വിപണി നഷ്ടത്തിന്റെ പാതയില്
253 പോയിന്റിലധികം താഴ്ന്ന ഡൗജോണ്സിന്റെ ചുവട് പിടിച്ച് കച്ചവടം തുടങ്ങിയ ഏഷ്യന് വിപണികളെല്ലം താഴോട്ടിറങ്ങി. സ്ട്രെയ്റ്റ് ടൈംസ് 69.92 പോയിന്റും ഹാങ്സെങ് 596.51 പോയിന്റും നിക്കി 166.28 പോയിന്റും ഇടിഞ്ഞു. ഉച്ചയോടെ വ്യാപാരം തുടങ്ങിയ യൂറോപ്യന് മാര്ക്കറ്റില് നിന്നു ലഭിക്കുന്ന സൂചനകളും ആശാവഹമല്ല.
മുംബൈ ഓഹരി സൂചിക 108.13 പോയിന്റ് താഴ്ന്ന് 16713.33ലും ദേശീയ ഓഹരി സൂചികയായ നിഫ്റ്റി 22.80 കുറഞ്ഞ് 5017.20ലുമാണ് ക്ലോസ് ചെയ്തത്. റിലയന്സ് ഇന്ഫ്രാസ്ട്രക്ചര്, റിലയന്സ് കാപ്പിറ്റല്, ഹീറോ മോട്ടോര്സ്, ജയ്പ്രകാശ് അസോസിയേറ്റ്സ്, റിലയന്സ് കമ്മ്യൂണിക്കേഷന് തുടങ്ങിയ കമ്പനികളാണ് തിങ്കളാഴ്ച നേട്ടമുണ്ടാക്കിയത്. വിപ്രോ ലിമിറ്റഡ്, കെയ്ന് ഇന്ത്യ, എച്ച്.സി.എല് ടെക്നോളജീസ്, ഒ.എന്.ജി.സി, ഭാരത് പെട്രോളിയം കമ്പനികള് നഷ്ടക്കാരുടെ പട്ടികയില് ഏറ്റവും മുന്നിലെത്തി.