Click it and Unblock the Notifications
Just In
Don't Miss
-
ആ പ്രണയം തകർന്നത് നന്നായി, പ്രസന്നയെ പോലൊരു ഭർത്താവിനെ കിട്ടി; ആ വർഷം കഠിനമായിരുന്നെന്നും സ്നേഹ -
IPL 2024: 36 ബോളില് വേണ്ടത് 96! നാലു വിക്കറ്റ് മാത്രം, 'തോറ്റ' കളി റോയല്സ് ജയിച്ചതെങ്ങനെ? നോക്കാം -
മൂകാംബികയിൽ തൊഴുത് തടാക ക്ഷേത്രവുംപറശ്ശിനിക്കടവും കണ്ടുവരാം.. തീർത്ഥാടന പാക്കേജ് -
രാജ്യത്തെ വാഹന കയറ്റുമതിയിൽ ഇടിവ്, കണക്കുകൾ പുറത്ത് വിട്ട് സിയാം -
ഓവര്തിങ്കിംഗ് ഉണ്ടോ? ദാമ്പത്യം തകരാന് അതുമാത്രം മതി -
ആദ്യ ഐഫോൺ സ്വന്തമാക്കാൻ ഇതാണ് സമയം! ഫ്ലിപ്പ്കാർട്ടിലും ആമസോണിലും കിട്ടുന്ന ഡിസ്കൗണ്ടുകൾ ഇതാ -
ഓഹരി വില പറന്നത് 10ൽ നിന്നും 430 രൂപയിലേക്ക്, മൂന്ന് വർഷത്തെ വളർച്ച 3800%, കൂടെക്കൂട്ടുന്നോ...?
ഡാം: മലയാളികള്‍ക്കുനേരെ ആക്രമണം ശക്തം
ഞായറാഴ്ച ഉച്ചതിരിഞ്ഞ് മാര്‍ച്ചുചെയ്ത് വന്ന കര്‍ഷകരുടെ സംഘം അവരെ തടഞ്ഞ തമിഴ്‌നാട് പൊലീസിനുനേരെ കല്ലെറിഞ്ഞു. തമിഴ്‌നാട് ധനമന്ത്രി പനീര്‍ശെല്‍വത്തിനുനേരെ പ്രകടനക്കാര്‍ ചെരുപ്പെറിയുകയും ചെയ്തു. ഒടുവില്‍ ഇവരെ പിരിച്ചുവിടാന്‍ പൊലീസ് ലാത്തിവിശുകയായിരുന്നു.
തമിഴ് കര്‍ഷകര്‍ പ്രതിഷേധവുമായി കേരള അതിര്‍ത്തിയിലേക്ക് മാര്‍ച്ച് ചെയ്യുന്നതിനിടെയാണ് മന്ത്രി പനീര്‍ ശെല്‍വത്തിനുനേരെയും അക്രമ ശ്രമമുണ്ടായത്. ഞായറാഴ്ച വൈകുന്നേരം നാലോടെയാണ് കുമളിക്ക് സമീപം പൊലീസ് തടഞ്ഞുനിര്‍ത്തിയിരുന്ന പ്രതിഷേധക്കാരെ കാണാന്‍ തമിഴ്‌നാട് ധനമന്ത്രി ഒ. പനീര്‍ ശെല്‍വം എത്തിയത്.
ലോവര്‍ക്യാമ്പ് പാതയിലെ ചെക്‌പോസ്റ്റിന് സമീപം കാറില്‍ നിന്നിറങ്ങി പ്രതിഷേധക്കാരോട് മന്ത്രി സംസാരിച്ച് തുടങ്ങിയതോടെ ചിലര്‍ കൈയേറ്റം ചെയ്യാന്‍ ശ്രമിക്കുകയും ചെരുപ്പെറിയുകയുമായിരുന്നു.
തമിഴ്‌നാട്ടില്‍ മലയാളികളുടെ ഉടമസ്ഥതയിലുള്ള ഫാക്ടറികളും വാഹനങ്ങളും കത്തിച്ച അക്രമികള്‍ 19 ഏക്കര്‍ കൃഷിത്തോട്ടം വെട്ടി നശിപ്പിക്കുകയും 23 പോത്തുകളെ കടത്തിക്കൊണ്ടുപോവുകയും ചെയ്തിട്ടുണ്ട്.
കുമളിയിലേക്ക് പ്രതിഷേധ മാര്‍ച്ച് നടത്തിയവരാണ് മലയാളികളുടെ സ്ഥാപനങ്ങള്‍ക്കുനേരെ ആക്രമണം നടത്തിയത്. എരിതീയിലേയ്ക്ക് എണ്ണയെന്ന പോലെ മലയാളികള്‍ക്കെതിരെ തമിഴ്‌നാട്ടില്‍ ഊഹാപോഹങ്ങള്‍ പ്രചരിക്കുന്നുമുണ്ട്.
കേരളത്തിലെ തോട്ടം തൊഴിലാളികളായ തമിഴ്‌സ്ത്രീകളെ മലയാളികള്‍ അപമാനിച്ചെന്ന പ്രചാരണത്തെത്തുടര്‍ന്നാണ് കഴിഞ്ഞ ദിവസം വലിയതോതില്‍ ആക്രമണമുണ്ടായത്. ഇപ്പോള്‍ മുല്ലപ്പെരിയാറില്‍ നിന്നും തമിഴ്‌നാട്ടിലേയ്ക്ക് വെള്ളം കൊണ്ടുപോകുന്ന പെന്‍സ്റ്റോക്ക് പൈപ്പ് തകര്‍ന്നുവെന്ന പ്രചാരണവും ശക്തമാണ്. തമിഴ് കര്‍ഷകരെ രോഷാകുലരാക്കുമെന്ന ഉറപ്പില്‍ത്തന്നെയാണ് ഛിദ്രശക്തികള്‍ ഇത്തരം പ്രചാരണങ്ങള്‍ നടത്തുന്നത്.
മലയാളിലുടെ ചകിരിഫാക്ടറി അക്രമികള്‍ കത്തിച്ചിട്ടുണ്ട്. ഒപ്പം ഫാക്ടറി ഉടമകയുടെ വാഹനങ്ങള്‍ കത്തിയ്ക്കുകയും വീടിന് നേര്‍ക്ക് കല്ലേറ് നടത്തുകയും ചെയ്തു.
