സ്കൂള് കലോത്സവം; കണ്ണൂരിനെ പിന്തള്ളി കോഴിക്കോട് മുന്നില്; അവസാനദിനം ഇഞ്ചോടിഞ്ച് പോരാട്ടം
കോഴിക്കോട്: സംസ്ഥാന സ്കൂള് കലോത്സവത്തില് സ്വര്ണക്കപ്പിനായി ഇഞ്ചോടിഞ്ച് പോരാട്ടം. കലോത്സവം ഇന്ന് സമാപിക്കാനിരിക്കെ 808 പോയന്റുമായി ആതിഥേയ ജില്ലയായ കോഴിക്കോട് മുന്നിലെത്തി. കണ്ണൂരിനെ രണ്ടാം സ്ഥാനത്തേക്ക് പിന്തള്ളിയാണ് കോഴിക്കോടിന്റെ കുതിപ്പ്. കണ്ണൂരിന് 802 പോയന്റ് ഉണ്ട്. കലോത്സവത്തിന്റെ തുടക്കം മുതല് കണ്ണൂരായിരുന്നു പോയന്റ് പട്ടികയില് മുന്നില്.
എന്നാല് നാലാം ദിനം കത്തിക്കയറിയ കോഴിക്കോട് അവസാനദിനം ബാക്കിയിരിക്കെ ഒന്നാമതെത്തുകയായിരുന്നു. ഇന്നാണ് സംസ്ഥാന സ്കൂള് കലോത്സവത്തിന്റെ അവസാനദിനം. അവസാന ദിനമായ ഇന്ന് 11 മത്സരങ്ങള് ഉണ്ട്. അതിനാല് കിരീടം ആര്ക്ക് എന്ന് അറിയാന് അവസാന ഇനത്തിന്റേയും ഫലം വരേണ്ടി വരും എന്ന കാര്യം ഉറപ്പാണ്. ശനിയാഴ്ച വൈകീട്ട് അഞ്ച് മണിക്കാണ് സമാപന സമ്മേളനം.
നാലാം ദിനം കോഴിക്കോടിന്റ കുതിപ്പിന് ഊജര്ജമായത് നാടകം, തിരുവാതിര, സംഘനൃത്തം എന്നിവയുടെ മത്സരഫലങ്ങളാണ്. അതേസമയം കഴിഞ്ഞ ദിവസം കലോത്സവത്തില് കോടതി അപ്പീലുമായെത്തിയ 100 ഓളം വിദ്യാര്ത്ഥികളുടെ മത്സരഫലം തടഞ്ഞിരുന്നു. ഇതാദ്യമായാണ് കോടതി അപ്പീലുമായി വരുന്നവരുടെ മത്സരഫലം സംസ്ഥാന കലോത്സവത്തില് തടയുന്നത്.
അതേസമയം സംസ്ഥാന സ്കൂള് കലോത്സവത്തിന്റെ ആദ്യദിനം മുതല് ചാംപ്യന്സ് സ്കൂള് എന്ന നേട്ടത്തില് മുന്നിലുണ്ടായിരുന്ന തിരുവനന്തപുരം കാര്മല് ഗേള്സ് സ്കൂളിന് വെല്ലുവിളിയുമായി മുന് ചാംപ്യന്മാരായ ആലത്തൂര് ഗുരുകുലം ഹയര് സെക്കന്ററി സ്കൂള് ഒന്നാമത് എത്തി. കഴിഞ്ഞ ഒമ്പത് തവണയും ആലത്തൂര് ഗുരുകുലം ഹയര് സെക്കന്ററി സ്കൂളിനായിരുന്നു ഒന്നാം സ്ഥാനം.
തുടര്ച്ചയായ 10 ാം കിരീടം ലക്ഷ്യമിട്ടാണ് ആലത്തൂര് ഗുരുകുലം ഹയര് സെക്കന്ററി സ്കൂളിന്റെ അവസാന ലാപ്പിലെ മുന്നേറ്റം. കോഴിക്കോടാണ് സ്കൂള് കലോത്സവ ചരിത്രത്തില് ഏറ്റവും കൂടുതല് തവണ സ്വര്ണ്ണക്കപ്പുയര്ത്തിയത്, 19 തവണ. കിരീടം നേടി ഏറ്റവും കൂടുതല് തവണ ഹാട്രിക്ക് നേടിയതും കോഴിക്കോടാണ്. എട്ട് തവണ സംസ്ഥാന സ്കൂള് കലോത്സവത്തിനായി വേദിയൊരുക്കിയ ചരിത്രവും കോഴിക്കോടിന് ഉണ്ട്.
ഏഷ്യയിലെ തന്നെ ഏറ്റവും വലിയ കലാമേളയ്ക്ക് ഇത് എട്ടാം തവണയാണ് കോഴിക്കോട് വേദിയാകുന്നത്. തൃശൂരും എട്ട് തവണ വേദിയായിട്ടുണ്ട്. ഏഴ് വര്ഷത്തിന് ശേഷം കോഴിക്കോട് സംസ്ഥാന സ്കൂള് കലോത്സവത്തിന് ആതിഥ്യമരുളുന്നത്. 14,000-ത്തോളം വിദ്യാര്ത്ഥികളാണ് 239 ഇനങ്ങളിലായി മത്സരിക്കുന്നത്.
-
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ഉല്ലാസ് പന്തളത്തിന് 10,000 രൂപ നൽകി സഹായിച്ചു, പക്ഷെ വിളിച്ച് പറയുന്ന ആളല്ല ഞാനെന്ന് അഖിൽ മാരാർ; വൻ ട്രോൾ -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
യുഎഇയിൽ ശക്തമായ മഴ വരുന്നു; പ്രവാസികൾ ജാഗ്രത പാലിക്കുക, സുരക്ഷാ നിർദ്ദേശങ്ങൾ ഇങ്ങനെ -
'മത്സരിക്കാന് രാഹുല് അനുവദിച്ചു.. എന്നിട്ടും അത് മുടക്കി, ആളെ എനിക്കറിയാം'; തുറന്നടിച്ച് സുധാകരന് -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
ശമ്പളം വെട്ടിക്കുറച്ചു; ഉന്നത ഉദ്യോഗസ്ഥര്ക്കും പോലീസുകാര്ക്കും കടുംവെട്ട്, കടുത്ത പ്രതിസന്ധിയില് ഹിമാചല് -
ഇറാനെ ചുട്ടെരിക്കാൻ അമേരിക്ക; വൈദ്യുത നിലയങ്ങൾ തകർക്കും, ട്രംപിന്റെ അന്ത്യശാസനം -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി -
ഇസ്രായേലില് രൂക്ഷമായ മിസൈലാക്രമണവുമായി ഇറാന്; ഡിമോണും അറാദും ആക്രമിക്കപ്പെട്ടു -
13000 രൂപയുടെ ഇടിവില് സ്വര്ണം.. വെള്ളിയ്ക്ക് കുറഞ്ഞത് 32000 രൂപ! അടുത്ത ആഴ്ചയിലും വില കുറയും?
Click it and Unblock the Notifications
Sign in with Google