കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ഞായറാഴ്ച അര്‍ധരാത്രി മുതല്‍ ലോറി സമരം

  • By Staff
Google Oneindia Malayalam News

തിരുവനന്തപുരം: ജൂലൈ 31 ഞായറാഴ്ച അര്‍ദ്ധരാത്രി മുതല്‍ സംസ്ഥാനത്ത് ലോറി സമരം ആരംഭിക്കും. ശനിയാഴ്ച ഗതാഗത മന്ത്രി എന്‍.ശക്തനുമായി നടത്തിയ ചര്‍ച്ച പരാജയപ്പെട്ടതിനെ തുടര്‍ന്ന് വാഹന ഉടമകളുടെ കോ-ഓര്‍ഡിനേഷന്‍ കമ്മിറ്റി സമരവുമായി മുന്നോട്ടുപോകാന്‍ തീരുമാനിക്കുകയായിരുന്നു.

വാഹന നികുതിക്കൊപ്പം തൊഴിലാളി ക്ഷേമനിധി തുകയും അടയ്ക്കണമെന്ന സര്‍ക്കാര്‍ തീരുമാനത്തില്‍ പ്രതിഷേധിച്ചാണ് സമരം. ലോറി, ടാങ്കര്‍ ലോറി, കോണ്‍ട്രാക്ട് വാഹനങ്ങള്‍, ടെമ്പോ, മിനിലോറി എന്നിവയും പണിമുടക്കില്‍ പങ്കെടുക്കുമെന്ന് വാഹന ഉടമകളുടെ കോ-ഓര്‍ഡിനേഷന്‍ കമ്മിറ്റി അറിയിച്ചു.

ഡീസല്‍ നികുതി കുറയ്ക്കുക, സ്പീഡ് ഗവര്‍ണര്‍ ഉപയോഗം എന്നീ കാര്യങ്ങളില്‍ യോജ-ിച്ച തീരുമാനമെടുക്കാമെന്ന് മന്ത്രി ഉറപ്പു നല്‍കിയിട്ടുണ്ട്. ഇതിന്റെ ഭാഗമായി സ്പീഡ് ഗവര്‍ണര്‍ നടപ്പാക്കണമെന്ന ഹൈക്കോടതി ഉത്തരവിനെതിരെ അപ്പീല്‍ നല്‍കാന്‍ അഡ്വക്കേറ്റ് ജ-നറലിനോട് ആവശ്യപ്പെട്ടിട്ടുണ്ട്.

ഡീസലിന്റെ നികുതി സംബന്ധിച്ച റിപ്പോര്‍ട്ട് ലഭിച്ചശേഷം ആവശ്യമായ നടപടി എടുക്കും. പക്ഷെ, വാഹന നികുതിക്കൊപ്പം ക്ഷേമ നിധിത്തുക അടയ്ക്കാനുള്ള നിയമം പിന്‍വലിക്കണമെന്ന ആവശ്യം മുഖ്യമന്ത്രിയെ ധരിപ്പിക്കാമെന്ന മന്ത്രിയുടെ നിര്‍ദേശം വാഹനഉടമകള്‍ക്ക് സ്വീകാര്യമായില്ല.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X