനന്ദന്റേത് അരാഷ്ട്രീയ വാദം'; ബി ഉണ്ണികൃഷ്ണൻ -
പത്തനംതിട്ടയിൽ അഞ്ചിടത്തും പഞ്ചതന്ത്രം പയറ്റി മുന്നണികൾ -
‘കേരള ഇലക്ഷൻ ലീഗി’ൽ എൻഡിഎയുടെ ട്വന്റി 20 മാച്ച് -
ഉള്ളത് 84 രൂപ, ഭൂമിയില്ല, തൊഴിലില്ല- കേരളത്തിലെ ആസ്തി കുറഞ്ഞ സ്ഥാനാര്ഥി ഏറ്റുമാനൂരിലുണ്ട് -
കോട്ടയത്ത് ഒമ്പതിടത്തും പാകത്തിന് പോരാട്ട വേവ് -
സ്വര്ണം ഗിയര് മാറ്റി; ഇന്ന് വന് കുതിപ്പ്, ആഭരണം പൊള്ളും, ട്രംപിന്റെ വാക്കുകള് ഏറ്റു, ഇന്നത്തെ പവന് വില -
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത -
യുഎഇയും ബഹ്റൈനും പിടിച്ചടക്കും; ഇറാന് റെഡി എന്ന് വിദഗ്ധന്, യുഎസ് ആ നീക്കം നടത്തിയാല് -
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം
Click it and Unblock the Notifications
Sign in with Google