സംസ്ഥാനത്ത് ഒന്നരലക്ഷം വോട്ടുകളുടെ ഭൂരിപക്ഷത്തില് വിജയിക്കുന്ന ആദ്യ വനിതയായി രമ്യ ഹരിദാസ്
തൃശൂര്: സംസ്ഥാനത്ത് ഒന്നരലക്ഷം വോട്ടുകളുടെ ഭൂരിപക്ഷത്തില് വിജയിക്കുന്ന ആദ്യ വനിതയായി ആലത്തൂരിലെ യുഡിഎഫിന്റെ രമ്യഹരിദാസ് റെക്കോര്ഡിട്ടു. അപ്രതീക്ഷിതമായാണ് രമ്യ സ്ഥാനാര്ഥിയായി എത്തിയതെങ്കിലും സിപിഎമ്മിന്റെ ശക്തമായ സംഘടനാ സംവിധാനങ്ങളെ അപ്പാടെ തകര്ത്തെറിഞ്ഞാണ് വിജയം നേടിയത്. പിണറായി മന്ത്രിസഭയിലെ മൂന്നുമന്ത്രിമാരുടെ മണ്ഡലങ്ങളിലും രമ്യയുടെ ലീഡിനെ പിടിച്ചുകെട്ടാനായില്ല. മന്ത്രി എ കെ ബാലന്റെ തരൂരില് രമ്യയ്ക്ക് 24839 വോട്ടിന്റെ ലീഡുണ്ട്. മന്ത്രി കെ കൃഷ്ണന്കുട്ടിയുടെ ചിറ്റൂരില് 23467 വോട്ടും മന്ത്രി എ സി മൊയ്തീന് പ്രതിനിധീകരിക്കുന്ന കുന്നംകുളത്ത് 14322 വോട്ടും രമ്യയെ മുന്നിലെത്തിച്ചു.
കോണ്ഗ്രസ് അധ്യക്ഷന് രാഹുല് ഗാന്ധി ടാലന്റ് ഹണ്ടിലൂടെ കണ്ടെത്തിയ നേതാവാണ് രമ്യ ഹരിദാസ്(32). കോഴിക്കോട് ജില്ലയിലെ കുന്നമംഗലം ബ്ലോക്ക് പഞ്ചായത്ത് പ്രസിഡന്റ് സ്ഥാനം ഉപേക്ഷിച്ചാണ് രമ്യ ആലത്തൂരില് മത്സരിച്ചത്. ഗായിക, പ്രാസംഗിക എന്നീ നിലകളില് സ്കൂള്- കോളജ് തലങ്ങളില് വ്യക്തിമുദ്ര പതിപ്പിച്ച നേതാവാണ്. യൂത്ത് കോണ്ഗ്രസ് അഖിലേന്ത്യാ കോ- ഓഡിനേറ്ററായി പ്രവര്ത്തിക്കുന്നു.
ജവഹര് ബാലവേദിയിലൂടെ പൊതുപ്രവര്ത്തനം ആരംഭിച്ച രമ്യ ഹരിദാസ് കെഎസ്യുവിലൂടെ യൂത്ത് കോണ്ഗ്രസിലെത്തി. സംഘടനയുടെ പെരുവയല് മണ്ഡലം സെക്രട്ടറിയായി പ്രവര്ത്തിച്ചു കൊണ്ടിരിക്കുന്നതിനിടയില് വന്ന ടാലന്റ് ഹണ്ട് പ്രോഗ്രാം രമ്യയുടെ ജീവിതം മാറ്റി മറിച്ചു. രാഹുല് ഗാന്ധിയുടെ നേരിട്ടുള്ള മേല്നോട്ടത്തില് നടന്ന ടാലന്റ് ഹണ്ടിലൂടെ രണ്ടു തവണ യൂത്ത് കോണ്ഗ്രസ് കോഴിക്കോട് പാര്ലിമെന്റ് മണ്ഡലം സെക്രട്ടറിയായി തെരഞ്ഞെടുക്കപ്പെട്ട രമ്യ അവിടെ കാഴ്ചവെച്ച മികച്ച പ്രകടനത്തിലൂടെയാണ് സംഘടനയുടെ അഖിലേന്ത്യാ കോ- ഓഡിനേറ്ററായി നിയമിക്കപ്പെട്ടത്.
2007 ല് മികച്ച പൊതുപ്രവര്ത്തകക്കുള്ള കോഴിക്കോട് നെഹ്രു യുവ കേന്ദ്രയുടെ അവാര്ഡ് നേടിയ രമ്യ ഹരിദാസ് 2012ല് ജപ്പാനില് നടന്ന ലോകയുവജന സമ്മേളനത്തില് ഇന്ത്യയെ പ്രതിനിധീകരിച്ച് പങ്കെടുത്തിട്ടുണ്ട്. ഗാന്ധിയന് സംഘടനയായ ഏകതാ പരിഷത്തിന്റേയും സജീവ പ്രവര്ത്തകയാണ്. കോഴിക്കോട് കുന്നമംഗലം കുറ്റിക്കാട്ടൂരില് പി.പി. ഹരിദാസിന്റേയും രാധയുടേയും മകളായ രമ്യ ബി.എ.മ്യൂസിക്ക് ബിരുദധാരിയാണ്. അവിവാഹിതയാണ്. ആലത്തൂരില് സ്ത്രീകളുടെ മനസില് കയറിപ്പറ്റാന് കഴിഞ്ഞതാണ് രമ്യയെ അട്ടിമറിവിജയത്തിലേക്ക് നയിച്ചത്.
-
‘പൊലീസിന് ഈ വീട്ടിൽ കാര്യമുണ്ട്’- സമൂഹ മാധ്യമങ്ങളിലെ തെരഞ്ഞെടുപ്പ് പോസ്റ്റുകളിൽ പൊലീസ് ഇടപെടൽ -
ആരും കേരളത്തിൽ സർക്കാരുണ്ടാക്കാം, നേരിയ മുൻതൂക്കം ഈ മുന്നണിക്ക്, വോട്ട് വൈബ് സര്വ്വേ ഫലം പറയുന്നത് -
പ്രചാരണത്തിന് ‘ഇന്ദിര ഗ്യാരന്റി’ വരുന്നു, വാഗ്ദാനങ്ങളുമായി കേരളം ചുറ്റും -
യുവ മനസ്സുകളിലെന്താണ്? 2021ലെ വോട്ട് വിഹിതം വർധിപ്പിക്കാൻ ‘ജെൻ സി’യെ കയ്യിലെടുക്കാൻ മുന്നണികൾ -
പത്തനംതിട്ടയിൽ അഞ്ചിടത്തും പഞ്ചതന്ത്രം പയറ്റി മുന്നണികൾ -
‘ഒന്ന് മാറിത്തന്നൂടെ...’- ഇനി അപരന്മാർക്ക് ഡിമാന്റുള്ള രണ്ടുനാൾ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ?
Click it and Unblock the Notifications
Sign in with Google