ജീവനക്കാരുടെ ശമ്പളം പിടിക്കും; സര്ക്കാര് ഓര്ഡിനന്സിന് ഗവര്ണറുടെ അംഗീകാരം
തിരുവനന്തപുരം: സംസ്ഥാനത്ത് കൊറോണ പ്രതിരോധ നടപടികളുടെ ഭാഗമായി ജീവനക്കാരുടെ ശമ്പളം പിടിക്കുന്നതുമായി ബന്ധപ്പെട്ട് സംസ്ഥാന സര്ക്കാര് പുറത്തിറക്കിയ ഓര്ഡിനന്സിന് ഗവര്ണറഉടെ അംഗീകാരം. ഗവര്ണര് ആരിഫ് മുഹമ്മദ് ഖാന് ഓര്ഡിനന്സില് ഒപ്പ് വെച്ചു. തദ്ദേശ വാര്ഡ് ഓര്ഡിനന്സിനും ഗവര്ണര് അംഗീകാരം നല്കി.
Recommended Video
കൊറോണ പ്രതിസന്ധി മറികടക്കാന് സര്ക്കാര് ജീവനക്കാരുടെ ശമ്പളം മാറ്റിവെക്കുന്ന സര്ക്കാര് തീരുമാനം നിയമപരമല്ലെന്ന് ഹൈക്കോടതി വ്യക്തമാക്കിയിരുന്നു. പിന്നാലെ ഇതിനെ മറികടന്ന സംസ്ഥാന സര്ക്കാര് ഓര്ഡിനന്സ് ഇറക്കുകയായിരുന്നു.
ആരോഗ്യ അടിയന്തിരാവസ്ഥ നിയമപ്രകാരമാണ് സര്ക്കാര് നടപടി. 25 ശതമാനം വരെ ജീവനക്കാരുടെ ശമ്പളം പിടിക്കാന് ഈ നിയമം സര്ക്കാരിന് അനുമതി നല്കുന്നുണ്ടെന്ന് ധന മന്ത്രി തോമസ് ഐസക് പ്രതികരിച്ചിരുന്നു.
സാമ്പത്തിക പ്രതിസന്ധി രൂക്ഷമാണെന്നാണ് സര്ക്കാര് നല്കുന്ന സൂചന. ജീവനക്കാരുടെ ശമ്പളം പിടിക്കുകയല്ലാതെ മറ്റു വഴികളില്ലെന്നും സര്ക്കാര് വ്യക്തമാക്കുന്നു. ഡിസാസ്റ്റര് ആന്റ് പബ്ലിക് എമര്ജന്സി ആക്ട് പ്രകാരമാണ് സര്ക്കാര് ഓര്ഡിനന്സ് ഇറക്കിയിരിക്കുന്നത്.
ആരോഗ്യ മേഖലയില് പ്രതിസന്ധിയുണ്ടാകുമ്പോള് ഈ നിയമ പ്രകാരം സര്ക്കാരിന് നടപടികള് സ്വീകരിക്കാന് അനുമതിയുണ്ട്. വിശാലമായ അധികാരമാണ് ഈ നിയമം സര്കാരിന് നല്കുന്നത്. 25 ശതമാനം ശമ്പളം വരെ പിടിക്കാന് സര്ക്കാരിന് നിയമം അനുമതി നല്കുന്നു. തിരിച്ചു എപ്പോള് നല്കുമെന്ന് വേഗത്തില് പറയേണ്ടതില്ല. ഇക്കാര്യത്തില് തീരുമാനം എടുക്കുന്നതിന് ആറ് മാസം വരെ സമയവുമുണ്ട്.
ഓരോ മാസവും ആറ് ദിവസത്തെ ശമ്പളം പിടിക്കാനാണ് സര്ക്കാര് തീരുമാനിച്ചത്. ഇങ്ങനെ അഞ്ച് മാസം ശമ്പളത്തില് കുറവ് വരുത്താനും തീരുമാനിച്ചിരുന്നു. ഇതിനെതിരെ പ്രതിപക്ഷ സര്വീസ് സംഘടനകളാണ് ഹൈക്കോടതിയെ സമീപിച്ചത്. ശമ്പളം ജീവനക്കാരുടെ അവകാശമാമെന്ന് ഹൈക്കോടതി നിരീക്ഷിക്കുകയും സര്ക്കാര് നടപടി രണ്ടു മാസത്തേക്ക് സ്റ്റേ ചെയ്യുകയുമായിരുന്നു.
സര്ക്കാരിന്റെ ഈ നടപടിക്കെതിരെ കെപിസിസി പ്രസിഡണ്ട് രൂക്ഷ വിമര്ശനവുമായി രംഗത്തെത്തിയിരുന്നു. ശമ്പളം പിരിച്ചെടുക്കുന്ന നടപടിയിലൂടെ
തൊഴിലാളികളുടെ അവകാശ പോരാട്ടങ്ങളുടെ കഥ പറയുന്ന സിപിഐഎം തൊഴിലാളികളെ വഞ്ചിക്കുന്ന പാര്ട്ടിയായെന്നും ചങ്ങാത്ത മുതലാളിത്തത്തിന്റെ പാതയില് സഞ്ചരിക്കുന്ന പാര്ട്ടി തൊഴിലാളികളെ മറക്കുകയാണെന്നും മുല്ലപ്പള്ളി കുറ്റപ്പെടുത്തി.
സര്ക്കാര് ജീവനക്കാരുടെ ആനുകൂല്യം വെട്ടികുറക്കുന്നതിനെതിരെ തമിഴ്നാട്ടില് ഇടത് സര്വ്വീസ് സംഘടന രംഗത്തെത്തിയിട്ടുണ്ട്. വിഷയത്തില് സിപിഐഎമ്മിന്റെ കേന്ദ്ര നേതൃത്വം നിലപാട് വ്യക്തമാക്കണമെന്നും മുല്ലപ്പള്ളി രാമചന്ദ്രന് പറഞ്ഞിരുന്നു.
-
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ദുബായ് വഴി; നടി രണ്യ ബെംഗളൂരുവില് കൊണ്ടുവന്നത് 127 കിലോ, ആഫ്രിക്കന് ഖനികളും തേടി -
സ്വർണ വിലയിൽ വൻ ഇടിവ്; പവന് കുറഞ്ഞത് 10,040 രൂപ..1 ലക്ഷത്തിന് താഴേക്ക് തന്നെ? -
സ്വര്ണം ഏതെങ്കിലും പോയി വാങ്ങല്ലേ; ഉഗ്രന് പണി കിട്ടും, കുറഞ്ഞ നിരക്കിലുള്ള സ്വര്ണം അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി -
ശമ്പളം വെട്ടിക്കുറച്ചു; ഉന്നത ഉദ്യോഗസ്ഥര്ക്കും പോലീസുകാര്ക്കും കടുംവെട്ട്, കടുത്ത പ്രതിസന്ധിയില് ഹിമാചല്
Click it and Unblock the Notifications
Sign in with Google