മിസ് ജിബ്രാള്ട്ടര് കായിന് അല്ഡറിനോ ലോകസുന്ദരി
മിസ് ഇന്ത്യ പൂജാ ചോപ്ര സെമിഫൈനലിലെത്തിയെങ്കിലും ഒമ്പതാം സ്ഥാനം കൊണ്ട് തൃപ്തിപ്പെടേണ്ടി വന്നു. ഇത് തന്റെ ജീവിതത്തിലെ അവിസ്മരണീയ മുഹൂര്ത്തമാണെന്ന് കഴിഞ്ഞവര്ഷത്തെ ലോക സുന്ദരി റഷ്യയിലെ സനൗഷ്കി നോവയില് നിന്ന് പട്ടം സ്വീകരിച്ച് കായിന് പറഞ്ഞു. 22 കാരിയായി കായിന് എച്ച്ആര് പ്രൊഫഷണലാണ്.
മത്സരത്തിലെ അവസാന പതിനാറിലെത്തിയെങ്കിലും ഏഴു പേര് മാറ്റുരച്ച ഫൈനല് റൗണ്ടില് ഇടം നേടാന് ഇന്ത്യന് സുന്ദരിയ്ക്ക് സാധിച്ചില്ല. റിഹേഴ്സലിനിടെ കണങ്കാലിനേറ്റ പരിക്കുമായണ് പൂജ ചോപ്ര റാമ്പില് ചുവടുവെച്ചത്.
ബ്യൂട്ടി വിത്ത് പര്പ്പസ് എന്ന പട്ടം നേടിയാണ് പൂജ സെമിഫൈനലിലെത്തിയത്. 112 രാജ്യങ്ങളില് നിന്നുള്ള സുന്ദരിമാരാണ് ലോകസുന്ദരി പട്ടത്തിനായി മത്സരിച്ചത്. ബോളിവുഡ് താരവും മുന് മിസ് വേള്ഡുമായ പ്രിയങ്ക ചോപ്ര ജൂറി അംഗമായെത്തിയത് ലോകസുന്ദരി മത്സരത്തിന് താരശോഭ പകര്ന്നു.