'അവരോട് ചോദിച്ചാല്‍ ഇറങ്ങിപ്പോടാ എന്ന് പറയും'; പൃഥ്വിരാജ് നല്‍കിയത് 49 ലക്ഷമെന്നും മല്ലിക സുകുമാരന്‍

2018 ലെ പ്രളയാകലത്ത് സാമൂഹ്യ മാധ്യമങ്ങളിള്‍ ഏറ്റവും കൂടുതല്‍ ട്രോളുകള്‍ക്ക് വിധേയയായ വ്യക്തിയായിരുന്നു മല്ലിക സുകുമാരന്‍. പ്രളയ ജലം ഒഴികിയെത്തിയപ്പോള്‍ വലിയ ചരുവത്തില്‍ മല്ലി സുകുമാരനെ സുരക്ഷിത കേന്ദ്രത്തിലേക്ക് എത്തിക്കുന്ന ചിത്രങ്ങള്‍ സഹിതമായിരുന്നു ട്രോള്‍കുള്‍. വഴി മോശമായതിനാൽ മക്കളായ പൃഥ്വിരാജും ഇന്ദ്രജിത്തും വാങ്ങിയ ലംബോർഗിനി അടക്കമുള്ള വാഹനങ്ങള്‍ വീട്ടിലേക്ക് എത്തുന്നില്ലെന്ന മല്ലിക സുകുമാരന്റെ മുന്‍ പരാമർശമായിരുന്നു ട്രോളുകളുടെ അടിസ്ഥാനം.

ഇപ്പോഴിതാ ഈ ട്രോളുകള്‍ക്കകം മറുപടിയുമായി രംഗത്ത് എത്തിയിരിക്കുകയാണ് മല്ലിക സുകുമാരന്‍. ജമേഷ് ഷോ എന്ന യൂട്യൂബ് ചാനലിന് നല്‍കിയ പ്രത്യേക അഭിമുഖത്തില്‍ സംസാരിക്കുകയായിരുന്നു അവർ.

അത്യാവശ്യം ഒരു കാറില്‍ കയറിയോ അല്ലെങ്കില്‍ ഫയർഫോഴ്സിന്റെ ബോട്ടിലോ കയറി പോവാന്‍ സാധിക്കുന്ന ഒരു സത്രീക്ക് എന്തുകൊണ്ട് ഇങ്ങനെ ഒരു ചെമ്പില്‍ കയറി പോവേണ്ടിവന്നുവെന്ന് ആരെങ്കിലും ചോദിച്ചിട്ടുണ്ടോ. ആ ചോദ്യം ഇവിടെ ഇല്ല. അത് പലർക്കും അപ്രസക്തമാണ്. ഞങ്ങളുടെ വീട്ടില്‍ 16 വർഷമായി നില്‍ക്കുന്ന രണ്ട് വയസ്സായ ആളുകളുണ്ട്. അവർക്ക് പേടിയായിരുന്നു. അവരോട് ഫയർഫോഴ്സിന്റെ ബോട്ടില്‍ കയറി പോവാന്‍ പറഞ്ഞതിന് ശേഷമാണ് ഞാന്‍ ചെമ്പില്‍ കയറി പോവുന്നതെന്നും അന്നത്തെ സംഭവം വ്യക്തമാക്കി കൊണ്ട് മല്ലിക സുകുമാരന്‍ പറയുന്നു.

അന്നത്തെ കൌണ്‍സിലർ വരെ സ്നേഹത്തോടെ എന്നോടൊപ്പം നിന്നു. ആ സ്നേഹം ചിലപ്പോള്‍ ജോലിക്കാരോട് കാണിച്ചെന്ന് വരില്ല. കൂടിപ്പോയാല്‍ ഒരു നൂറ് മീറ്റർ മാത്രമാണ് ചെമ്പില്‍ കയറി പോയത്. അത്രയേ സംഭവമുള്ളു. അതിനിടക്ക് തന്നെ ഫോട്ടോയെടുപ്പും കാര്യങ്ങളും നടന്നിരുന്നുവെന്ന് ഞങ്ങള്‍ക്ക് മനസ്സിലായിരുന്നു. ചിലരുടെയൊക്കെ സാഡിസ്റ്റ് മനോഭാവമാണ് ഈ ട്രോളുകളുടേയെല്ലാം കാര്യം.

ഈ ഫോട്ടോ എടുക്കുന്നവന് ഒരു ലംബോർഗിനി വാങ്ങിക്കാന്‍ പറ്റുമോ.. ഇല്ല. ഇതിനെക്കുറിച്ച് എന്തെങ്കിലും കുറ്റം പറഞ്ഞാല്‍ അത് കേട്ട് നമ്മള്‍ ചിരിക്കുമെന്ന് വിശ്വസിക്കാന്‍ മാത്രം മണ്ടനാണോ അവന്‍. നമ്മുടെ പാരമ്പര്യവും സംസ്കാരവും വളർത്തിയ രീതിയുമെല്ലാം ഇതിനകത്തെ ഘടകളാണ്. അവരുടെയൊക്കെ അച്ഛനും അമ്മയുമെല്ലാം ഇവരെക്കുറിച്ച് എത്ര വിഷമിക്കുന്നുണ്ടാവുമെന്നും മല്ലിക സുകുമാരന്‍ ചോദിക്കുന്നു.

ട്രോളുകളില്‍ മാത്രമല്ല, ഏത് വിഷയത്തില്‍ അഭിപ്രായം പറഞ്ഞാലും ഇത്തരം അധിക്ഷേപം ഉണ്ടാവാറുണ്ട്. പറയേണ്ട കാര്യങ്ങള്‍, പറയേണ്ട ഇടത്ത്, പറയേണ്ട രീതിക്ക് പറയണം. സുഖിപ്പിക്കല്‍ വർത്തമാനൊക്കെ കയ്യില്‍ വെച്ചാല്‍ മതി. ലംബോർഗിനി വാങ്ങിയപ്പോള്‍ 49 ലക്ഷമാണ് പൃഥ്വിരാജ് ടാക്സ് കൊടുത്തത്. എന്നിട്ട് ഏതെങ്കിലും സർക്കാർ ഉദ്യോഗസ്ഥന്‍ ഇങ്ങനെയൊന്നും അയാളെ പറയരുത് പറഞ്ഞോ.

ഈ സർക്കാർ ഉദ്യോഗസ്ഥരെല്ലാം കാർ വാങ്ങിക്കുന്നില്ലേ. അവരെക്കുറിച്ചെന്താണ് പേടി.. ഇറങ്ങിപ്പോടാ... എന്ന് പറയുമെന്ന് അറിയാം. ഏതെങ്കിലും ഒരു പത്രസമ്മേളനത്തില്‍ ചെന്നിരുന്ന് സാറേ എന്തിനാണ് നമുക്ക് പൈസയൊന്നും ഇല്ലാതിരുന്ന സമയത്ത് കാറ് വാങ്ങിയതെന്ന് ചോദിക്കാന്‍ ധൈര്യമുണ്ടോ. ഞാനെങ്ങും കണ്ടിട്ടില്ല. അതോടൊപ്പം തന്നെ അവർക്ക് അതിന്റേതായ ആവശ്യമുണ്ടാവുമെന്നും മല്ലിക സുകുമാരന്‍ പറയുന്നു.

ചിലർക്ക് കാറുകളോടായിരിക്കും താല്‍പര്യം. രാജുവിനെ സംബന്ധിച്ച് വസ്ത്രങ്ങളോട് ഒരു താല്‍പര്യവുമില്ല. നല്ല വണ്ടികള്‍ വരുന്നത് കണ്ടാല്‍ ഒരു താല്‍പര്യമാണ്. അവന്‍ അധ്വാനിച്ച് ഉണ്ടാക്കുന്ന കാശാണ്. അതിന് അവന്‍ എന്ത് വേണമെങ്കിലും വാങ്ങിച്ചോട്ടെ. അല്ലാതെ കൈക്കൂലിയിലൂടെയോ പിരിവിലൂടെയോ ഉണ്ടാക്കുന്ന കാശല്ല. അതൂടെ ഒന്ന് ഈ ട്രോളന്‍മാർ മനസ്സിലാക്കാണം. ഇപ്പോള്‍ മിണ്ടിയാല്‍ ഉടനെ ജാതിയും രാഷ്ട്രീയവും മതവുമായി. പണ്ടൊന്നും ഇത് അങ്ങനെ ആയിരുന്നില്ലെന്നും മല്ലിക സുകുമാരന്‍ കൂട്ടിച്ചേർക്കുന്നു.

English summary

Prithviraj's mother and actress Mallika Sukumaran responded to the criticism on social media