'മുല്ലപ്പെരിയാറില് ആശങ്ക വേണ്ട', ഡാം തുറക്കേണ്ടി വന്നാല് മുന്കരുതലുകള് സ്വീകരിക്കുമെന്ന് റോഷി അഗസ്റ്റിന്
ഇടുക്കി: മുല്ലപ്പെരിയാര് അണക്കെട്ടിനെ സംബന്ധിച്ച് നിലവില് ഉയരുന്ന ആശങ്കകള് അടിസ്ഥാനരഹിതമെന്ന് ജലവിഭവ വകുപ്പ് മന്ത്രി റോഷി അഗസ്റ്റിന്. അനാവശ്യ പ്രചരണങ്ങള് ഒഴിവാക്കണം എന്നും അദ്ദേഹം അഭ്യര്ത്ഥിച്ചു. മുല്ലപ്പെരിയാറില് പുതിയ ഡാം എന്നതാണ് സര്ക്കാരിന്റെ നിലപാട് എന്നും അദ്ദേഹം വ്യക്തമാക്കി. മുല്ലപ്പെരിയാറിന്റെ സുരക്ഷ സംബന്ധിച്ച് ഇടുക്കി കുളമാവില് ചേര്ന്ന യോഗത്തിനു ശേഷമായിരുന്നു റോഷി അഗസ്റ്റിന്റെ പ്രതികരണം.
'ഡാം തുറക്കേണ്ടി വന്നാല് മതിയായ മുന്കരുതലുകള് സ്വീകരിക്കും. നിലവില് മുല്ലപ്പെരിയാറിലെ ജലനിരപ്പ് 130 അടി ആണ്. ജൂലൈ 28 ന് ശക്തമായ മഴയുണ്ടായപ്പോള് അണക്കെട്ടിലെ ജലനിരപ്പ് 131.6 വരെയെത്തിയിരുന്നു. നിലവിലെ സാഹചര്യത്തില് ജലനിരപ്പ് കുറഞ്ഞ് വരുന്ന സ്ഥിതിയാണ്,' മന്ത്രി വ്യക്തമാക്കി. ഇടുക്കി ഡാമില് ജലനിരപ്പ് 2367 ആണ് എന്നും റൂള് കര്വ് പ്രകാരം 2386.8 വരെ പോകും എന്നും അദ്ദേഹം ചൂണ്ടിക്കാട്ടി.
2403 ആണ് മാക്സിമം കപ്പാസിറ്റി എന്നിരിക്കെ 20 അടിയുടെ വ്യത്യാസമുണ്ട് എന്നും റോഷി അഗസ്റ്റിന് പറഞ്ഞു. അതുകൊണ്ട് ആശങ്കകള്ക്ക് അടിസ്ഥാനമില്ല. ജില്ലാ കലക്ടറുടെ നേതൃത്വത്തില് ഇത് സംബന്ധിച്ച കാര്യങ്ങള് വിശകലനം ചെയ്യും. അനിഷ്ട സംഭവമുണ്ടായാല് ആരായിരിക്കണം ഉത്തരവാദിത്തം എന്ന് പരസ്പരം കുറ്റപ്പെടുത്താതെ വ്യക്തത രൂപപ്പെടുത്താന് പ്രത്യേക സംഘത്തെ നിയോഗിച്ചിട്ടുണ്ടെന്നും മന്ത്രി കൂട്ടിച്ചേര്ത്തു.
തമിഴ്നാടിന് ആവശ്യമായ ജലലഭ്യത ഉറപ്പു വരുത്തിക്കൊണ്ട് ഒരു സേഫ്റ്റി കണ്സെപ്റ്റ് ഡാം ഉണ്ടാകണം എന്നാണ് കേരളം ആഗ്രഹിക്കുന്നതെന്നും മന്ത്രി വ്യക്തമാക്കി. നേരത്തെ മുല്ലപ്പെരിയാര് ഡാം ഡീകമ്മീഷന് ചെയ്യണമെന്ന ആവശ്യം ഇടുക്കി എംപി ഡീന് കുര്യാക്കോസ് പാര്ലമെന്റില് ഉന്നയിച്ചിരുന്നു. മുല്ലപ്പെരിയാര് വിഷയത്തില് റോഷി അഗസ്റ്റിന് ഉയര്ത്തുന്നത് തമിഴ്നാടിന്റെ താത്പര്യവും വാദങ്ങളുമെന്ന് ഡീന് കുര്യാക്കോസ് ആരോപിച്ചിരുന്നു.
മുല്ലപ്പെരിയാര് അണക്കെട്ട് തകര്ന്നാല് ഇടുക്കി അണക്കെട്ട് താങ്ങും എന്നത് തമിഴ്നാടിന്റെ കാലങ്ങളായുള്ള വാദമാണ് എന്നും ഇതാണ് കഴിഞ്ഞ ദിവസം മന്ത്രിയും പറഞ്ഞത് എന്നും ഡീന് ചൂണ്ടിക്കാട്ടി. കേരളത്തിന്റെ ജലവിഭവവകുപ്പ് മന്ത്രി എന്ന നിലയില് അദ്ദേഹം ഒരിക്കലും ഇങ്ങനെ ഒരു അഭിപ്രായം പറയാന് പാടില്ലായിരുന്നു എന്നും ഡീന് കുര്യാക്കോസ് പറഞ്ഞിരുന്നു. ഇത് സംസ്ഥാന സര്ക്കാരിന്റെ അഭിപ്രായമാണോ എന്ന് വ്യക്തമാക്കണമെന്നും അദ്ദേഹം ആവശ്യപ്പെട്ടു.
മുല്ലപ്പെരിയാറിനെ ജലബോംബ് എന്നാണ് ഡീന് പാര്ലമെന്റില് വിശേഷിപ്പിച്ചത്. വയനാട് ഉരുള്പൊട്ടലിന് പിന്നാലെയാണ് മുല്ലപ്പെരിയാര് വീണ്ടും ചര്ച്ചകളിലേക്ക് വന്നത്. മുല്ലപ്പെരിയാര് വിഷയത്തില് സംയുക്ത സമരസമിതി കഴിഞ്ഞ ആഴ്ച പ്രതിഷേധിച്ചിരുന്നു. മുല്ലപ്പെരിയാര് അണക്കെട്ട് ഉടന് പുതുക്കി നിര്മിക്കണമെന്ന് ആര് ജെ ഡിയും ആവശ്യപ്പെട്ടിട്ടുണ്ട്.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google