കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

പാഴ്‌സല്‍ വാങ്ങിയ പുട്ടില്‍ നിന്ന് സ്വര്‍ണ മോതിരം കിട്ടി

  • By Meera Balan
Google Oneindia Malayalam News

വടക്കേക്കാട്: ഹോട്ടല്‍ ഭക്ഷണത്തില്‍ നിന്ന് തലമുടിയും, കല്ലും, സൂചിയും പഴുതാരയും, പാറ്റയും, പല്ലിയും എലിയുമൊക്കെ കിട്ടുന്ന എത്രയോ സംഭവങ്ങള്‍ നമ്മള്‍ കേട്ടിട്ടുണ്ട്. എന്നാല്‍ വടക്കേക്കാട്ട് വേറിട്ടൊരു സംഭവംമുണ്ടായി. പാഴ്‌സല്‍ വാങ്ങിയ പുട്ടില്‍ നിന്ന് സ്വര്‍ണമോതിരം കിട്ടി. അതും കാല്‍പവന്‍ പൊന്ന്.

വൈലത്തൂര്‍ സ്വദേശി ഓലിപ്പോത്ത് പ്രസീതയ്ക്കാണ് പാഴ്‌സല്‍ വാങ്ങിയ പുട്ടില്‍ നിന്നും മോതിരം കിട്ടിയത്. പുട്ടും ചെറുപയറും ആസ്വദിച്ച് കഴിയ്ക്കുന്നതിനിടല്‍ പ്രസീതയുടെ കൈയ്യില്‍ എന്തോ തടഞ്ഞു. നോക്കുമ്പോള്‍ സ്വര്‍ണമോതിരം.

Puttu

പ്രസീത ജോലി ചെയ്യുന്ന പിസിഎം പ്‌ളാസ ഓഡിറ്റോറിയത്തിലെ മാനേജരാണ് പാഴ്‌സല്‍ വാങ്ങി നല്‍കിയത്. പുട്ടില്‍ നിന്ന് സ്വര്‍ണം കിട്ടിയതോടെ അതിന്റെ ഉടമയെ തിരഞ്ഞായി അടുത്ത അന്വേഷണം.

ഒടുവില്‍ അന്വേഷണം ഹോട്ടല്‍ ഉടമയില്‍ എത്തി നിന്നു. പുട്ടിനായി പൊടി കുഴയ്ക്കുന്നതിനിടയില്‍ ഹോട്ടലുടമയുടെ ഭാര്യയുടെ കൈയ്യില്‍ നിന്ന് ഊരിപ്പോയതായിരുന്നു മോതിരം. ഇക്കാര്യം ബോധ്യപ്പെട്ടതോടെ പ്രസീത മോതിരം ഉടമയ്ക്ക് തിരിച്ച് നല്‍കി.

English summary
Woman get a gold ring from Puttu.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X