വക്കം സ്പീക്കര് , സുന്ദരന് നാടാര് ഡെ.സ്പീക്കര്
തിരുവനന്തപുരം: വക്കം പുരുഷോത്തമനെ സ്പീക്കറാക്കാന് ദില്ലിയില് നടന്ന ചര്ച്ചയില് ധാരണയായി. മെയ് 24 വ്യാഴാഴ്ച നടന്ന ചര്ച്ചയില് ആണ് ഇക്കാര്യം തീരുമാനമായത്.
സുന്ദരന് നാടാരായിരിക്കും ഡെപ്യൂട്ടി സ്പീക്കര്. സ്പീക്കര്, ഡെപ്യൂട്ടി സ്പീക്കര് പദവികളിലേക്കുള്ളവര് ഗ്രൂപ്പില്ലാത്തവരായിരിക്കണമെന്ന ഹൈക്കമാന്റ് നിര്ദേശമനുസരിച്ചാണ് വക്കത്തെയും സുന്ദരന്നാടാരെയും ഈ പദവികളിലേക്ക് തിരഞ്ഞെടുത്തത്.
സ്പീക്കര് പദവി കൂടി തങ്ങള്ക്ക് വേണമെന്ന് കരുണാകരന് വാശിപിടിച്ചിരുന്നു. എന്നാല് സ്പീക്കര് സ്ഥാനത്തേക്ക് വക്കത്തിന്റെ പേര് നിര്ദേശിക്കപ്പെട്ടപ്പോള് ഐ ഗ്രൂപ്പ് എതിര്ത്തില്ല.
അഞ്ചാം തവണ നിയമസഭാംഗമാകുന്ന വക്കം സ്പീക്കറാകുന്നത് ഇത് രണ്ടാം തവണയാണ്. അച്യുതമേനോന് മന്ത്രിസഭയിലും നായനാര് മന്ത്രിസഭയിലും അംഗമായിരുന്നു. ആന്ഡമാന് നിക്കോബാര് ദ്വീപുകളില് ലഫ്. ഗവര്ണറായിരുന്നു. കെപിസിസിഅംഗം, എഐസിസി അംഗം എന്നീ നിലകളില് പ്രവര്ത്തിച്ചിട്ടുണ്ട്.