ആമസോണ് ഇനി ഒന്നാമന്?
ലോകത്ത് വ്യാപ്തിയില് ഏറ്റവും വലിയ നദിയായ ആമസോണ് തന്നെയാണ് നീളത്തിലും മുന്നിലെന്ന് ശാസ്ത്രജ്ഞര് കണ്ടെത്തിയതായാണ് റിപ്പോര്ട്ട്. പെറുവില് ശാസ്ത്രജ്ഞന്മാര് 14 ദിവസം ചെലവഴിച്ച് നടത്തിയ പര്യവേഷണത്തിലാണ് നൈലിനെ പിന്തള്ളി ആമസോണാണ് നീളം കൂടിയ നദിയെന്ന് കണ്ടെത്തിയിരിക്കുന്നത്.
പെറുവില് നിന്ന് ആരംഭിക്കുന്ന ആമസോണിന്റെ ഉദ്ഭവസ്ഥാനം ഇപ്പോള് കണക്കാക്കപ്പെട്ടിരിക്കുന്നതിന് വളരെ തെക്ക് മാറിയാണെന്ന് നിശ്ചയിച്ചതോടെയാണ് നൈലിന് പ്രഥമ സ്ഥാനം നഷ്ടമാകുന്നത്. പുതിയ കണക്കനുസരിച്ച് ആമസോണിന് 6,800 കിലോമീറ്ററാണ് നീളം. നൈലിന് 6,695 കിലോമീറ്റര് നീളമാണുള്ളത്.
നേരത്തെ കണക്കൂ കൂട്ടിയിരുന്നതനുസരിച്ച് വടക്കന് പെറുവില് നിന്നാണ് ആമസോണ് നദി തുടങ്ങുന്നത്.എന്നാല് തെക്കന് പെറുവിലെ മലനിരകളില് നിന്നാണ് നദിയുടെ ഉദ്ഭവമെന്നാണ് പുതിയ കണ്ടെത്തല്. തെക്കന് പെറുവിലെ മിസ്മി എന്ന മഞ്ഞ് മൂടിയ മലനിരയിലാണ് ആമസോണ് നദിയുടെ തുടക്കം. മുമ്പ് കണക്കാക്കിയിരുന്നതനുസരിച്ചാണെങ്കിലും ആമസോണ്തന്നെയാണ് ഏറ്റവും വലിയ നദിയെന്നാണ് ബ്രസീലിയന് ശാസ്ത്രജ്ഞരുടെ വാദം.
Click it and Unblock the Notifications
Sign in with Google