തൃശ്ശൂർ പൂരം വെറും ചടങ്ങ് മാത്രമാകുമോ? പിണറായി ക്ഷേത്രങ്ങൾ ലേലം ചെയ്യുന്ന ദിവസം വിദൂരമല്ല: കെസി വേണുഗോപാല്
പിണറായി വിജയൻ മുഖ്യമന്ത്രിയായി തുടർന്നാൽ അദ്ദേഹത്തിന്റെ തിരഞ്ഞെടുപ്പ് പ്രചാരണത്തിന് പണം പിരിക്കാൻ ക്ഷേത്രങ്ങൾ ലേലം ചെയ്യുന്ന ദിവസം വിദൂരമല്ലെന്ന് എ ഐ സി സി ജനറല് സെക്രട്ടറി കെസി വേണുഗോപാല്. തൃശ്ശൂർ പൂരം ഗ്രൗണ്ട് ഫീസ് 39 ലക്ഷത്തിൽ നിന്ന് 2.2 കോടിയായി ഉയർത്തിയ കൊച്ചിൻ ദേവസ്വം ബോർഡിന്റെ തീരുമാനത്തിന്റെ പശ്ചാത്തലത്തിലായിരുന്നു കെസി വേണുഗോപാലിന്റെ പ്രതികരണം. സഹായങ്ങള് നല്കേണ്ടതിന് പകരം ക്ഷേത്രങ്ങളെ പണം ഊറ്റിയെടുക്കാനുള്ള സ്രോതസ്സ് മാത്രമായാണ് ദേവസ്വം ബോർഡും സർക്കാരും കാണുന്നതെന്നും അദ്ദേഹം ഫേസ്ബുക്ക് കുറിപ്പിലൂടെ ചൂണ്ടിക്കാണിക്കുന്നു.
കെസി വേണുഗോപാലിന്റെ കുറിപ്പിന്റെ പൂർണ്ണ രൂപം ഇങ്ങനെ..
കേരളത്തിന്റെ സാംസ്കാരിക ഉത്സവങ്ങളിൽ ഏറ്റവും തലപ്പൊക്കത്തോടെ നിൽക്കുന്ന ആഘോഷമാണ് തൃശ്ശൂർ പൂരം. തൃശ്ശൂരുകാർ മാത്രമല്ല, മലയാളികൾ ഒന്നടങ്കം കാത്തിരിക്കുന്ന പൂരങ്ങളുടെ പൂരം. എന്നാൽ അടുത്ത തവണ മുതൽ തൃശ്ശൂർ പൂരം വെറുമൊരു ചടങ്ങ് മാത്രമായി മാറുമോ എന്നതിൽ കടുത്ത ആശങ്കയുണ്ട്. കാരണം, തൃശ്ശൂർ പൂരം ഗ്രൗണ്ട് ഫീസ് 39 ലക്ഷത്തിൽ നിന്ന് 2.2 കോടിയായി കൊച്ചിൻ ദേവസ്വം ബോർഡ് ഉയർത്തിക്കഴിഞ്ഞു. ഈ തീരുമാനം പിൻവലിച്ചില്ലെങ്കിൽ തൃശ്ശൂർ പൂരം ചടങ്ങിൽ മാത്രമായി ഒതുക്കേണ്ടി വരുമെന്ന് പാറമേക്കാവ്, തിരുവമ്പാടി ദേവസ്വം ഭാരവാഹികൾ മുന്നറിയിപ്പ് നൽകിക്കഴിഞ്ഞു.
ജാതി, മത, വർഗ, വർണ്ണ ഭേദമന്യേ മലയാളികൾ ഒഴുകിയെത്താറുള്ള പൂരം കൂടുതൽ സൗകര്യപ്രദമായി, സുഗമമായി നടത്താൻ എല്ലാവിധ സഹായവും ചെയ്തുനൽകേണ്ടവരാണ് ദേവസ്വം ബോർഡും സർക്കാരും. എന്നാൽ അതിനുപകരം, ക്ഷേത്രങ്ങളെ പണം ഊറ്റിയെടുക്കാനുള്ള സ്രോതസ്സ് മാത്രമായാണ് ഇവർ കാണുന്നത്. കോടിക്കണക്കിന് വരുന്ന ഭക്തരോടും പൂരപ്രേമികളോടും അല്പമെങ്കിലും ബഹുമാനമുണ്ടായിരുന്നെങ്കിൽ സർക്കാരിൽ നിന്ന് ഇതുണ്ടാകുമായിരുന്നില്ല.
കേരളത്തിലെ ക്ഷേത്രങ്ങൾ സർക്കാരിൽ നിന്ന് തന്നെ ഭീഷണി നേരിടുന്ന സമയം കൂടിയാണിത്. ക്ഷേത്ര മൈതാനം തന്റെ പി.ആർ വർക്കായ നവകേരളാ സദസ്സിന്റെ വേദിയായി ഉപയോഗിക്കാനുള്ള പിണറായി വിജയന്റെ ശ്രമം നേരത്തെ പരാജയപ്പെട്ടിരുന്നു. ഹൈക്കോടതി തന്നെ അതിനെതിരെ രംഗത്തുവന്നു. ഇപ്പോഴിതാ തൃശ്ശൂർ പൂരത്തിന് കേരളം കാണാത്തത്ര 'ചുങ്കം' ചുമത്തി ജനങ്ങളെ വെല്ലുവിളിക്കുകയാണ് സർക്കാർ ചെയ്യുന്നത്. പിണറായി വിജയൻ മുഖ്യമന്ത്രിയായി തുടർന്നാൽ അദ്ദേഹത്തിന്റെ തിരഞ്ഞെടുപ്പ് പ്രചാരണത്തിന് പണം പിരിക്കാൻ ക്ഷേത്രങ്ങൾ ലേലം ചെയ്യുന്ന ദിവസം വിദൂരമല്ല.
അടിയന്തരമായി 2.2 കോടി രൂപയെന്ന കൊള്ളഫീസ് ആവശ്യപ്പെട്ടുകൊണ്ടുള്ള തീരുമാനം ദേവസ്വം ബോർഡ് പിൻവലിക്കണം. സർക്കാർ അതിനുള്ള നിർദേശം നൽകണം. അല്ലാത്ത പക്ഷം കേരളത്തിന്റെ അഭിമാനമായ തൃശ്ശൂർ പൂരത്തിന്റെ കടയ്ക്കൽ കത്തി വെയ്ക്കുന്നതിന് തുല്യമായിരിക്കും അത്.
-
ഈ രാശിക്കാരാണോ? രണ്ടാഴ്ചയ്ക്കുള്ളില് അളവറ്റ ധനം കൈയിലെത്തും, ഇനി സൗഭാഗ്യനാളുകള് -
സ്വർണ വില ഗ്രാമിന് 6000 വരെ ആകണമെന്ന് വ്യാപാരികൾ; വില കുറയാൻ ആഗ്രഹിക്കുന്നത് ഇക്കാര്യം കൊണ്ടെന്ന് -
അധികാരസ്ഥാനങ്ങളില് എത്തിച്ചേരും, സുഹൃത്തുക്കളുമായി അകലും, അവിചാരിതമായ ആപത്തുകള്, വാരഫലം -
സ്വർണ വില താഴേക്ക് തന്നെ; പവൻ വില കേരളത്തിൽ 17,000 രൂപയെങ്കിലും ഇടിയും..പുതിയ പ്രവചനങ്ങൾ ഇങ്ങനെ -
അച്ഛനും അമ്മയും എന്നും വഴക്ക്, എന്നെ ഷൂട്ടിംഗിന് കൊണ്ടുപോകുന്നത് ഇഷ്ടമല്ലായിരുന്നു; കിച്ചു പറയുന്നു -
സ്വർണം വിറ്റ് കൂട്ടുന്ന കേന്ദ്രബാങ്കുകൾ..ഇനിയും സ്വർണ വില താഴേക്ക് പോകുമോ? വില ഇനി ഉയരണമെങ്കിൽ.. -
സ്വർണക്കുതിപ്പ് തത്കാലത്തേക്ക് അവസാനിച്ചു; ഇനി ഇടിഞ്ഞ് താഴോട്ട്, ഗ്രാം വില 11000 ആയി കുറയും? -
സ്വര്ണം ഞെട്ടിച്ചു; ഇന്ന് സ്വര്ണവിലയില് വന് കുതിപ്പ്, രൂപ തകര്ന്നടിഞ്ഞു, ഇന്നത്തെ പവന് വില -
വൈപ്പിൻകാരുടെ ചിരകാല സ്വപ്നം; തീരദേശ പാത വൈകുന്നു, അഴിക്കോട്-മുനമ്പം പാലം വന്നാൽ ഗതാഗത കുരുക്കേറും -
സ്വര്ണവില 27000 രൂപ കുറഞ്ഞു; പിന്നീട് സംഭവിച്ചത് അപ്രതീക്ഷിതം, രാത്രി പോലും വില കുതിച്ച വാരം -
സ്വർണ വില 75000ത്തിലേക്ക് എത്തുമെന്നാണോ പ്രതീക്ഷ? ശുദ്ധ മണ്ടത്തരം..ഇപ്പോൾ വാങ്ങിയാൽ ലക്ഷപ്രഭു -
സന്തോഷ് പണ്ഡിറ്റിന്റെ 500 കോടി പടം! ഹോർമുസ് കടലിടുക്ക് നീന്തിക്കടക്കാൻ 'പണ്ഡിറ്റ് കപൂർ ഐപിഎസ്'
Click it and Unblock the Notifications
Sign in with Google