മതംമാറ്റ സമ്മേളനം; എഎപി മന്ത്രി രാജിവച്ചു, ബിജെപിയുടെ പ്രതിഷേധത്തിന് പിന്നാലെ...
ന്യൂഡല്ഹി: മതംമാറ്റ സമ്മേളനത്തില് പങ്കെടുത്ത ഡല്ഹിയിലെ എഎപി നേതാവും മന്ത്രിയുമായ രാജേന്ദ്രപാല് ഗൗതം രാജിവച്ചു. മന്ത്രിക്കെതിരെ ബിജെപി വലിയ പ്രതിഷേധം സംഘടിപ്പിച്ചിരുന്നു. പതിനായിരത്തോളം പേര് പങ്കെടുത്ത മതംമാറ്റ സമ്മേളനത്തിനെതിരെ ബിജെപി നേതാക്കള് തുടര്ച്ചയായി രംഗത്തുവന്നത് മുഖ്യമന്ത്രി അരവിന്ദ് കെജ്രിവാളിനെ പ്രതിരോധത്തിലാക്കിയ പിന്നാലെയാണ് രാജി.
ഗുജറാത്ത് നിയമസഭാ തിരഞ്ഞെടുപ്പ് പ്രചാരണം എഎപി ശക്തിപ്പെടുത്തവെ ഡല്ഹിയിലെ മതംമാറ്റ സമ്മേളനം ബിജെപി രാഷ്ട്രീയ ആയുധമാക്കുമെന്ന് റിപ്പോര്ട്ടുകളുണ്ടായിരുന്നു. അതിനിടെയാണ് മന്ത്രി രാജി പ്രഖ്യാപിച്ചിരിക്കുന്നത്. ഇത് മറ്റുപല രീതിയിലും വ്യാഖ്യാനിക്കപ്പെടുമെന്ന് ദേശീയ മാധ്യമങ്ങള് റിപ്പോര്ട്ട് ചെയ്യുന്നു.
രാജേന്ദ്ര പാല് ഗൗതമിന്റെ വീഡിയോ കഴിഞ്ഞ ദിവസം ബിജെപി നേതാക്കള് സോഷ്യല് മീഡിയയില് പങ്കുവച്ചിരുന്നു. ഡല്ഹിയില് നടന്ന മതംമാറ്റ സമ്മേളനത്തില് പങ്കെടുക്കുന്നതും പ്രതിജ്ഞ ചൊല്ലുന്നതുമായിരുന്നു വീഡിയോയില്. ബുദ്ധ മതം സ്വീകരിക്കാന് സന്നദ്ധരായി എത്തിയവര് ചൊല്ലുന്ന പ്രതിജ്ഞ ഹിന്ദു വിരുദ്ധമാണ് എന്നായിരുന്നു ആക്ഷേപം. ഹിന്ദു ദൈവങ്ങളെ ആരാധിക്കില്ലെന്ന് പ്രതിജ്ഞ ചൊല്ലിയവര് പറഞ്ഞിരുന്നു. ഹിന്ദു ബിംബങ്ങളെ ദൈവമായി അംഗീകരിക്കില്ലെന്നും പ്രതിജ്ഞയിലുണ്ട്. ഇതാണ് ബിജെപി നേതാക്കള് ചൂണ്ടിക്കാട്ടിയത്.
രാജേന്ദ്രപാല് ഗൗതമിനെതിരെ പരാതി നല്കുമെന്ന് ബിജെപി എംപി മനോജ് തിവാരി പറഞ്ഞു. അദ്ദേഹത്തെ മന്ത്രിസഭയില് നിന്ന് കെജ്രിവാള് പുറത്താക്കണമെന്നും തിവാരി ആവശ്യപ്പെട്ടു. താന് ബുദ്ധ മതക്കാരനാണെന്നും അതിലെന്താണ് പ്രശ്നമെന്നും രാജേന്ദ്ര പാല് പ്രതികരിച്ചു. ബിജെപി പ്രതിഷേധം ശക്തമാക്കിയ രണ്ടാം ദിവസമാണ് മന്ത്രി രാജിവച്ചിരിക്കുന്നത്.
അതേസമയം, ഗുജറാത്ത് നിയമസഭാ തിരഞ്ഞെടുപ്പില് വിഷയം ബിജെപി പ്രചാരണ ആയുധമാക്കാന് സാധ്യതയുണ്ട് എന്നാണ് എഎപിയുടെ ആശങ്ക. ഗുജറാത്തില് അധികാരത്തിലെത്തിയാല് അയോധ്യയിലേക്ക് സൗജന്യ തീര്ഥാടന യാത്രാ പദ്ധതി ഒരുക്കുമെന്ന് കെജ്രിവാള് പ്രഖ്യാപിച്ചത് ഇതിന് പിന്നാലെയാണ്. ജയ് ശ്രീറാം വിളിച്ചാണ് കെജ്രിവാള് ഗുജറാത്തിലെ പരിപാടിയില് പ്രസംഗിച്ചത്. കെജ്രിവാള് ഹിന്ദു വിരുദ്ധനാണ് എന്ന പ്രചാരണം ഗുജറാത്തില് ഒരുഭാഗത്ത് നടക്കുന്നുണ്ട്.
-
ബി ഗോപാലകൃഷ്ണന് കുരുങ്ങുമോ? വീഡിയോ പരിശോധിച്ച് തിരഞ്ഞെടുപ്പ് കമ്മീഷന്, പുതിയ വിവരം -
ത്രികോണപ്പോര് മുറുകി തലസ്ഥാന ജില്ല, മൂന്ന് ഹോട്ട്സ്പോട്ടുകൾ -
രാജീവ് ഗാന്ധിയുടെ സോറി- ‘ഡീൽ’ ആരോപണം ചൂടുപിടിക്കുമ്പോൾ മൂന്നര പതിറ്റാണ്ടിനിപ്പുറവും ലൈവായി ‘കോലീബി സഖ്യം’ -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ -
സാങ്കേതിക പിഴവ്; ബിജെപി സീലിൽ വിശദീകരണവുമായി തിരഞ്ഞെടുപ്പ് കമ്മീഷൻ -
‘ചാഞ്ചാട്ട’ മണ്ഡലങ്ങൾ പത്ത്- എൽഡിഎഫിന് ഏഴ്, യുഡിഎഫിന് മൂന്ന്, അഞ്ചിടത്ത് രണ്ടാമതെത്തിയത് എൻഡിഎ -
വി.എം. സുധീരനെ അപരൻ ‘തോൽപ്പിച്ചപ്പോൾ...’ -
ശരത് കുമാര് വീണ്ടും വാര്ത്തകളില്; ബിജെപി വിടുമെന്ന് പ്രചാരണം, സുപ്രധാന യോഗം വിളിച്ച് നടന് -
നാളെ ആരെന്നുമെന്തെന്നും ആർക്കറിയാം! മുന്നണിയിൽ ആളെ കൂട്ടാൻ പിന്നണിയിൽ നീക്കങ്ങൾ... -
ഉല്ലാസ് പന്തളത്തിന് 10,000 രൂപ നൽകി സഹായിച്ചു, പക്ഷെ വിളിച്ച് പറയുന്ന ആളല്ല ഞാനെന്ന് അഖിൽ മാരാർ; വൻ ട്രോൾ -
ഇനി ഒരു മാസത്തേക്ക് തിരിഞ്ഞുനോക്കേണ്ട.. വിഷു വരെ ഈ രാശിക്കാര്ക്ക് നല്ലകാലം -
സ്വർണ നിക്ഷേപത്തിൽ ചൈനയ്ക്ക് വൻ ജാക്ക്പോട്ട്; കണ്ടെത്തിയത് 1100 ടണ് സ്വർണം,ഇനി ചൈനയെ പിടിച്ചാൽ കിട്ടില്ല
Click it and Unblock the Notifications
Sign in with Google