ആറന്മുളയില് വിമത സ്ഥാനാര്ത്ഥിയെ നിര്ത്തും
പത്തനംതിട്ട:യില് മാലേത്ത് സരളാദേവിക്കെതിരെ വിമത സ്ഥാനാര്ത്ഥിയെ നിര്ത്തുമെന്ന് ആറന്മുള മണ്ഡലത്തിലെ എ വിഭാഗം നേതാക്കള് അറിയിച്ചു.
ഹൈക്കമാന്ഡ് തീരുമാനത്തെ തുടര്ന്ന് സ്ഥാനാര്ത്ഥിത്വം നഷ്ടമായ ആന്റണി ഗ്രൂപ്പിലെ അഡ്വ. ശിവദാസന് നായര് തന്നെയാകുമോ വിമത സ്ഥാനാര്ത്ഥിയായി മത്സരിക്കുക എന്നത് വ്യക്തമായിട്ടില്ല.
എ ഗ്രൂപ്പിനെതിരായി ഹൈക്കമാന്ഡ് എടുത്ത തീരുമാനത്തില് പ്രതിഷേധിച്ച് വിവിധ കോണ്ഗ്രസ് കമ്മിറ്റികളിലെ എ ഗ്രൂപ്പ് വിഭാഗം നേതാക്കള് കൂട്ടത്തോടെ രാജി വച്ചിട്ടുണ്ട്.ഹൈക്കമാന്ഡ് തീരുമാനം അറിഞ്ഞയുടന് തന്നെ മണ്ഡലത്തിലെ യുഡിഎഫ് ഇലക്ഷന് കമ്മിറ്റി കണ്വീനര്മാരായ തങ്കച്ചന് കാക്കനാടന് ബിജു തോമസ് പരുവേലില് എന്നിവര് രാജി സമര്പ്പിച്ചു.
ഏഴ് ഡിസിസി അംഗങ്ങളും ഏഴ് മണ്ഡലം കോണ്ഗ്രസ് പ്രസിഡന്റുമാരും രാജി നല്കിയിട്ടുണ്ട്. പ്രചരണത്തിന്റെ ആദ്യഘട്ടം പിന്നിട്ട ശേഷം സ്ഥാനാര്ത്ഥികളെ മാറ്റാനുള്ള നേതൃത്വത്തിന്റെ തീരുമാനത്തില് അണികള് അസംപ്തൃപ്തരാണ്.
ഒരു വിഭാഗം കോണ്ഗ്രസ് പ്രവര്ത്തകര് ഏപ്രില് 15 ഞായറാഴ്ച കോലം കത്തിക്കുകയും കരുണാകരനും ഹൈക്കമാന്ഡിനുമെതിരായി മുദ്രാവാക്യം മുഴക്കിക്കൊണ്ട് പ്രകടനം നടത്തുകയും ചെയ്തു.