നയന്താരക്കെതിരെ കേസെടുത്ത് പൊലീസ്; ' അന്നപൂരണിയില് മതവികാരം വ്രണപ്പെടുത്തി'
ന്യൂദല്ഹി: അന്നപൂരണി സിനിമയിലെ മതനിന്ദ ആരോപിച്ച് കേന്ദ്രകഥാപാത്രത്തെ അവതരിപ്പിച്ച നടി നയന്താരക്ക് എതിരെ കേസ്. അന്നപൂരണി ചിത്രത്തിന്റെ സംവിധായകന്, നിര്മാതാവ്, നെറ്റ്ഫ്ലിക്സ് അധികൃതര് എന്നിവര്ക്കെതിരേയും കേസ് രജിസ്റ്റര് ചെയ്തിട്ടുണ്ട്. മധ്യപ്രദേശിലെ ജബല്പൂരില് ഒരു വലതുപക്ഷ സംഘടന സമര്പ്പിച്ച പരാതിയെ തുടര്ന്നാണ് പൊലീസ് കേസെടുത്തിരിക്കുന്നത്.
പ്രതികള് ഹിന്ദുക്കളുടെ മതവികാരം വ്രണപ്പെടുത്തുകയും ശ്രീരാമനെ അനാദരിക്കുകയും സിനിമയിലൂടെ ലവ് ജിഹാദ് പ്രോത്സാഹിപ്പിക്കുകയും ചെയ്തുവെന്നാണ് എഫ് ഐ ആറില് പറഞ്ഞിരിക്കുന്നത്. നയന്താര, സംവിധായകന് നിലേഷ് കൃഷ്ണ, നിര്മ്മാതാക്കളായ ജതിന് സേത്തി, ആര് രവീന്ദ്രന്, നെറ്റ്ഫ്ലിക്സ് ഇന്ത്യയുടെ കണ്ടന്റ് ഹെഡ് മോണിക്ക ഷെര്ഗില് എന്നിവരുള്പ്പെടെ ഏഴ് പേര്ക്കെതിരെയാണ് ഹിന്ദു സേവാ പരിഷത്ത് ഒംതി പരാതി നല്കിയിരിക്കുന്നത്.
ഡിസംബര് 1 ന് തിയേറ്ററുകളില് റിലീസ് ചെയ്ത ചിത്രം ഡിസംബര് 29 ന് നെറ്റ്ഫ്ളിക്സില് സ്ട്രീം ചെയ്യാന് തുടങ്ങിയിരുന്നു. എന്നാല് പ്രതിഷേധം ശക്തമായതിനെ തുടര്ന്ന് നെറ്റ്ഫ്ളിക്സ് ചിത്രം പിന്വലിച്ചിരിക്കുകയാണ്. വലതുപക്ഷ സംഘടനകളായ ബജ്റംഗ്ദളും ഹിന്ദു ഐ ടി സെല്ലും നയന്താരയ്ക്കും മറ്റുള്ളവര്ക്കുമെതിരെ ഇത് കൂടാതെ വേറെ രണ്ട് പരാതികളും നല്കിയിട്ടുണ്ട്.
ഹിന്ദു സേവാ പരിഷത്തിന്റെ സ്ഥാപകനും പ്രസിഡന്റുമായ അതുല് ജെസ്വാനിയാണ് ജബല്പൂരില് പരാതി നല്കിയിരിക്കുന്നത്. 'അന്നപൂരണി' ഹിന്ദു മതവികാരം വ്രണപ്പെടുത്തിയെന്നും സനാതന ധര്മ്മത്തെ അപമാനിച്ചെന്നും ശ്രീരാമനെതിരെ അടിസ്ഥാനരഹിതമായ പരാമര്ശങ്ങള് നടത്തിയെന്നും ഹിന്ദു സേവാ പരിഷത്ത് ആരോപിച്ചു. ഒരു ക്ഷേത്ര പൂജാരിയുടെ മകളായി അഭിനയിക്കുന്ന നയന്താര ബിരിയാണി ഉണ്ടാക്കുന്നതിന് മുമ്പ് ഹിജാബ് ധരിച്ച് നമസ്കരിക്കുന്നത് ഉള്പ്പെടെയുള്ള രംഗങ്ങള് സിനിമയിലുണ്ട്.
നയന്താര അവതരിപ്പിക്കുന്ന കഥാപാത്രത്തിന്റെ സുഹൃത്ത് അവളെ മാംസം മുറിക്കാന് 'മസ്തിഷ്ക പ്രക്ഷാളനം' ചെയ്തു എന്നും 'ശ്രീരാമനും സീത ദേവിയും മാംസം കഴിച്ചിരുന്നു എന്നാണ് ഈ കഥാപാത്രം അവകാശപ്പെടുന്നത് എന്നും പരാതിയില് പറയുന്നു. സിനിമ 'ലവ് ജിഹാദ്' പ്രോത്സാഹിപ്പിക്കുന്നതാണ് എന്നും അതുല് ജെസ്വാനി ആരോപിച്ചു. അതേസമയം അയോധ്യയിലെ രാമക്ഷേത്രത്തിന്റെ പ്രതിഷ്ഠാ ചടങ്ങ് ദിവസങ്ങള് മാത്രം ബാക്കിനില്ക്കെയാണ് വിവാദം.
പരാതിക്കാരില് ചിലരും ഇക്കാര്യം ചൂണ്ടിക്കാട്ടിയിട്ടുണ്ട്. അതിനിടെ വിവാദങ്ങള്ക്കിടെ ചിത്രത്തിന്റെ സഹനിര്മ്മാതാക്കളായ സീ സ്റ്റുഡിയോസ് മാപ്പ് പറയുകയും സിനിമ ഹിന്ദുക്കളുടെയും ബ്രാഹ്മണരുടെയും വികാരം വ്രണപ്പെടുത്താന് ഉദ്ദേശിച്ചുള്ളതല്ലെന്ന് വ്യക്തമാക്കുകയും ചെയ്ത് രംഗത്തെത്തിയിട്ടുണ്ട്.
-
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
'സ്വർണം വാങ്ങാനിരിക്കുന്നവർക്ക് സന്തോഷം തന്നെ';പക്ഷെ നട്ടം തിരിഞ്ഞ് ജ്വല്ലറിക്കാർ..ഇനിയെന്ത്? -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
സ്വര്ണവില കേട്ടതുപോലെ അല്ല; വാങ്ങാന് ചെന്നപ്പോള് മറ്റൊന്ന്, ഇതെന്ത് മറിമായം, 4 തവണ മാറി -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ
Click it and Unblock the Notifications
Sign in with Google