പി.ഇ.ഉഷ സത്യാഗ്രഹം തുടങ്ങി

കോഴിക്കോട്: സര്‍വകലാശാല നീതി കാണിക്കണമെന്ന് ആവശ്യപ്പെട്ട് കലിക്കറ്റ് യൂണിവേഴ്സിറ്റി ഉദ്യോഗസ്ഥ പി.ഇ.ഉഷ യൂണിവേഴ്സിറ്റിക്കു മുന്നില്‍ സത്യാഗ്രഹം ആരംഭിച്ചു.

തനിക്കെതിരെ ജോലിസ്ഥലത്ത് അപവാദ പ്രചാരണം നടത്തിയവര്‍ക്കെതിരെ സര്‍വകലാശാല നടപടിയെടുക്കാത്തതില്‍ പ്രതിഷേധിച്ചാണ് സത്യാഗ്രഹം. ഏപ്രില്‍ 18 ബുധനാഴ്ച രാവിലെ സ്ത്രീവിമോചക പ്രവര്‍ത്തക കെ.അജിതയാണ് സത്യാഗ്രഹം ഉദ്ഘാടനം ചെയ്തത്.

പ്രശ്നത്തില്‍ ചാന്‍സലറെ ഇടപെടുവിക്കാന്‍ സര്‍വകലാശാല അധികൃതര്‍ ശ്രമം നടത്തിയിരുന്നു. എന്നാല്‍ ഇക്കാര്യത്തില്‍ തീരുമാനമെടുക്കേണ്ടത് സര്‍വകലാശാല അധികൃതരാണെന്നായിരുന്നു ചാന്‍സലറായ ഗവര്‍ണറുടെ നിലപാട്.

വനിതാ കമ്മിഷന്‍ റിപ്പോര്‍ട്ടും ഹൈക്കോടതി വിധിയും ഉഷയ്ക്ക് അനുകൂലമായിരുന്നിട്ടും ഉഷയ്ക്കെതിരെ അപവാദ പ്രചാരണം നടത്തിയ ഉദ്യോഗസ്ഥനെതിരെ നടപടി സ്വീകരിക്കാന്‍ സര്‍വകലാശാല അധികൃതര്‍ ഇതേവരെ തയ്യാറായിട്ടില്ല.