കുഞ്ഞാലിക്കുട്ടിക്ക് പകരം മലപ്പുറത്ത് മൂന്ന് പേര് പട്ടികയില്; ചര്ച്ച തുടങ്ങിയിട്ടില്ലെന്ന് മുസ്ലിം ലീഗ്
മലപ്പുറം: ലോക്സഭാ അംഗത്വം രാജിവയ്ക്കാന് മുസ്ലിം ലീഗ് ദേശീയ ജനറല് സെക്രട്ടറി പികെ കുഞ്ഞാലിക്കുട്ടി തീരുമാനിച്ചു എന്ന് കഴിഞ്ഞ ദിവസം നേതാക്കള് മാധ്യമങ്ങളെ അറിയിച്ചിരുന്നു. പകരം ആര് മലപ്പുറം ലോക്സഭാ മണ്ഡലത്തില് മല്സരിക്കുമെന്ന ചോദ്യമാണ് ഇപ്പോള് ഉയരുന്നത്. സംസ്ഥാന രാഷ്ട്രീയത്തില് സജീവമാകാന് എംപി സ്ഥാനം കുഞ്ഞാലിക്കുട്ടി ഒഴിയുമെന്ന് നേരത്തെ തീരുമാനിച്ചതാണ്. അപ്പോള് തന്നെ പകരക്കാരന് ആര് എന്ന ചര്ച്ചയും തുടങ്ങിയിരുന്നു. എന്നാല് ഇതുസംബന്ധിച്ച ചര്ച്ച നടക്കുന്നല്ല എന്നാണ് ലീഗ് ഔദ്യോഗികമായി പറയുന്നതെങ്കിലും ഏകദേശ രൂപം തയ്യാറാക്കിയിട്ടുണ്ടെന്നാണ് സൂചനകള്. വിശദവിവരങ്ങള് ഇങ്ങനെ...
സ്ഥാനാര്ഥികള് ആര്
ലോക്സഭാ ഉപതിരഞ്ഞെടുപ്പില് മലപ്പുറത്ത് ആര് സ്ഥാനാര്ഥിയാകുമെന്നും നിയമസഭാ തിരഞ്ഞെടുപ്പുകളിലെ സ്ഥാനാര്ഥികള് സംബന്ധിച്ചും മുസ്ലിം ലീഗില് ചര്ച്ച തുടങ്ങിയിട്ടുണ്ട് എന്നാണ് വിവരം. പാര്ട്ടി ഔദ്യോഗികമായി ഇക്കാര്യം ശരിവെക്കുന്നില്ല. ഏപ്രില്-മെയ് മാസങ്ങളിലാണ് കേരളത്തില് തദ്ദേശ തിരഞ്ഞെടുപ്പ് നടക്കുക.
മൂന്ന് പേര് പട്ടികയില്
കുഞ്ഞാലിക്കുട്ടിക്ക് പകരം മലപ്പുറം ലോക്സഭാ മണ്ഡലത്തിലേക്ക് പരിഗണിക്കുന്നവരുടെ പട്ടികയില് മൂന്ന് പേരുകളാണുള്ളത്. മണ്ണാര്ക്കാട് എംഎല്എ ഷംസുദ്ദീന്, വേങ്ങര എംഎല്എ കെഎന്എ ഖാദര്, മുന് എംഎല്എ അബ്ദുസമദ് സമദാനി എന്നിവരുടെ പേരുകളാണ് പരിഗണിക്കുന്നത് എന്നാണ് വിവരം. ഇവരില് ആര് എന്ന കാര്യത്തില് വിശദമായ ചര്ച്ച നേതൃത്വം നടത്തും.
ദില്ലിയില് റോളില്ല
ദേശീയ രാഷ്ട്രീയത്തില് കൂടുതല് തിളങ്ങാന് കെഎന്എ ഖാദറിന് സാധിക്കുമെന്ന് മുസ്ലിം ലീഗ് കരുതുന്നു. എന്നാല് അണികള്ക്കിടയില് ഖാദറിനെതിരെ നീരസം നിലനില്ക്കുന്നുണ്ട് എന്നതാണ് ഒരു തടസം. ഇവിടെയാണ് ഷംസുദ്ദീന്റെ പേര് ഉയര്ന്നുവരുന്നത്. ദില്ലിയില് മുസ്ലിം ലീഗിന് കാര്യമായ റോളില്ല എന്നാണ് ചില നേതാക്കള് പ്രതികരിച്ചത്.
പരിചയ സമ്പന്നന്
വിവിധ ഭാഷകള് കൈകാര്യം ചെയ്യാനുള്ള കഴിവും നേരത്തെയുള്ള പ്രവര്ത്തി പരിചയവുമാണ് സമദാനിയുടെ പേര് ഉയര്ന്നു വരാന് കാരണം. എന്നാല് ദില്ലിയിലേക്ക് പോകാന് അദ്ദേഹം തയ്യാറാകില്ലെന്ന് നേതാക്കള് കരുതുന്നു. വിശദമായ ചര്ച്ചകള്ക്ക് ശേഷമേ ഇക്കാര്യത്തില് തീരുമാനമാകൂ എന്നാണ് ഒരു നേതാവ് പറഞ്ഞത്. അതേസമയം, ഇപ്പോള് ചര്ച്ച തുടങ്ങിയിട്ടേ ഇല്ല എന്ന് മറ്റൊരു നേതാവ് പറഞ്ഞു.
മുസ്ലിം ലീഗിന്റെ ആദ്യ ശ്രമം
നിയമസഭയിലേക്ക് മല്സരിക്കാനുള്ള കുഞ്ഞാലിക്കുട്ടിയുടെ തീരുമാനത്തിനെതിരെ യൂത്ത് ലീഗ് ദേശീയ നേതാവും ഹൈദരലി തങ്ങളുടെ മകനുമായ മുഈന് അലി ശിഹാബ് തങ്ങള് രംഗത്തുവന്നിരുന്നു. അണികള് പൊതുജനങ്ങളില് നിന്ന് നേരിടേണ്ടി വരുന്ന ചോദ്യങ്ങളാണ് തങ്ങളുടെ പ്രതികരണത്തില് പ്രതിഫലിച്ചത്. ഇത്തരം വിമര്ശനങ്ങള് മറികടക്കുകയാണ് ലീഗിന്റെ ആദ്യ ശ്രമം.
വഹാബും മജീദും
കുഞ്ഞാലിക്കുട്ടി വേങ്ങര നിയമസഭാ മണ്ഡലത്തില് മല്സരിക്കാനാണ് സാധ്യത എന്നാണ് മറ്റൊരു വിവരം. രാജ്യസഭാ എംപി കാലാവധി തീരുന്ന പിവി അബ്ദുല് വഹാബ് അടുത്ത നിയമസഭാ തിരഞ്ഞെടുപ്പില് മല്സര രംഗത്തുണ്ടാകും. കെപിഎ മജീദിനെ മല്സരിപ്പിക്കണമെന്നും ലീഗില് അഭിപ്രായമുണ്ട്.
30 സീറ്റ് ആവശ്യപ്പെടും
കഴിഞ്ഞ തവണ മുസ്ലിം ലീഗ് 24 മണ്ഡലങ്ങളിലാണ് മല്സരിച്ചത്. ഇത്തവണ ആറ് സീറ്റുകള് അധികം ചോദിക്കാനാണ് നീക്കം. കൂടുതല് നേതാക്കള് മല്സര രംഗത്തുള്ളതും യൂത്ത് ലീഗില് നിന്നുള്ളവര്ക്ക് അവസരം ഒരുക്കേണ്ടതുമുള്ളതിനിലാണ് കൂടുതല് സീറ്റ് ആവശ്യപ്പെടുക. തെക്കന് കേരളത്തിലെ പഴയ സീറ്റുകള് ലീഗ് വീണ്ടും ചോദിക്കാനാണ് സാധ്യത.
-
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത -
യുഎഇയും ബഹ്റൈനും പിടിച്ചടക്കും; ഇറാന് റെഡി എന്ന് വിദഗ്ധന്, യുഎസ് ആ നീക്കം നടത്തിയാല് -
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ
Click it and Unblock the Notifications
Sign in with Google