തിരുവനന്തപുരത്ത് ശക്തമായ മഴ തുടരുന്നു; വിദ്യഭ്യാസ സ്ഥാപനങ്ങള്ക്ക് നാളെ അവധി
തിരുവനന്തപുരം: ജില്ലയില് ശക്തമായ മഴ തുടരുന്നു. മഴ ശക്തമായതിന്റെ പശ്ചാതലത്തില് നാളെ ജില്ലയിലെ സ്കൂളുകള്ക്ക് ജില്ലാ കലക്ടര് അവധി പ്രഖ്യാപിച്ചു. ജില്ലയില് നാളെയും കാലാവസ്ഥ വകുപ്പിന്റെ അതിശക്തമായ മഴ മുന്നറിയിപ്പ് നിലനില്ക്കുന്ന സാഹചര്യത്തില് കൂടിയാണ് കലക്ടര് അവധി പ്രപഖ്യാപിച്ചത്. തിരുവനന്തപുരം നഗരത്തിലും മലയോര പ്രദേശങ്ങളിലും മഴ ശക്തമായ മഴയാണ് പെയ്യുന്നത്. വെള്ളറടയില് ഉരുള്പൊട്ടലിന് സമാനമായ മലവെള്ളപാച്ചിലുണ്ടായി. വെള്ളറടയില് ഉരുള്പൊട്ടലിന് സമാനമായ മലവെള്ളപാച്ചിലുണ്ടായി. ചുണ്ടിക്കന് നെല്ലിശേരി കുരിശുമലയുടെ അടിഭാഗം എന്നിവിടങ്ങളിലാണ് മലവെള്ളം ഒലിച്ചിറങ്ങുന്നത്. അപകട സാധ്യത കണക്കിലെടുത്ത് 15 കുടുംബങ്ങളെ ഇവിടെ നിന്നും മാറ്റിപ്പാര്പ്പിച്ചത്. നഗര പ്രദേശങ്ങളില് വൈകീട്ട് തുടങ്ങിയ മഴ ഇപ്പോഴും തുടരുകയാണെന്നാണ് റിപ്പോര്ട്ട്.
സംസ്ഥാനത്ത് ഒറ്റപ്പെട്ട അതിശക്തമായ മഴ തുടരുമെന്നാണ് കാലാവസ്ഥ നിരീക്ഷണ കേന്ദ്രം നല്കുന്ന മുന്നറിയിപ്പ്. രാത്രിയോടെ മഴ ശക്തമാകാനാണ് സാധ്യതയെന്നും മുന്നറിയിപ്പ് നല്കിയത്. തെക്കന്- മധ്യ കേരളത്തില് കൂടുതല് മഴ ലഭിക്കുമെന്നാണ് മുന്നറിയിപ്പ്. കണ്ണൂര്, കാസര്കോട് ഒഴികെ 12 ജില്ലകളില് യെല്ലോ അലര്ട്ടാണ് നാളെ പ്രഖ്യാപിച്ചിരുന്നത്. ഇന്ന് രാത്രി മുതല് മത്സ്യതൊഴിലാളികള് കടലില് പോകരുതെന്നും കാലാവസ്ഥാ നിരീക്ഷണ കേന്ദ്രം നിര്ദ്ദേശിച്ചിട്ടുണ്ട്.
നിലവില് കോമോറിന് ഭാഗത്തുള്ള ചക്രവാതച്ചുഴി നാളെയോടെ അറബിക്കടലിലേക്ക് എത്തുമെന്നും നാളെയോടെ ബംഗാള് ഉള്ക്കടലില് പുതിയ ന്യൂനമര്ദ്ദവും രൂപപ്പെടുമെന്നും കാലാവസ്ഥ നിരീക്ഷണ കേന്ദ്രം അറിയ്ച്ചു. പിന്നീട് ഇത് ശക്തിപ്രാപിച്ച് ഇന്ത്യന് തീരത്തേക്ക് നീങ്ങാനാണ് സാധ്യത. ചക്രവാതച്ചുഴിയുടെയും ന്യൂനമര്ദ്ദത്തിന്റെയും പ്രഭാവത്തില് കിഴക്കന് കാറ്റ് സജീവമാകുന്നതിനാല് മൂന്ന് ദിവസം കൂടി ഒറ്റപ്പെട്ട ശക്തമായ മഴ കേരളത്തില് തുടരുമെന്നും കാലാവസ്ഥ നിരീക്ഷണ കേന്ദ്രം അറിയിച്ചു.
അതേസമയം, ശക്തമായ കാറ്റിനും മോശം കാലവസ്ഥയ്ക്കും സാധ്യത ഉള്ളതിനാല് കേരളാ തീരത്ത് ഇന്ന് രാത്രി മുതല് മത്സ്യബന്ധനത്തിന് വിലക്ക് ഏര്പ്പെടുത്തിയിട്ടുണ്ടെന്നും അധികൃതര് അറിയിച്ചു. കേരള തീരത്ത് നാളെ മണിക്കൂറില് 40 മുതല് 50 കി. മീ വരെ വേഗതയില് വീശിയടിച്ചേക്കാവുന്ന ശക്തമായ കാറ്റിനും മോശം കാലാവസ്ഥക്കും സാധ്യതയുള്ളതിനാല് അന്നേ ദിവസം മത്സ്യബന്ധനത്തിന് പോകരുതെന്നും അധികൃതര് മുന്നറിയിപ്പ് നല്കി.
ഇന്ന് തെക്ക് പടിഞ്ഞാറന് ബംഗാള് ഉള്ക്കടല്, തമിഴ്നാട് തീരം, കന്യാകുമാരി, ഗള്ഫ് ഓഫ് മാന്നാര് എന്നിവിടങ്ങളില് മണിക്കൂറില് 40 മുതല് 50 കി. മീ വരെ വേഗതയില് വീശിയടിച്ചേക്കാവുന്ന ശക്തമായ കാറ്റിനും മോശം കാലാവസ്ഥക്കും സാധ്യതയുണ്ടെന്നും നാളെ കന്യാകുമാരി പ്രദേശങ്ങളില് മണിക്കൂറില് 40 മുതല് 50 കി. മീ വരെ വേഗതയില് വീശിയടിച്ചേക്കാവുന്ന ശക്തമായ കാറ്റിനും മോശം കാലാവസ്ഥക്കും സാധ്യതയുണ്ടെന്നും കാലാവസ്ഥ നിരീക്ഷണ വകുപ്പ് മുന്നറിയിപ്പ് നല്കി.
അതിശക്തമായ മഴ മുന്നറിയിപ്പുള്ള സാഹചര്യത്തില് അധികൃതരുടെ നിര്ദേശങ്ങള് അനുസരിച്ച് മാറിത്താമസിക്കേണ്ട ഇടങ്ങളില് അതിനോട് സഹകരിക്കേണമെന്ന് അധികൃതര് അറിയിച്ചു. വിവിധ തീരങ്ങളില് കടലാക്രമണം ശക്തമാകാന് സാധ്യതയുള്ളതിനാല് അപകട മേഖലകളില് താമസിക്കുന്നവര് ജാഗ്രത പാലിക്കണമെന്നും ആവശ്യമായ ഘട്ടത്തില് മാറി താമസിക്കണമെന്നും മുന്നറിയിപ്പ് നല്കി. മല്സ്യബന്ധനോപധികള് സുരക്ഷിതമാക്കി വെക്കണമെന്നും അടച്ചുറപ്പില്ലാത്ത വീടുകളില് താമസിക്കുന്നവരും മേല്ക്കൂര ശക്തമല്ലാത്ത വീടുകളില് താമസിക്കുന്നവരും വരും ദിവസങ്ങളിലെ മുന്നറിയിപ്പുകളുടെ അടിസ്ഥാനത്തില് സുരക്ഷയെ മുന്കരുതി മാറി താമസിക്കാന് തയ്യാറാവേണ്ടതാണെന്നുംമുന്റിയിപ്പില് പറയുന്നു.
ശക്തമായ മഴ പെയ്യുന്ന സാഹചര്യത്തില് ഒരു കാരണവശാലും നദികള് മുറിച്ചു കടക്കാനോ, നദികളിലോ മറ്റ് ജലാശയങ്ങളിലോ കുളിക്കാനോ മീന്പിടിക്കാനോ മറ്റ് ആവശ്യങ്ങള്ക്കോ ഇറങ്ങാന് പാടുള്ളതല്ലല്ലെന്നും കൂട്ടം കൂടി നില്ക്കുകയോ ചെയ്യാന് പാടില്ലെന്നും അധികൃതര് മുന്നറിയിപ്പ് നല്കി. അണക്കെട്ടുകളുടെ താഴെ താമസിക്കുന്നവര് അണക്കെട്ടുകളില് നിന്ന് വെള്ളം പുറത്തേക്ക് ഒഴുക്കി വിടാനുള്ള സാധ്യത മുന്കൂട്ടി കണ്ട് കൊണ്ടുള്ള തയ്യാറെടുപ്പുകള് നടത്തുകയും അധികൃതരുടെ നിര്ദേശങ്ങള്ക്ക് അനുസരിച്ച് ആവശ്യമെങ്കില് മാറിത്താമസിക്കുകയും വേണമെന്നും മലയോര മേഖലയിലേക്കുള്ള രാത്രി സഞ്ചാരം പൂര്ണ്ണമായി ഒഴിവാക്കുണമെന്നും അധികൃതര് നല്കിയ മുന്നറിയിപ്പില് പറയുന്നു.
Click it and Unblock the Notifications
Sign in with Google