Click it and Unblock the Notifications
Just In
Don't Miss
-
രോഗശാന്തിക്ക് ഓടിയെത്തുന്ന ഭക്തര്, മന്ത്രവാദവും ആത്മാക്കളെയും ഒഴിപ്പിക്കുന്ന ക്ഷേത്രം -
ബ്രെസയും നെക്സോണും പോലെ കമ്പനിയിട്ട പേരുകളല്ല! സ്കോഡ എസ്യുവിക്ക് ജനങ്ങള് നിര്ദേശിച്ച 10 പേരുകള് കണ്ടോ... -
'ഇപ്പോൾ തീപ്പൊരിയല്ല കാട്ടുതീയാണ്, അന്ന് കിട്ടിയ എനർജി ലൈഫിന്റെ അവസാനം വരെയുണ്ടാകും'; സിജോ തിരിച്ചുവന്നു -
അമ്പോ ലാഭം വില! ഇതുവരെ വന്നതെല്ലാം സൈഡിലോട്ട് നിന്നോ, ഇനി ഈ റിയൽമി 5ജിഫോണാണ് മെയിൻ -
തിരിച്ചുകയറി സ്വർണവില, പവന്റെ വില വീണ്ടും 53,000 കടന്നു, അഡ്വാൻസ് ബുക്കിംഗ് നല്ലതാണ് -
ട്രെയിനുമുണ്ട്, ടിക്കറ്റുമുണ്ട്, വോട്ട് ചെയ്യാൻ നാട്ടിൽ വരാം... മടക്ക യാത്രയ്ക്കും തീവണ്ടി -
T20 World Cup 2024: കീപ്പിങ്ങില് മിന്നിച്ച് രാഹുല്, പക്ഷെ സഞ്ജുവിനോളം വരുമോ? പോരാട്ടം കടുക്കുന്നു
പ്രതിഷേധം: തോക്കുസ്വാമി ഇത്തവണ ഗോമൂത്രവുമായി
കൊച്ചി: പ്രതിഷേധവുമായി തെരുവിലിറങ്ങിയ തോക്കുസ്വാമിയെന്നറിയപ്പെടുന്ന ഹിമവല്‍ ഭദ്രാനന്ദയെ പൊലീസ് കസ്റ്റഡിയിലെടുത്തു. പശുക്കിടാവും ഗോമൂത്രവുമായിട്ടായിരുന്നു ചൊവ്വാഴ്ച ഭദ്രാനന്ദയുടെ പ്രകടനം. മൃഗങ്ങള്‍ക്കെതിരെയുള്ള പീഡനത്തിന്റെ പേരിലാണ് ഭദ്രാനന്ദയ്ക്കെതിരെ കേസ് രജിസ്റ്റര്‍ ചെയ്തിരിക്കുന്നത്. പ്രതിഷേധത്തിന് പശുക്കിടാവിനെ ഉപയോഗിച്ചതാണ് ഭദ്രാനന്ദയ്ക്ക് വിനയായത്.
ഇരുപത്തിരണ്ടിന ആവശ്യങ്ങളുന്നയിച്ച് മുഖ്യമന്ത്രി ഉമ്മന്‍ചാണ്ടിയുടെ ചിത്രമുള്ള ഫ്ലക്സ് ബോര്‍ഡ് പശുക്കിടാവിന്റെ മേല്‍ വച്ച് പാത്രത്തില്‍ ഗോമൂത്രവുമായിട്ടായിരുന്നു സ്വാമിയുടെ പ്രകടനം. ഫ്ലക്സ് ബോര്‍ഡില്‍ മുഖ്യമന്ത്രിയ്ക്ക് ഗോമൂത്രാഭിഷേകം എന്ന് എഴുതിയിരുന്നു.
ഇദ്ദേഹത്തിന്റെ കൈവശമുണ്ടായിരുന്ന നോട്ടീസുകളിലാണ് ആവശ്യങ്ങള്‍ ഉന്നയിച്ചിരുന്നത്. സ്ത്രീകളെ പീഡിപ്പിക്കുന്നവരെയും മാതാപിതാക്കളെ സംരക്ഷിക്കാത്തവരെയും ശിക്ഷിക്കുക, സ്ത്രീകള്‍ക്കെതിരായ അക്രമം ഇല്ലാതാക്കാന്‍ തീവണ്ടികളിലും ബസ്സുകളിലും ഒളിക്യാമറ ഘടിപ്പിക്കുക, മന്ത്രിസഭയില്‍ സ്ത്രീകള്‍ക്ക് സംവരണം നല്‍കുക, സമരം ചെയ്യുന്നവരോടുള്ള പോലീസിന്റെ കാടത്തം അവസാനിപ്പിക്കുക തുടങ്ങിയ ആവശ്യങ്ങളാണ് നോട്ടീസിലുണ്ടായിരുന്നത്.
ചൊവ്വാഴ്ച പകല്‍ ഹൈക്കോടതി ജംഗ്ഷനില്‍ നിന്ന് ആരംഭിച്ച ഒറ്റയാള്‍ പ്രകടനം കച്ചേരിപ്പടിയിലെത്തിയപ്പോഴാണ് പോലീസ് തടഞ്ഞത്. ആദ്യം നോര്‍ത്ത് പോലീസ് സ്‌റ്റേഷനിലെത്തിച്ച സ്വാമിയെ പിന്നീട് സെന്‍ട്രല്‍ സ്‌റ്റേഷനിലേക്ക് മാറ്റുകയായിരുന്നു.
ഇതിന് മുമ്പൊരു ദിവസം റോഡുകളുടെ ശോചനീയാവസ്ഥയ്‌ക്കെതിരെ റോഡരികില്‍ കുത്തിയിരുന്ന് പൂജന നടത്തി പ്രതിഷേധിച്ച ഇയാളെ പൊലീസ് കസ്റ്റഡിയിലെടുത്തിരുന്നു.
