യുഎന് കരിമ്പട്ടിക തള്ളി സൗദി; റിപ്പോര്ട്ട് അസംബന്ധമെന്ന്
സന്ആ: യമനില് ഹൂതി സൈന്യവുമായി നടത്തുന്ന ഏറ്റുമുട്ടലിനിടെ കുട്ടികളോട് കാണിച്ച ക്രൂരതകളുടെ പേരില് സൗദി സൈനിക സഖ്യത്തെ യു.എന് കരിമ്പട്ടികയില് ഉള്പ്പെടുത്തിയ നടപടി സൗദി അറേബ്യ തള്ളി. കരിമ്പട്ടികയില് പെടുത്തുന്നതിനായി നല്കിയ റിപ്പോര്ട്ടില് പറയുന്ന കാര്യങ്ങള് വസ്തുതാവിരുദ്ധവും അസംബന്ധവുമാണെന്ന് സൗദിയുടെ യു.എന് അംബാസഡര് അബ്ദുല്ല അല് മുഅല്ലിമി പ്രസ്താവനയില് ആരോപിച്ചു. സിവിലിയന്മാര്ക്ക് ആക്രമിക്കപ്പെടാതിരിക്കാനുള്ള എല്ലാ മുന്കരുതലുകളും യമനില് തങ്ങള് കൈക്കൊള്ളുന്നുണ്ടെന്നും റിപ്പോര്ട്ടിനോടുള്ള തങ്ങളുടെ ശക്തമായ വിയോജിപ്പ് രേഖപ്പെടുത്തുന്നതായും അദ്ദേഹം പറഞ്ഞു.
നിരവധി കുട്ടികളുടെ മരണത്തിനും പരുക്കിനും കാരണക്കാരായെന്ന് കണ്ടെത്തിയതിനെ തുടര്ന്നായിരുന്നു കഴിഞ്ഞ ദിവസം യമനിലെ സൗദി സഖ്യത്തെ യു.എന് കരിമ്പട്ടികയില് പെടുത്തിയത്. 2016ല് സ്കൂളുകള്, ആശുപത്രികള് എന്നിവിടങ്ങള്ക്കുമേല് നടത്തിയ 38 വ്യോമാക്രമണങ്ങളില് 683 കുട്ടികള് കൊല്ലപ്പെടുകയോ അംഗവൈകല്യത്തിന് ഇരകളാവുകയോ ചെയ്തതായി യു.എന് കണ്ടെത്തിയിരുന്നു. നാണക്കേടിന്റെ പട്ടികയെന്നു വിശേഷിപ്പിക്കപ്പെടുന്ന കരിമ്പട്ടിക യു.എന് സെക്രട്ടറി ജനറല് അന്റോണിയോ ഗുട്ടെറസ് കഴിഞ്ഞദിവസം രക്ഷാ സമിതിക്ക് കൈമാറിയിരുന്നു.
എന്നാല് യമനില് കുട്ടികളുള്പ്പെടെ സാധാരണക്കാര്ക്ക് നേരെയുണ്ടായ എല്ലാ ആക്രമണങ്ങള്ക്കും കാരണം തങ്ങളുടെ എതിരാളികളായ ഹൂത്തി സൈന്യമാണെന്നാണ് സൗദിയുടെ നിലപാട്. 414 കുട്ടികളുടെ മരണത്തിനും അംഗവൈകല്യത്തിനും കാരണക്കാരായ ഹൂത്തികളെയും സൗദിയോടൊപ്പം യു.എന് കരിമ്പട്ടികയില് പെടുത്തിയിയിരുന്നു.
കഴിഞ്ഞ വര്ഷത്തെ പട്ടികയിലും സൗദി ഇടം പിടിച്ചിരുന്നുവെങ്കിലും അവസാന നിമിഷമുണ്ടായ ചില ഇടപെടലുകള് കാരണം അതില് നിന്ന് ഒഴിവാക്കുകയായിരുന്നു. യു.എന്നിനുള്ള സാമ്പത്തിക സഹായം നിര്ത്തലാക്കുമെന്ന് സൗദി ഭീഷണിപ്പെടുത്തിയെന്നായിരുന്നു ആരോപണം. എന്നാല് ഇക്കാര്യം സൗദി നിഷേധിച്ചിരുന്നു.
യമനിലെ സാധാരണ പൗരന്മാര് ഇന്നനുഭവിക്കുന്ന ദുരന്തപൂര്ണമായ അവസ്ഥയ്ക്ക് പ്രധാന ഉത്തരവാദി സൗദിയുടെ നേതൃത്വത്തിലുള്ള സൈനിക സഖ്യമാണെന്ന് യു.എന് നേരത്തേ കുറ്റപ്പെടുത്തിയിരുന്നു. യമനിലെ ആറു ലക്ഷം പേര്ക്ക് കോളറ ബാധിക്കുകയും 2000ത്തിലേറെ പേര് ഇതുമൂലം മരണപ്പെടുകയും ചെയ്ത സാഹചര്യത്തിലായിരുന്നു ഇത്.
സൗദി സഖ്യം യമനില് നടത്തിയ വ്യോമാക്രമണങ്ങളാണ് നൂറുകണക്കിന് കുട്ടികളടക്കമുള്ള നിരപരാധികളുടെ മരണത്തിലേക്ക് നയിച്ചതെന്നും റിപ്പോര്ട്ട് വിലയിരുത്തുകയുണ്ടായി. ഹൂത്തികള് പിടിച്ചടക്കിയ പ്രദേശങ്ങള്ക്കു നേരെ സൗദി സഖ്യം തുടരുന്ന ഉപരോധം കാരണം 73 ലക്ഷത്തിലേറെ യമനികള് പട്ടിണി മരണത്തിന്റെ വക്കില് എത്തിനില്ക്കുകയാണ്.
2016 ജൂലൈക്കും 2017 ആഗസ്തിനുമിടയില് സൗദി വ്യോമാക്രമണങ്ങളില് 933 സിവിലിയന്മാര് കൊല്ലപ്പെടുകയും 1423 പേര്ക്ക് പരിക്കേല്ക്കുകയും ചെയ്തു. മാര്ക്കറ്റുകള്, ആശുപത്രികള്, പാര്പ്പിട കേന്ദ്രങ്ങള്, കെട്ടിടങ്ങള് തുടങ്ങിയ സിവിലിയന് കേന്ദ്രങ്ങള്ക്കു മാത്രമല്ല, സംസ്കാരച്ചടങ്ങിനു നേരെ പോലും ആക്രമണമുണ്ടായതായി റിപ്പോര്ട്ട് കുറ്റപ്പെടുത്തി.
അതേസമയം, ഇരുഭാഗങ്ങളില് നിന്നുമുള്ള ആക്രമണങ്ങളില് യമനിലെ കുട്ടികള് ഉള്പ്പെടെയുള്ള സാധാരണക്കാര് ഓരോ ദിവസം കൊല്ലപ്പെട്ടുകൊണ്ടിരിക്കുകയാണെന്ന് ബ്രിട്ടന് കേന്ദ്രമായി പ്രവര്ത്തിക്കുന്ന സേവ് ചില്ഡ്രന് എന്ന സംഘടനയുടെ വക്താവ് കരോളിന് ആനിംഗ് വെളിപ്പെടുത്തി. സ്കൂളുകള്ക്കടക്കം ബോംബിടുന്ന സാഹചര്യമാണ് അവിടെയുള്ളത്. കുട്ടികളിലേറെ പേരും കോളറ ബാധിച്ചും പട്ടിണി മൂലവും മരണത്തിന്റെ വക്കിലാണെന്നും അവര് പറഞ്ഞു.
-
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ?
Click it and Unblock the Notifications
Sign in with Google