ശിവഗിരി തീര്ഥാടനത്തിന് ഒരുക്കം തുടങ്ങി; തീര്ഥാടകരുടെ എണ്ണം കുറയ്ക്കും; കര്ശന കോവിഡ് മാനദണ്ഡങ്ങള്
തിരുവനന്തപുരം; 88-ാമത് ശിവഗിരി തീര്ഥാടനത്തിനുള്ള ഒരുക്കം തുടങ്ങി. കര്ശന കോവിഡ് മാനദണ്ഡങ്ങള് പാലിച്ചായിരിക്കും ഇക്കുറി തീര്ഥാടനം. വലിയ തിരക്ക് ഒഴിവാക്കുന്നതിനായി പ്രതിദിനം ആയിരത്തില് താഴെ തീര്ഥാടകര്ക്കു മാത്രമേ ശിവഗിരിയിലേക്കു പ്രവേശിപ്പിക്കൂ.
ഡിസംബര് 30, 31, ജനുവരി ഒന്ന് തീയതികളില് വിര്ച്വല് തീര്ഥാടനമായിട്ടാകും ഇത്തവണത്തെ ശിവഗിരി തീര്ഥാടനം നടത്തുകയെന്ന് ഒരുക്കങ്ങള് വിലയിരുത്താന് ചേര്ന്ന യോഗത്തില് മഠം അധികൃതര് അറിയിച്ചു. മുന്കാലങ്ങളില് നടന്നിരുന്ന വലിയ സമ്മേളനങ്ങളും പരിപാടികളും ഇത്തവണ ഉണ്ടാകില്ല. പ്രമുഖരുടെ പ്രസംഗങ്ങളും ക്ലാസുകളും ഡിസംബര് 25 മുതല് ശിവഗിരി ടിവിയിലൂടെ ഓണ്ലൈനായി സംപ്രേഷണം ചെയ്യും. ശിവഗിരിയിലും പരിസരത്തും തീര്ഥാടകര് കൂട്ടംകൂടുന്നത് ഒഴിവാക്കാന് മേളകളും കച്ചവട സ്റ്റാളുകളും അനുവദിക്കില്ല. അന്നദാനവും തീര്ഥാടകര്ക്കു ശിവഗിരിയില് താമസിക്കാനുള്ള സൗകര്യവും ഉണ്ടാകില്ല.
ശിവഗിരിയിലേക്കു വരുന്ന തീര്ഥാടകര് മുന്കാലങ്ങളിലുള്ളതുപോലെ വലിയ സംഘങ്ങളായി എത്തുന്നത് ഇത്തവണ ഒഴിവാക്കണമെന്ന് യോഗത്തില് അധ്യക്ഷത വഹിച്ച അഡിഷണല് ജില്ലാ മജിസ്ട്രേറ്റ് വി.ആര്. വിനോദ് പറഞ്ഞു. ആയിരം പേരില് താഴെ ആളുകളെ മാത്രമേ ശിവഗിരിയിലേക്കു പ്രവേശിപ്പിക്കൂ. ആളുകള് കൂട്ടംകൂടുന്നത് അനുവദിക്കില്ല. പൊതു പരിപാടികള് നടത്തുകയാണെങ്കില് ഹാളിന്റെ വലിപ്പത്തിന്റെ 50 ശതമാനത്തില് താഴെ ആളുകളെ മാത്രമേ അനുവദിക്കൂ. ഇക്കാര്യങ്ങള് സംബന്ധിച്ച് മഠം അധികൃതര് തീര്ഥാടകര്ക്കു പ്രത്യേക അറിയിപ്പു നല്കണം.
തിരക്ക് കുറയ്ക്കുന്നതിന്റെ ഭാഗമായി പതിവ് സ്പെഷ്യല് ബസ്, ട്രെയിന് സര്വീസുകള് എന്നിവ ഇത്തവണ ഉണ്ടാകില്ല. തീര്ഥാടകരായെത്തുന്ന മുഴുവന് ആളുകള്ക്കും കര്ശന കോവിഡ് മാനദണ്ഡങ്ങള് പാലിക്കാനുള്ള സൗകര്യം ഏര്പ്പെടുത്തണം. ഇതിനായി സാനിറ്റൈസര്, ശരീരോഷ്മാവ് പരിശോധിക്കുന്നതിനുള്ള തെര്മല് സ്കാനറുകള് തുടങ്ങിയവ ഒരുക്കണം. കൈകള് വൃത്തിയാക്കുന്നതിന് മഠത്തിന്റെയും ശിവഗിരിയുടെ മറ്റു ഭാഗങ്ങളിലും പ്രത്യേക സംവിധാനം ഏര്പ്പെടുത്തണം. വര്ക്കല താലൂക്ക് ആശുപത്രിയില് തീര്ഥാടകര്ക്ക് ആവശ്യമായ മരുന്നും മറ്റു സജ്ജീകരണങ്ങളും ഒരുക്കുന്നതിന് ആരോഗ്യ വകുപ്പിനെ ചുമതലപ്പെടുത്തി.
തീര്ഥാടനത്തിനു മുന്നോടിയായി കുളിക്കടവുകള് അടക്കമുള്ള സ്ഥലങ്ങളില് ശുചീകരണ പ്രവര്ത്തനങ്ങള് നടത്തണം. വര്ക്കല മുനിസിപ്പാലിറ്റിയും ജലവിഭവ വകുപ്പും ഇതിനു പ്രത്യേക തയാറെടുപ്പുകള് നടത്തണം. തീര്ഥാടകരുടെ ആവശ്യത്തിനായി താത്കാലിക ശുചിമുറികള് സജ്ജമാക്കുന്നതിനും വര്ക്കല മുനിസിപ്പാലിറ്റി അധികൃതര്ക്കു നിര്ദേശം നല്കി. തീര്ഥാടനം ആരംഭിക്കുന്നതിനു മുന്പ് വഴിവിളക്കുകളുടെ അറ്റകുറ്റപ്പണി പൂര്ത്തിയാക്കുന്നതിനും തടസമില്ലാത്ത രീതിയില് വൈദ്യുതി ലഭ്യമാക്കുന്നതിനും കെ.എസ്.ഇ.ബിക്കും നിര്ദേശം നല്കി.
കളക്ടറേറ്റില് എ.ഡി.എമ്മിന്റെ ചേംബറില് ചേര്ന്ന യോഗത്തില് ശ്രീനാരായണ ധര്മ സംഘം ട്രസ്റ്റ് ജനറല് സെക്രട്ടറി സ്വാമി സാന്ദ്രാനന്ദ, ജില്ലാ പൊലീസ് മേധാവി ബി. അശോകന്, ദുരന്ത നിവാരണ വിഭാഗം ഡെപ്യൂട്ടി കളക്ടര് ഇ.എം. സഫീര്, ജില്ലാ ഇന്ഫര്മേഷന് ഓഫിസര് ജി. ബിന്സിലാല്, വര്ക്കല മുനിസിപ്പല് സെക്രട്ടറി എല്.എസ്. ഷാജി, ഡെപ്യൂട്ടി തഹസില്ദാര്മാരായ വിനോദ് രാജ്, ഡി. ശ്യാം, ജില്ലാ മെഡിക്കല് ഓഫിസ് ടെക്നിക്കല് അസിസ്റ്റന്റ് ടി.വി. അഭയന് എന്നിവര് പങ്കെടുത്തു.
-
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
'സ്വർണം വാങ്ങാനിരിക്കുന്നവർക്ക് സന്തോഷം തന്നെ';പക്ഷെ നട്ടം തിരിഞ്ഞ് ജ്വല്ലറിക്കാർ..ഇനിയെന്ത്? -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
സ്വര്ണവില കേട്ടതുപോലെ അല്ല; വാങ്ങാന് ചെന്നപ്പോള് മറ്റൊന്ന്, ഇതെന്ത് മറിമായം, 4 തവണ മാറി -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ
Click it and Unblock the Notifications
Sign in with Google