കൂത്തുപറമ്പ് വെടിവെയ്പ്പിൽ പരിക്കേറ്റ് കിടപ്പിലായിരുന്ന പുഷ്പൻ അന്തരിച്ചു

കോഴിക്കോട്: കൂത്തുപറമ്പ് വെടി വെയ്പ്പിൽ പരിക്കേറ്റ് ചികിത്സയിലായിരുന്ന പുഷ്പൻ അന്തരിച്ചു. ജീവിക്കുന്ന രക്തസാക്ഷി എന്ന് അറിയിപ്പെട്ടിരുന്ന പുഷ്പൻ 30 വർഷമായി കിടപ്പിലായിരുന്നു. ആ​ഗസ്റ്റ് രണ്ടിന് വൈകീട്ടാണ് പുഷ്പനെ കോഴിക്കോട്ടെ സ്വകാര്യ ആശുപത്രിയിൽ പ്രവേശിപ്പിച്ചത്. ഇന്ന് മൂന്നരയോടെയാണ് അന്ത്യം. സി പി എം നോർത്ത് മേനപ്രം ബ്രാ‍ഞ്ച് അം​ഗമായിരുന്നു.

കൂത്തുപറമ്പിൽ 1994 നവംബർ 25 ന് നടന്ന ഡി വൈ എഫ് ഐ സമരത്തിന് നേരെയുണ്ടായ പോലീസ് വെടി വെയ്പ്പിൽ സുഷുമ്ന നാഡി തകർന്ന് കിടപ്പിലായതാണ് പുഷ്പൻ. വെടി വെയ്പ്പിൽ ഡി വൈ എഫ് ഐ പ്രവർത്തകരായ കെ കെ രാജീവൻ, മധു, ഷിബുലാൽ, ബാബു, റോഷൻ എന്നിവർ കൊല്ലപ്പെട്ടിരുന്നു. പുഷ്പൻ ഉൾപ്പെടെ ആറോളം പ്രവർത്തകർക്ക് ​ഗുരുതരമായി പരിക്കേറ്റിരുന്നു.

1994 നവംബർ 25 ന് തലശ്ശേരിക്കടുത്ത് കൂത്തുപറമ്പിൽ മന്ത്രി എം വി രാഘവനെ തടയാനെത്തിയ ഡി വൈ എഫ് ഐ പ്രവർത്തകർക്ക് നേരെ പോലീസ് വെടി വെയ്പ്പ് നടത്തുകയായിരുന്നു. കൂത്തുപറമ്പിലെ അർബൻ സഹകരണബാങ്കിന്റെ സാ​യാഹ്ന ശാഖയുടെ ഉദ്ഘാടനത്തിന് എത്തിയതായിരുന്നു മന്ത്രി

English summary

Pushpan The Living Martyr Of The Koothuparamba Firing Passed Away, Details