മലയാളി നഴ്സുമാര്ക്ക് സന്തോഷ വാർത്ത, ഇനി ജർമ്മനിയിൽ ജോലി ഉറപ്പ്, കരാർ ഒപ്പിട്ട് നോർക്ക
തിരുവനന്തപുരം: സേവനത്തിന്റെ കാര്യത്തില് ലോകമെമ്പാടും തന്നെ പേര് കേട്ടവരും കഴിവ് തെളിയിച്ചവരുമാണ് മലയാളി നഴ്സുമാര്. കേരളത്തില് നിന്നുളള നഴ്സുമാര്ക്ക് ജര്മ്മനിയില് വലിയ തൊഴിലവസരത്തിനുളള വാതില് തുറക്കുകയാണ് നോര്ക്ക. അതിനായി ട്രിപ്പിള് വിന് എന്ന പദ്ധതിയാണ് നടപ്പിലാക്കുന്നത്. ഈ പദ്ധതിയുടെ ധാരണാപത്രത്തില് നോര്ക്കയും ജര്മ്മന് ഫെഡറല് എംപ്ലോയീസ് ഏജന്സിയും ഒപ്പുവെച്ചു. മുഖ്യമന്ത്രി പിണറായി വിജയനാണ് ഇക്കാര്യം അറിയിച്ചത്.
മുഖ്യമന്ത്രി പിണറായി വിജയന്റെ വാക്കുകൾ: '' മലയാളി നഴ്സുമാർക്ക് ജർമ്മനിയിൽ തൊഴിലവസരം ഉറപ്പിച്ച് നോര്ക്കയും ജര്മന് ഫെഡറല് എംപ്ലോയ്മെൻ്റ് ഏജന്സിയും ധാരണാപത്രത്തിൽ ഒപ്പുവച്ചു. ആഗോളതൊഴില് മേഖലയിലെ മാറ്റങ്ങൾക്കനുസൃതമായി പുതിയ സാധ്യതകള് കണ്ടെത്താനുള്ള നോര്ക്കയുടെ ശ്രമഫലമായാണ് ലോകത്തിലെ പ്രധാന വ്യവസായവത്കൃത രാജ്യങ്ങളിലൊന്നായ ജര്മനിയിലെ ആരോഗ്യമേഖലയിലേക്ക് റിക്രൂട്ടുമെൻ്റിനു വഴി തുറന്നിരിക്കുന്നത്. ട്രിപ്പിള് വിന് എന്നു നാമകരണം ചെയ്തിരിക്കുന്ന ഈ പദ്ധതി ഇന്ത്യയില് തന്നെ സര്ക്കാര് തലത്തില് ജര്മനിയിലേക്കുള്ള ആദ്യത്തെ റിക്രൂട്ട്മെൻ്റ് പദ്ധതിയാണ്. മറ്റു യൂറോപ്യന് രാജ്യങ്ങളിലടക്കമുള്ള വിപുലമായ തൊഴിൽ സാധ്യതകള് പ്രയോജനപ്പെടുത്തുന്നതിനുള്ള ആദ്യപടിയായാണ് ട്രിപ്പിള് വിന് കണക്കാക്കപ്പെടുന്നത്.
കോവിഡാനന്തരം ജര്മനിയില് പതിനായിരക്കണക്കിന് നഴ്സിംഗ് ഒഴിവുകൾ ഉണ്ടാകുമെന്നാണു കരുതപ്പെടുന്നത്. അടുത്ത പതിറ്റാണ്ടില് ആരോഗ്യ മേഖലയില് ലോകമെങ്ങും 25 ലക്ഷത്തില് അധികം ഒഴിവുകളും പ്രതീക്ഷക്കപ്പെടുന്നു. പ്രതിവര്ഷം കേരളത്തില് 8500ലധികം നഴ്സിംഗ് ബിരുദധാരികള് പുറത്തിറങ്ങുന്നുണ്ട്. ഏറ്റവും മികച്ച ഉദ്യോഗാര്ത്ഥികളെ റിക്രൂട്ട് ചെയ്യാന് ഈ പദ്ധതി വഴി സാധിക്കും. ഇന്ത്യയിലെ ജര്മന് ഫെഡറല് ഫോറിന് ഓഫീസിലെ കോണ്സുലര് ജനറല് അച്ചിം ബുര്ക്കാര്ട്ട്, ജര്മന് എംബസിയിലെ സോഷ്യല് ആൻ്റ് ലേബര് അഫേയഴ്സ് വകുപ്പിലെ കോണ്സുലര് തിമോത്തി ഫെല്ഡര് റൗസറ്റി എന്നിവരാണ് ധാരണാ പത്രം ഒപ്പുവയ്ക്കാന് കേരളത്തില് എത്തിയത്''.
മുഖ്യന്ത്രി പിണറായി വിജയന്റെ സാന്നിധ്യത്തില് നോര്ക്ക റൂട്ട്സ് സി.ഇ.ഒ കെ. ഹരികൃഷ്ണന് നമ്പൂതിരിയും ജര്മന് ഫെഡറല് എംപ്ലോയ്മെന്റ് ഏജന്സിക്കുവേണ്ടി കോണ്സില് ജനറല് അച്ചിം ബുര്ക്കാട്ടും ധാരണാപത്രത്തില് ഒപ്പുവച്ചു. രാജ്യത്ത് ആദ്യമായാണു സര്ക്കാര്തലത്തില് ജര്മനിയിലേക്കു റിക്രൂട്ട്മെന്റിനുള്ള പദ്ധതി തയാറാക്കിയിരിക്കുന്നതെന്നു ധാരണാപത്രം ഒപ്പുവച്ച ശേഷം നടത്തിയ വാര്ത്താ സമ്മേളനത്തില് നോര്ക്ക റൂട്ട്സ് റെസിഡന്റ് വൈസ് ചെയര്മാന് പി. ശ്രീരാമകൃഷ്ണന് പറഞ്ഞു. നഴ്സിങ് മേഖലയ്ക്കു പുറമേ ഹോസ്പിറ്റാലിറ്റിയടക്കം മറ്റു മേഖലകളിലേക്കും ഭാവിയില് വലിയ സാധ്യതകള് തുറക്കുന്നതാകും ട്രിപ്പിള് വിന് പദ്ധതി. ജര്മനിക്കൊപ്പം മറ്റു യൂറോപ്യന് രാജ്യങ്ങളിലേക്കുള്ള തൊഴില് സാധ്യതകള് വര്ധിപ്പിക്കുന്നതിനും പദ്ധതി വഴിതുറക്കുമെന്ന് അദ്ദേഹം പറഞ്ഞു.
ജര്മനിയിലേക്കു പോകാന് ആഗ്രഹിക്കുന്ന നഴ്സുമാര്ക്ക് ഭാഷാ പ്രാവീണ്യത്തിനു കേരളത്തില്ത്തന്നെ സൗജന്യമായി സൗകര്യം ഒരുക്കുന്നതും ട്രിപ്പിള് വിന് പദ്ധതിയുടെ പ്രത്യേകതയാണെന്ന് അദ്ദേഹം പറഞ്ഞു. ജര്മന് ഭാഷയില് ബി2 ലെവല് യോഗ്യതയാണു നഴ്സായി ജോലി ചെയ്യാന് വേണ്ടത്. നോര്ക്ക മുഖേന റിക്രൂട്ട് ചെയ്യപ്പെടുന്നവര്ക്കു ബി1 യോഗ്യത നേടി ജര്മനിയില് എത്തിയ ശേഷം ബി2 യോഗ്യത കൈവരിച്ചാല് മതിയാകുമെന്നും അദ്ദേഹം പറഞ്ഞു.
കേരളവുമായുള്ള ധാരണാപത്രം ഒപ്പുവച്ചതു ചരിത്രപരമായ നടപടിയാണെന്നു കോണ്സില് ജനറല് അച്ചിം ബുര്ക്കാട്ട് പറഞ്ഞു. എല്ലാ നടപടിക്രമങ്ങള് പൂര്ത്തിയാക്കി 2022 ഓടെ ആദ്യ ബാച്ച് നഴ്സുമാര്ക്കു ജര്മനിയിലേക്ക് എത്താനാകുമെന്നാണു പ്രതീക്ഷ. സാങ്കേതിക വൈദഗ്ധ്യത്തിലും മാനവവിഭവ ശേഷിയിലും ഇന്ത്യയിലെ ആരോഗ്യമേഖല ഏറെ മുന്പന്തിയിലാണ്. ഇതില്ത്തന്നെ മികവും അര്പ്പണബോധവും പുലര്ത്തുന്നവരാണു കേരളത്തിലെ നഴ്സുമാര്. ഇവര്ക്കു ജര്മനിയില് വിപുലമായ സാധ്യതകളാണുള്ളത്. കഴിയുന്നത്ര നഴ്സുമാരെ ജര്മനിയിലേക്കു റിക്രൂട്ട്ചെയ്യാന് ശ്രമിക്കുമെന്നും അദ്ദേഹം പറഞ്ഞു.
Recommended Video
നോര്ക്ക റസിഡന്റ് വൈസ് ചെയര്മാന് പി. ശ്രീരാമകൃഷ്ണനു പുറമേ ജര്മന് എംബസിയിലെ സോഷ്യല് ആന്റ് ലേബര് അഫേയഴ്സ് വകുപ്പിലെ കോണ്സുലര് തിമോത്തി ഫെല്ഡര് റൗസറ്റി, ജര്മന് ഹോണററി കോണ്സല് സയ്ദ് ഇബ്രാഹിം, ഓഫിസര് ഓണ് സ്പെഷ്യല് ഡ്യൂട്ടി(വിദേശകാര്യം) വേണു രാജാമണി, മുഖ്യമന്ത്രിയുടെ ചീഫ് പ്രിന്സിപ്പല് സെക്രട്ടറി കെ.എം. ഏബ്രഹാം, നോര്ക്ക ജനറല് മാനേജര് അജിത്ത് കോളശ്ശേരി തുടങ്ങിയവരും ധാരണാപത്രം ഒപ്പിടുന്ന ചടങ്ങില് പങ്കെടുത്തു.
-
വിജയ്യെ സഭയിൽ എത്തിക്കാൻ എഐഎഡിഎംകെയുടെ കൈത്താങ്ങ്? പേരമ്പൂരിൽ കരുത്തർക്ക് സീറ്റില്ല, കാരണം? -
സ്വര്ണവില വീണ്ടും കുറഞ്ഞു; ഇന്ന് രണ്ടാം തവണ വന് ഇടിവ്, ആഭരണം വാങ്ങുന്നോ? പവന് വില -
മഞ്ചേശ്വരത്ത് മുസ്ലിം ലീഗിന് ആശ്വാസം; എസ്പിഡിഐ സ്ഥാനാര്ഥി കെഎം അഷ്റഫ് പത്രിക പിന്വലിച്ചു -
പ്രഹസനം സമ്മതിച്ചല്ലോയെന്ന് വിടി ബൽറാം, ഒന്നും അറിയില്ലല്ലേയെന്ന് എംബി രാജേഷ്..ഫേസ്ബുക്ക് പോര് കനക്കുന്നു -
സമാധാനം ഇനിയും അകലെ? യുദ്ധം ഉടനെ അവസാനിക്കില്ലെന്ന് ഇറാന്: യുഎസുമായി യാതൊരു ചര്ച്ചയുമില്ല -
ഇടുക്കിയിൽ മിടുക്ക് തെളിയിക്കാൻ പുതുമുഖങ്ങളും പരിചിതമുഖങ്ങളും -
എണ്ണയും സെറവുമൊന്നും ഇനി വേണ്ട, മുടി തഴച്ച് വളരാൻ ഈ 5 അത്ഭുതകരമായ പൂക്കൾ മാത്രം മതി -
മേടം രാശിഫലം: ഭാഗ്യം നിങ്ങൾക്കൊപ്പം, ചെറിയ കാര്യങ്ങളിൽ പോലും വിജയം, വ്യാപാരികൾക്ക് നല്ല ലാഭം പ്രതീക്ഷിക്കാം -
ആപ്പിൾ കൊടുക്കും ജനങ്ങൾ വാങ്ങും; ഐഫോൺ 16 പ്രോയുടെ ഡിസ്കൗണ്ട് കേട്ടാൽ ഞെട്ടും..! വില എത്ര? -
ഇന്ത്യയ്ക്ക് വേണ്ടി ഹോർമുസ് തുറന്നു; അഞ്ച് സൗഹൃദ രാജ്യങ്ങളുടെ കപ്പലുകൾ തടയില്ലെന്ന് വ്യക്തമാക്കി ഇറാൻ -
വൈറോളജി ഇന്സ്റ്റിറ്റ്യൂട്ടില് അക്കൗണ്ടന്റ്, ഓഫീസ് അസിസ്റ്റന്റ് ഒഴിവുകള്; ശമ്പളം ഇത്ര -
സ്വര്ണവില ഇടിഞ്ഞു; ട്രംപ് അല്ല, 'മാറ്റിയത്' ഇറാന്, പിന്നെ രൂപയും, ഇന്നത്തെ പവന് വില അറിയാം
Click it and Unblock the Notifications
Sign in with Google