മന്ത്രിമാര് ഗവര്ണറെ വിമര്ശിച്ചതില് തെറ്റില്ല
തിരുവനന്തപുരം: ലാവലിന് കേസില് മന്ത്രിസഭാ തീരുമാനം അവഗണിച്ച് പ്രോസിക്യൂഷന് അനുമതി നല്കിയ ഗവര്ണര് ആര്എസ് ഗവായിയെ വിമര്ശിച്ച മന്ത്രിമാരുടെ നടപടിയെ മുഖ്യമന്ത്രി വിഎസ് അച്യുതാന്ദന് പൂര്ണമായും ന്യായീകരിച്ചു.
ഗവര്ണറെ വിമര്ശിക്കാനുളള അധികാരം മന്ത്രിമാര്ക്കുണ്ടെന്നും അതില് യാതൊരു തെറ്റൊന്നുമില്ലെന്നും മുഖ്യമന്ത്രി വിശദീകരിച്ചു. ജനാധിപത്യപരമായ ആവശ്യങ്ങളാണ് അവര് പറഞ്ഞത്. ഇതിന്റെ പേരില് രാജിവെയ്ക്കേണ്ട ആവശ്യമില്ലെന്നും അദ്ദേഹം പറഞ്ഞു.
പൊതുഭരണ വകുപ്പിന്റെ ധനാഭ്യര്ത്ഥന ചര്ച്ചകള്ക്കു മറുപടി പറയവേയാണ് മുഖ്യമന്ത്രി ഇക്കാര്യം പ്രസ്താവിച്ചത്. മുഖ്യമന്ത്രിയും മന്ത്രിമാരും വിഭിന്ന അഭിപ്രായങ്ങളുമായി രംഗത്തെത്തിയത് മന്ത്രിസഭയുടെ കൂട്ടുത്തരവാദിത്വം നഷ്ടപ്പെട്ടതിന്റെ തെളിവാണെന്ന് പ്രതിപക്ഷം ആരോപിച്ചിരുന്നു. ഇതാണ് മന്ത്രിമാരെ ന്യായീകരിയ്ക്കാന് മുഖ്യമന്ത്രിയെ പ്രേരിപ്പച്ചതെന്ന് കരുതുന്നു.
മന്ത്രിസഭയുടെ തലവനായ താന് ഗവര്ണറുടെ നടപടിയെ ന്യായീകരിച്ചത് പ്രതിപക്ഷം സമ്മതിച്ചിട്ടുളളതാണ്. പരസ്പരമുളള കളിയാക്കലാണ് പ്രതിപക്ഷം ശ്രമിയ്ക്കുന്നതെന്നും അതിന് മറുപടി പറയാനില്ലെന്നും മുഖ്യമന്ത്രി വ്യക്തമാക്കി.