കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

കാവേരിയിലെ വംശനാശം നേരിടുന്ന ജീവികളെ സംരക്ഷിക്കണം

  • By Nisha Bose
Google Oneindia Malayalam News

Kenneth-anderson-animal
ബാംഗ്ലൂര്‍ കാവേരി നദീ തീരത്തു കാണപ്പെടുന്ന ജൈവവൈവിധ്യ ശേഖരത്തെ സംരക്ഷിയ്ക്കണമെന്ന ആവശ്യം ശക്തിപ്പെടുന്നു. വംശനാശ ഭീഷണി നേരിടുന്ന മലയണ്ണാന്‍, അപൂര്‍വയിനത്തില്‍പ്പെട്ട മാനുകള്‍ തുടങ്ങിയവയാണ് ഈ വനമേഖലയില്‍ കണ്ടെത്തിയിരിക്കുന്നത്.

ഹുസൂര്‍ വനത്തിന്റെ ഭാഗമായ ഉറിഗം, അഞ്ചെട്ടി മേഖലകളിലാണ് ഈ അപൂര്‍വവും വൈവിധ്യവുമാര്‍ന്ന ജീവജാലങ്ങളെ കണ്ടെത്തിയിരിക്കുന്നത്. . കെന്നത്ത് ആന്‍ഡേഴ്‌സണ്‍ നാച്വര്‍ സൊസൈറ്റിയും എഎന്‍സിഎഫും തമിഴ്‌നാട് വനംവകുപ്പും ചേര്‍ന്നു നടത്തിയ സംയുക്ത തിരച്ചിലിലാണ് ഇവയുടെ സാന്നിധ്യം തിരിച്ചറിഞ്ഞത്.

അപൂര്‍വ്വ സ്പീഷീസിലുള്ള ജീവികളെ കണ്ടെത്തിയതിനെ തുടര്‍ന്ന് ഡിവിഷന്‍ ഫോറസ്റ്റ് ഓഫീസര്‍ ഉലകനാഥന്‍ ഈ ഭാഗത്ത് ചെക്ക് പോസ്റ്റ് ഉണ്ടാക്കാന്‍ മുന്‍കൈ എടുത്തിരുന്നു. ഇതിനു പുറമേ നിരീക്ഷണത്തിനായി കാവല്‍ക്കാരെയും ഏര്‍പ്പെടുത്തിയിരുന്നു.

എന്നാലും ഹൂസുര്‍ വനത്തിന്റെ ഈ മേഖലകളില്‍ എല്ലാ നിയമങ്ങളും ലംഘിച്ച് ചിലര്‍ അതിക്രമിച്ചു കയറുന്നതായി വനംവകുപ്പ് ഉദ്യോസ്ഥര്‍ പറയുന്നു. പ്ലാസ്റ്റിക്ക് മാലിന്യങ്ങളും മദ്യക്കുപ്പികളും നിക്ഷേപിക്കുന്നതു മൂലം പ്രദേശം വന്‍തോതില്‍ മലിനീകരിയ്ക്കപ്പെട്ടിട്ടുണ്ട്.

വാഹനങ്ങളുടെ ഉച്ചത്തിലുള്ള ഹോണും പാട്ടും ഇവിടങ്ങളിലെ വന്യജീവികളെ ദോഷമായി ബാധിയ്ക്കുന്നതായും റിപ്പോര്‍ട്ടുണ്ട്. ഈ അപൂര്‍വയിനം ജീവജാലങ്ങളുടെ സംരക്ഷണം പരിസ്ഥിതി സ്നേഹികളുടെ മാത്രം ഉത്തരവാദിത്വമല്ല, സമൂഹത്തിന്റെ മുഴുവന്‍ ചുമതലയാണെന്ന് തിരിച്ചറിയുമ്പോഴെ യഥാര്‍ത്ഥ വന്യജീവി സംരക്ഷണം സാധ്യമാവൂ.

English summary
It seems the final call from some species like Grizzled Giant Squirrel (GGS) and four horned antelope (Tetracerus quadricornis), which are endangered species, have been echoed in the region along side Cauvery river in Tamil Nadu.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X