Click it and Unblock the Notifications
Just In
Don't Miss
-
IPL 2024: രോഹിത് അടുത്ത പഞ്ചാബ് ക്യാപ്റ്റന്! എല്ലാം പറഞ്ഞു സമ്മതിപ്പിച്ചു? പ്രതികരിച്ച് പ്രീതി -
സംശയാലുവായ ഭാര്യയും ഭര്ത്താവും, ദാമ്പത്യത്തിന്റെ അന്ത്യത്തിന് വഴിയൊരുക്കുന്ന 5 ശീലങ്ങള് -
കൃത്യമായ ധാരണയുണ്ടോ, എന്നാൽ ഈ ഓഹരി വാങ്ങാം, നേട്ടം 26 ശതമാനം വരെ -
നിഗൂഢതകളൊളിപ്പിച്ച മുനിയറ, കേരളത്തിന്റെ കാശ്മീര്.. മലയോര നാടിൻറെ വശ്യത നേരിട്ടറിയാം.. പാക്കേജ് -
'അടിതെറ്റി സിബിനും, മാപ്പ് പറഞ്ഞു; പുറത്തുവരുന്ന അവസാന രണ്ട് പേരില്‍ ജാസ്മിനുമുണ്ടാകും' -
ആവശ്യക്കാർ തേടിപ്പിടിച്ചെത്തുന്ന 2 BSNL പ്ലാനുകൾ; രണ്ടും സ്പെഷലിസ്റ്റുകളാണ്, രണ്ട് കാര്യങ്ങളിൽ! -
മെയ് മാസം നിങ്ങളുടെ പോക്കറ്റിന് ലാഭവുമായി ചേതക്, ഇവി ലാഭകരം തന്നെ കേട്ടോ
നൂറ് രൂപയുണ്ടോ എയര്‍ ഇന്ത്യയില്‍ പറക്കാം!
ദില്ലി: തലക്കെട്ട് വായിച്ച് അത്ഭുതപ്പെടുകയൊന്നും വേണ്ട. സംഗതി സത്യമാണ്. ബുധനാഴ്ച മുതല്‍ അഞ്ച് ദിവസത്തേക്ക് 100 രൂപ നിരക്കില്‍ എയര്‍ ഇന്ത്യ ടിക്കറ്റുകള്‍ വില്‍ക്കും. ആള്‍ക്കാര് കയറാത്തത് കൊണ്ട് നിരക്ക് കുറച്ചതാണ് എന്നൊന്നും ആരും കരുതരുത്. ഇന്ത്യന്‍ എയര്‍ലൈന്‍സ് എയര്‍ ഇന്ത്യയില്‍ ലയിച്ചതിന്റെ വാര്‍ഷികാഘോഷമാണ് 100 രൂപയ്ക്ക് ടിക്കറ്റ് വില്‍ക്കുന്നതിന്റെ കാരണം.
എയര്‍ ഇന്ത്യ സ്പഷ്യല്‍ ഓഫര്‍ എന്ന് പറഞ്ഞാണ് 100 രൂപയ്ക്ക് ടിക്കറ്റ് വില്‍പന. ടാക്‌സ് അടക്കമുള്ള മറ്റ് ചാര്‍ജ്ജുകള്‍ കൂടാതെയാണിത്. എയര്‍ ഇന്ത്യയുടെ വെബ്‌സൈറ്റില്‍ നിന്നുമാത്രമേ നൂറ് രൂപ ടിക്കറ്റുകള്‍ ലഭ്യമാകൂ. 2007 ലാണ് ഇന്ത്യന്‍ എയര്‍ലൈന്‍സ് എയര്‍ ഇന്ത്യയില്‍ ലയിച്ചത്. ആഗസ്ത് 27 മുതല്‍ 31 വരെ അഞ്ച് ദിവസത്തേക്കാണ് ഓഫര്‍.
ആഗസ്ത് 27നും സെപ്തംബര്‍ 31 നും ഇടയില്‍ മാത്രമേ ഓഫര്‍ ടിക്കറ്റ് ഉപയോഗിച്ച് യാത്ര ചെയ്യാന്‍ പറ്റൂ എന്നും എയര്‍ ഇന്ത്യ വക്താക്കള്‍ പ്രസ്താവനയില്‍ പറഞ്ഞു. ഇതാദ്യമായാണ് എയര്‍ ഇന്ത്യ ഇത്തരത്തില്‍ ഒരു ഓഫര്‍ സംഘടിപ്പിക്കുന്നത്. എയര്‍ ഇന്ത്യ ദിനാഘോഷവും ഇതാദ്യമായാണ്. ആഘോഷങ്ങള്‍ക്കായി പ്രത്യേകം ചടങ്ങ് സംഘടിപ്പിക്കുമെന്നും മികച്ച തൊഴിലാളികളെ ആദരിക്കുമെന്നും അധികൃതര്‍ അറിയിച്ചു.
സര്‍ക്കാര്‍ സംരംഭമായ എയര്‍ ഇന്ത്യ രാജ്യത്തെ ഏറ്റവും പ്രശസ്തമായ വിമാന സര്‍വ്വീസുകളിലൊന്നാണ്. ഇന്‍ഡിഗോയും ജെറ്റ് എയര്‍വേസും കഴിഞ്ഞാല്‍ ഇന്ത്യയിലെ മൂന്നാമത്തെ വിമാനക്കമ്പനി കൂടിയാണ് ഇത്. 1930 ല്‍ ടാറ്റ എയര്‍ലൈന്‍സ് എന്ന പേരില്‍ ഈ വിമാനക്കന്പനി രത്തന്‍ ടാറ്റയാണ് തുടങ്ങിയത്.
