Click it and Unblock the Notifications
Just In
Don't Miss
-
ആ വേല കൈയ്യിലിരിക്കട്ടെ! ഹെൽമെറ്റ് ഇട്ടിരുന്നില്ല എന്ന പേരിൽ നഷ്ടപരിഹാരം തള്ളാനാവില്ലെന്ന് മദ്രാസ് ഹൈക്കോടതി -
എത്ര കഠിനമായ താരനും അകറ്റും, ചൊറിച്ചിലില്ലാത്ത തല ഉറപ്പു നല്കും കൂട്ട് -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
T20 World Cup 2024: ഈ 8 പേരെ ടീമിലെടുക്കൂ, ഇന്ത്യക്കു കപ്പുറപ്പ്! അഞ്ചും റോയല്സുകാര് -
ഇങ്ങനൊക്കെ മനുഷ്യന് മാറാന് പറ്റുമോ? അന്ന് റിമി വലിയ ചേച്ചിയായിരുന്നു, മേക്കോവറിൽ ഞെട്ടിച്ച് വീണ്ടും റിമി ടോമി -
ട്രെൻഡ് ഉണ്ടാക്കാൻ ഇൻഫിനിക്സ്! പുതിയ ഫോണിന്റെ വിലയടക്കം വലിച്ച് പുറത്തിട്ട് ടിപ്സ്റ്റർമാർ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ഭരണഘടന അധിക്ഷേപ കേസ്; അന്വേഷണത്തില്‍ മെല്ലെപ്പോക്ക്, പ്രസംഗത്തിന്റെ പൂര്‍ണ രൂപം കിട്ടിയില്ല
പത്തനംതിട്ട: ഭരണഘടനയെ അധിക്ഷേപിച്ച സംഭവത്തില്‍ മുന്‍ മന്ത്രി സജി ചെറിയാനെതിരായ കേസില്‍ അന്വേഷണത്തില്‍ മെല്ലെപ്പോക്ക്. പോലീസ് ഉത്സാഹം കാണിക്കുന്നില്ലെന്നാണ് പ്രധാന പരാതി. ഇതുവരെ എംഎല്‍എയുടെ വിവാ3ദ പ്രസംഗത്തിന്റെ പൂര്‍ണ രൂപം പോലീസിന് കിട്ടിയിട്ടില്ല. ഇതുവരെ സജി ചെറിയാന്റെ പ്രസംഗത്തിനെതിരെ കിട്ടിയ പരാതികളെല്ലാം ഒന്നിച്ച് ചേര്‍ത്താണ് പോലീസ് അന്വേഷണം നടത്തുന്നത്. കീഴ്‌വായ്പ്പൂര്‍ എസ്എച്ച്ഒയുടെ നേതൃത്വത്തിലാണ് അന്വേഷണം നടക്കുന്നത്. എന്നാല്‍ അന്വേഷണം തുടങ്ങിയിടത്ത് തന്നെ നില്‍ക്കുന്ന അവസ്ഥയാണ് ഇപ്പോള്‍. പത്ത് ദിവസത്തോളമായി അന്വേഷണം ആരംഭിച്ചിട്ട്. എന്നാല്‍ കാര്യമായിട്ടുള്ള സംഭവങ്ങളൊന്നും ഇതുവരെ നടന്നിട്ടില്ല.
ഇതുവരെ കോടതിയില്‍ പരാതി നല്‍കിയ അഭിഭാഷകന്‍ ബൈജു നോയലിന്റെ മൊഴി മാത്രമാണ് പോലീസ് രേഖപ്പെടുത്തിയിട്ടുള്ളത്. ഭരണഘടനയെ അവഹേളിക്കുന്ന പ്രസംഗത്തിന്റെരണ്ട് മിനുട്ട് ഭാഗം മാത്രമാംണ് നിലവില്‍ പോലീസിന്റെ കൈയ്യിലുള്ളത്. ഇത്രയും ദിവസമായിട്ടും മുഴുവന്‍ ദൃശ്യങ്ങളും കണ്ടെത്താന്‍ സാധിക്കാതിരുന്നത് പോലീസിന്റെ വീഴ്ച്ചയാണ്. അന്വേഷണം വൈകുന്നതിന്റെ കാരണമായി പോലീസ് പറയുന്നതും ദൃശ്യങ്ങള്‍ പൂര്‍ണമായി കിട്ടിയില്ല എന്നതാണ്. രണ്ട് മണിക്കൂറും 28 മിനുട്ടും 59 സെക്കന്‍ഡും ദൈര്‍ഘ്യമുള്ള പരിപാടിയാണ് മല്ലപ്പള്ളിയില്‍ നടന്നത്. ഈ മാസം മൂന്നാം തിയതിയായിരുന്നു മന്ത്രിയുടെ വിവാദം പ്രസംഗം നടന്നത്.
കേസില്‍ മുഴുവന്‍ ഭാഗവും പരിശോധിക്കാതെ അന്വേഷണം മുന്നോട്ട് കൊണ്ടുപോകാന്‍ സാധിക്കില്ലെന്നാണ് പോലീസ് വിശദീകരണം. ഈ നിര്‍ബന്ധമുള്ളത് കൊണ്ടാണ് പ്രസംഗം മുഴുവനുമുള്ള ദൃശ്യങ്ങള്‍ക്കായി പോലീസ് പത്ത് ദിവസത്തോളമായി ശ്രമിക്കുന്നത്. സിപിഎമ്മിന്റെ മല്ലപ്പള്ളി ഏരിയ കമ്മിറ്റിയുടെ ഔദ്യോഗിക എഫ്ബി പേജില്‍ മാത്രമായിരുന്നു സജി ചെറിയാന്റെ പ്രസംഗം അപ്ലോഡ് ചെയ്തത്. അതുകൊണ്ട് തന്നെ ഇത് കണ്ടെടുക്കാന്‍ ബുദ്ധിമുട്ടുണ്ടെന്നാണ് പോലീസ് പറയുന്നത്. പ്രത്യേകിച്ച് ഈ വീഡിയോ മല്ലപ്പള്ളി ഏരിയ കമ്മിറ്റി എഫ്ബി പേജില്‍ നിന്ന് ഡിലീറ്റ് ചെയ്ത സാഹചര്യത്തില്‍.
വിവാദമായതിന് പിന്നാലെ ഏരരിയ കമ്മിറ്റിയാണ് ഈ വീഡിയോ ഫേസ്ബുക്ക് പേജില്‍ നിന്ന് ഡിലീറ്റ്. ഇത് മറ്റാരുടെയും കൈവശമുണ്ടെന്ന് അറിയില്ല. അതുകൊണ്ട് ഇവരില്‍ നിന്ന് തന്നെ ഇത് വാങ്ങേണ്ടി വരും. പരിപാടി ചിത്രീകരിച്ച മല്ലപ്പള്ളിയിലെ സ്റ്റുഡിയോ ഉടമയെ സ്‌പെഷ്യല്‍ ബ്രാഞ്ച് ഉദ്യോഗസ്ഥര്‍ സമീപിച്ചിരുന്നു. എന്നാല്‍ ഫേസ്ബുക്ക് ലൈവ് ആയതിനാല്‍ പ്രസംഗം റെക്കോര്‍ഡ് ചെയ്തിട്ടില്ലെന്നാണ് സ്റ്റുഡിയോ ഉടമ അറിയിച്ചിരിക്കുന്നത്. സൈബര്‍ സെല്ലിന്റെ സഹായത്തോടെ എഫ്ബി പേജില്‍ നിന്ന് പ്രസംഗം വീണ്ടമെടുക്കാവുന്നതാണ്. എന്നാല്‍ പോലീസ് അതിനും ശ്രമിക്കുന്നില്ല. ബിജെപി നേതാക്കള്‍ ഗവര്‍ണര്‍ക്ക് നല്‍കിയ പരാതിക്കൊപ്പം മല്ലപ്പള്ളി പ്രസംഗത്തിന്റെ പൂര്‍ണരൂപ നല്‍കിയിട്ടുണ്ട്.
