ടാം റേറ്റിങ്ങിനെതിരെ പരാതിയുമായി പ്രസാര് ഭാരതി
രാജ്യത്ത് 2കോടിയിലധികം വീടുകളില് ടിവി ഉണ്ടെങ്കിലും ഏജന്സി ഏതാണ്ട് 8,000 വീടുകളില് മാത്രമേ റേറ്റിങ് അറിയാനുള്ള മീറ്ററുകള് സ്ഥാപിച്ചിട്ടുള്ളൂ. ഒരു ലക്ഷത്തിലധികം ജനസംഖ്യയുള്ള സിറ്റികളിലെ വീടുകള് മാത്രമാണ് റേറ്റിങ് മനസ്സിലാക്കാനായി തിരഞ്ഞെടുത്തിരിക്കുന്നത്. ഗ്രാമങ്ങളേയും ചെറിയ പട്ടണങ്ങളേയും ഏജന്സി പാടെ ഒഴിവാക്കിയിരിക്കുകയാണ്. ഇത് അശാസ്ത്രീയമായ രീതിയാണെന്ന് പരാതിയില് പറയുന്നു.
ഇത്തരമൊരു പരാതി നല്കിയതായി പ്രസാര് ഭാരതിയുടെ സിഇഒ ജവഹര് സിര്കാര് സ്ഥിരീകരിച്ചു. എന്നാല് പരാതിയെ കുറിച്ച് കൂടുതല് വിവരങ്ങള് വെളിപ്പെടുത്താന് അദ്ദേഹം തയ്യാറായില്ല. സെപ്തംബറില് ചേര്ന്ന പ്രസാര് ഭാരതിയുടെ ബോര്ഡ് യോഗത്തിലാണ് ടാമിനെതിരെ സിസിഐയ്ക്ക് പരാതി നല്കാന് തീരുമാനമായത്.മുന്പ് എന്ഡിടിവിയും ടാം റേറ്റിങ്ങിനെതിരെ കോടതിയെ സമീപിച്ചിരുന്നു.
Click it and Unblock the Notifications
Sign in with Google