മദനി മോചനം ആവശ്യപ്പെട്ട് ബിജെപിയ്ക്ക് നേരെ വധഭീഷണി
തമിഴ്നാട്ടില് ബിജെപി നേതാക്കള് അടിയ്ക്കടി കൊല്ലപ്പെടുന്നത് പതിവായിരിയ്ക്കുകയാണ്. മതസൗഹാര്ദ്ദത്തെ തകര്ക്കുന്നതിന് വേണ്ടി സര്ക്കാരിനെ വെല്ലുവിളിയ്ക്കുകയാണ് ഇത്തരം കൊലപാതകങ്ങളിലൂടെ അക്രമികളെന്ന് അദ്ദേഹം പറഞ്ഞു. പാര്ട്ടി ഓഫീസിലേക്ക് ലഭിച്ച കത്ത് തമിഴ്നാട് സര്ക്കാരിനും, പൊലീസിനും, മത സൗഹാര്ദ്ദത്തിനും നേരെയുള്ള വെല്ലുവിളിയാണെന്ന് അദ്ദേഹം കൂട്ടിച്ചേര്ത്തു.
ഭീഷണി കത്തിന് പിന്നിലുള്ളവരെ കണ്ടെത്തണമെന്നും എത്രയും പെട്ടന്ന അവരെ അറസ്റ്റ് ചെയ്യണമെന്നും ആവശ്യമുണ്ട്. പാര്ട്ടി നേതാക്കളുടെ സുരക്ഷ ശക്തമാക്കണമെന്നും ബിജെപി സംസ്ഥാന പ്രസിഡന്റ് ആവശ്യപ്പെട്ടു. പിഡിപി നേതാവ് അബ്ദുള് നാസര് മദനിയെ വിട്ട് നല്കണമെന്ന ആവശ്യമാണ് കത്തില് പറയുന്നത്. ജൂലൈയില് തന്നെ രണ്ട് പ്രമുഖ ബിജെപി നേതാക്കളാണ് തമിഴ്നാട്ടില് കൊല്ലപ്പെടുന്നത്.
Click it and Unblock the Notifications
Sign in with Google