വീണ്ടും കൊല: ബിജെപി സംസ്ഥാന വൈസ് പ്രസിഡണ്ടിനെ വെടിവെച്ചുകൊന്നു!
പട്ന: ഭാരതീയ ജനതാ പാര്ട്ടിയുടെ മുതിര്ന്ന നേതാവും പാര്ട്ടി സംസ്ഥാന ഉപാധ്യക്ഷനുമായ വിശ്വേശ്വര് ഓജയെ വെടിവെച്ചു കൊലപ്പെടുത്തി. 53 വയസ്സായിരുന്നു. ഭോജ്പൂര് ജില്ലയിലെ ഒരു വിവാഹച്ചടങ്ങില് പങ്കെടുത്ത് തിരിച്ചുവരവെ ഓജയെ അജ്ഞാതര് വെടിവെക്കുകയായിരുന്നു. തലസ്ഥാന നഗരമായ പട്നയില് നിന്നും 60 കിലോമീറ്റര് അകലെ ഒരു പരശുരയ്ക്കടുത്ത് വിജനമായ സ്ഥലത്ത് വെച്ചായിരുന്നു ആക്രമണം ഉണ്ടായത്.
ഉടന് തന്നെ വിശ്വേശ്വര് ഓജയെ ഷാഹ്പൂര് റഫറല് ആശുപത്രിയില് എത്തിച്ചെങ്കിലും ചികിത്സയ്ക്കിടെ മരണത്തിന് കീഴടങ്ങി. ഓജയുടെ ഡ്രൈവര്, ഇവര്ക്കൊപ്പമുണ്ടായിരുന്ന മറ്റൊരാള് എന്നിവര്ക്കും ഗുരുതരമായി പരിക്കേറ്റിട്ടുണ്ട്. സദര് ആശുപത്രിയില് ചികില്സയിലാണ് ഇവര്. ഇക്കഴിഞ്ഞ നിയമസഭ തിരഞ്ഞെടുപ്പില് ഷാഹ്പൂര് മണ്ഡലത്തിലെ ബി ജെ പി സ്ഥാനാര്ഥിയായിരുന്നു ഓജ. പക്ഷേ വിജയിച്ചില്ല.
കഴിഞ്ഞ 12 മണിക്കൂറിനിടെ ബിഹാറില് കൊല്ലപ്പെടുന്ന രണ്ടാമത്തെ ബി ജെ പി നേതാവാണ് വിശ്വേശ്വര് ഓജ. ചപ്ര ജില്ലയില് പാര്ട്ടിയുടെ പ്രമുഖ നേതാവായ കേജാര് സിംഗ് കഴിഞ്ഞ ദിവസം രാവിലെ കൊല്ലപ്പെട്ടിരുന്നു. കേദാര് സിംഗിനെയും അജ്ഞാതര് വെടിവെച്ച് കൊലപ്പെടുത്തുകയായിരുന്നു. മാര്ക്കറ്റില് വെച്ച് ഒരു ബന്ധുവിനെ കണ്ട ശേഷം തന്റെ എസ് യു വി കാറില് കയറുകയായിരുന്നു ഓജ. ഈ സമയത്താണ് മുഖംമൂടി ധരിച്ച അജ്ഞാതര് തുരുതുരാ വെടിയുതിര്ത്തത് എന്ന് ദൃക്സാക്ഷികള് പറഞ്ഞു.
തുടരെത്തുടരെ രണ്ട് പ്രമുഖ നേതാക്കള് കൊല്ലപ്പെട്ടത് ബി ജെ പിയെ ഞെട്ടിച്ചിരിക്കുകയാണ്. ഫെബ്രുവരി 5 ന് എല് ജെ പി നേതാവ് ബ്രിജ്നാതി സിംഗും വെടിയേറ്റ് കൊല്ലപ്പെട്ടിരുന്നു. ജംഗിള് രാജ് തുടരുന്ന ബിഹാറില് മുഖ്യമന്ത്രി നിതീഷ് കുമാറിന് ഭരണം തുടരാനുള്ള ധാര്മിക അവകാശം നഷ്ടപ്പെട്ടിരിക്കുകയാണ് എന്ന് പ്രതിപക്ഷ നേതാവ് സുശീല് കുമാര് മോദി പറഞ്ഞു. ഓജയുടെ മരണത്തില് പ്രമുഖ നേതാക്കള് അനുശോചിച്ചു.
-
ബിഡിജെഎസ് ആദ്യഘട്ട സ്ഥാനാർത്ഥി പട്ടിക പുറത്ത്; തുഷാർ വെള്ളാപ്പള്ളി മത്സരത്തിനില്ല? -
'കൊട്ടാരക്കര നാട്ടിൽ നിന്ന് അഖിൽ കോട്ടാത്തല രക്ഷപെട്ടില്ല; തൃക്കാക്കര ചേർത്ത് പിടിച്ചു', സ്ഥാനാർത്ഥിയായി അഖിൽ -
രാജ്യസഭാ തിരഞ്ഞെടുപ്പിൽ വമ്പൻ ജയവുമായി എൻഡിഎ; വോട്ട് മറിച്ച് പ്രതിപക്ഷം -
കണ്ണൂരിൽ പൊട്ടിത്തെറി: മുതിർന്ന സിപിഎം നേതാവ് ടികെ ഗോവിന്ദൻ പാർട്ടി വിട്ടു -
എല്ലാ മുന്നണികളിലും കലാപക്കൊടി; വിട്ടുവീഴ്ചയില്ലാതെ അസംതൃപ്തർ -
നടന് വിജയിയെ വിടാതെ ബിജെപി; കുടുങ്ങിയത് എഐഎഡിഎംകെ, സെങ്കോട്ടയ്യന് ഡിഎംകെ പിടിക്കുമോ -
ഘടക കക്ഷികൾക്കായി പാർട്ടി നേതാക്കളെ ബലിയാടുകളാക്കുന്നു; ബിജെപിയിൽ അമർഷം -
ബംഗാളിൽ 'സുവേന്ദു vs മമത'; ബിജെപിയുടെ ആദ്യ പട്ടികയിൽ തീപാറും പോരാട്ടം! -
വിജയ്-തൃഷ ബന്ധത്തിന് പിന്നാലെ മകൻ സഞ്ജയുടെ നിർണായക തീരുമാനം, അത് പൊളിച്ചടുക്കി സംഗീതയും';ആലപ്പി അഷ്റഫ് -
പ്രതീക്ഷിക്കാത്ത സമയത്ത് ധനം കൈവശം വന്നുചേരും, സ്ഥലം വാങ്ങും, കൃഷിയിൽ നിന്ന് വരുമാനം, നാൾഫലം -
സ്വര്ണവില വീണ്ടും താഴ്ന്നു; സ്വര്ണത്തിന് എന്തുപറ്റി? വില കുറഞ്ഞ് 75000 എത്തുമോ, പവന് വില -
ദുബായില് നിന്ന് സ്വര്ണം വാങ്ങാതെ ഇന്ത്യക്കാര്... യുഎഇക്കാര് വാങ്ങല് നിര്ത്തുന്നുമില്ല; കാരണമിത്
Click it and Unblock the Notifications
Sign in with Google