ഇന്സാറ്റ് 2-ബി ഉപഗ്രഹം ഉപയോഗശൂന്യമാകുന്നു
ബാംഗ്ലൂര് : ഇന്ത്യയുടെ വിവിധോദേശ്യ ഉപഗ്രഹമായ ഇന്സാറ്റ് 2-ബി നിയന്ത്രണപരിധിക്ക് പുറത്തായി. ദീര്ഘദൂര ടെലിഫോണ് സംവിധാനത്തെ ഇത് ബാധിച്ചേക്കാം.
നവംബര് മൂന്ന് വെള്ളിയാഴ്ച വൈകുന്നരത്തോടെയാണ് ഉപഗ്രഹം നിയന്ത്രണപരിധിക്ക് പുറത്തായതെന്ന് ഐഎസ്ആര്ഒ വൃത്തങ്ങള് അറിയിച്ചു. 1993 ജൂലായില് വിക്ഷേപിച്ച ഉപഗ്രഹം ഇതോടെ ഉപയോഗശൂന്യമായിരിക്കുകയാണ്. ഏഴ് വര്ഷമായിരുന്നു ഇതിന്റെ കാലാവധി.
ടെലികോം വകുപ്പിന് ഇന്സാറ്റ് 2-ബിയുടെ സേവനം വാടകയ്ക്ക് നല്കിയിരുന്നു. അതിനാല് ദീര്ഘദൂര ടെലിഫോണ് സര്വീസുകള് തകരാറിലാവാന് ഇത് കാരണമായേക്കും എന്ന് കരുതുന്നു. ദൂരദര്ശന്, കാലാവസ്ഥാ നിരീക്ഷണ വകുപ്പ്, പിടിഐ പോലുള്ള വാര്ത്താ ഏജന്സികള്, അന്റാര്ട്ടിക്കയിലുള്ള ഇന്ത്യയുടെ കേന്ദ്രം എന്നിവയും ഇതിന്റെ സേവനം പ്രയോജനപ്പെടുത്തി വരികയായിരുന്നു.
Click it and Unblock the Notifications
Sign in with Google