മധുര് ഭണ്ഡാര്ക്കറിനെതിരായ പീഡനകേസ് തള്ളി
2009ല് നടി പ്രീതി ജെയ്ന് നല്കിയ പരാതിയാണ് കേസിന് ആധാരം. തന്റെ സിനിമകളില് നായികയാക്കാമെന്ന് വാഗ്ദാനം നല്കി മധുര് തന്നെ പീഡിപ്പിച്ചുവെന്നായിരുന്നു നടിയുടെ ആരോപണം. 1999-2004 കാലയളവിലായിരുന്നു പീഡനമെന്നും നടി കോടതിയില് പറഞ്ഞു.
തന്റെ സിനിമകളില് നായികയാക്കാമെന്നും വിവാഹം ചെയ്യാമെന്നും പറഞ്ഞ് മധുര് തന്നെ 16 വട്ടം പീഡിപ്പിച്ചു. എന്നാല് ഒരു സിനിമയിലും തനിക്ക് വേഷം ലഭിച്ചില്ല. താന് എതിര്ത്തപ്പോള് പോലും മധുര് തന്നെ ബലം പ്രയോഗിച്ച് പീഡിപ്പിച്ചുവെന്നും നടി ആരോപിച്ചിരുന്നു.
2006ല് പ്രീതിയുടെ ആരോപണങ്ങള് കളവാണെന്ന് കണ്ടെത്തിയതിനെ തുടര്ന്ന് കേസ് തള്ളണമെന്ന് പൊലീസ് കോടതിയോട് അഭ്യര്ഥിച്ചിരുന്നു. എന്നാല് ഇതിനെതിരെ നടി മുംബൈ കോടതിയെ സമീപിച്ചു.
2011ല് പൊലീസിന്റെ റിപ്പോര്ട്ട് തള്ളിക്കളഞ്ഞ മുംബൈ കോടതി മധൂറിനെ വിചാരണ ചെയ്യാന് ഉത്തരവിട്ടു. ഇതിനെതിരെയാണ് മധുര് സുപ്രീംകോടതിയെ സമീപിച്ചത്. കഴിഞ്ഞ ഏപ്രിലില് സംവിധായകനെതിരായ നടപടികള് സുപ്രീംകോടതി സ്റ്റേ ചെയ്തിരുന്നു.
Click it and Unblock the Notifications
Sign in with Google