വാറ്റ് കേരളം നടപ്പാക്കില്ല
തിരുവനന്തപുരം: മൂല്യവര്ദ്ധിത നികുതിയുടെ കാര്യത്തില് ധനമന്ത്രിയുടെ നിലപാടിനെതിരായി ഐക്യമുന്നണി ഏകോപന സമിതി യോഗം തീരുമാനിച്ചിരിയ്ക്കുന്നു.
മുല്യ വര്ദ്ധിത നികുതി കേരളത്തില് ഉടനടി പിരിയ്ക്കെണ്ടെന്നാണ് ഐക്യമുന്നണി തീരുമാനിച്ചിരിയ്ക്കുന്നത്. എന്നാല് ഈ നികുതി പിരിയ്ക്കണമെന്നാണ് ധനമന്ത്രി കെ ശങ്കരനാരായണന്റെ നിലപാട്. ഈ നികുതി ഏര്പ്പെടുത്തുന്നത് സംസ്ഥാനത്തിന് വന് നഷ്ടം ഉണ്ടാക്കുമെന്നാണ് ഐക്യമുന്നണിയുടെ നിലപാട്.
അസംഘടിത മേഖലയിലായിരിയ്ക്കും ഇത് കൂടുതല് നഷ്ടം ഉണ്ടാക്കുക. ചെറുകിട കയര്, കൈത്തറി, കോഴിവളര്ത്തല് മേഖലയില് വാറ്റ് നടപ്പാക്കിയാല് ഉണ്ടാകുന്ന നഷ്ടം വളരെ വലുതാണെന്ന് സമിതി വിലയിരുത്തി.
ഈ നികുതി നടപ്പാക്കുന്നതിന് മുമ്പ് അയല് സംസ്ഥാനങ്ങളുമായി ചര്ച്ചനടത്തുമെന്നാണ് മുഖ്യമന്ത്രി പറയുന്നത്.
എന്തായാലും മൂല്യവര്ദ്ധിത നികുതിയുടെ കാര്യത്തില് സര്ക്കാര് ഇരുട്ടില് തപ്പുകയാണെന്നാണ് ഇത് വ്യക്തമാക്കുന്നത്.
മൂല്യവര്ദ്ധിത നികുതിഏര്പ്പെടുത്തുന്നതിനെ കച്ചവടക്കാര് തുടക്കം മുതലേ എതിര്ക്കുകയാണ്.