2015ല് ബിഹാര് ഫലം ഇങ്ങനെയായിരുന്നു... നിതീഷ് പിന്നീട് കാലുമാറിയതോടെ ബിജെപിക്ക് വഴി തെളിഞ്ഞു
പട്ന: ബിഹാര് നിയമസഭാ തിരഞ്ഞെടുപ്പ് ഫലം ഇന്ന് പ്രഖ്യാപിക്കവെ, അഞ്ച് വര്ഷം മുമ്പ് ഇതേ സാഹചര്യത്തില് ബിഹാറില് നിയമസഭാ തിരഞ്ഞെടുപ്പ് ഫലം എന്തായിരുന്നു എന്നറിയാന് ആര്ക്കും താല്പ്പര്യമുണ്ടാകും. 2015ല് നടന്ന തിരഞ്ഞെടുപ്പില് ഇന്നത്തെ രാഷ്ട്രീയ സഖ്യമായിരുന്നില്ല ബിഹാറില്. മഹാസഖ്യത്തിന്റെ ഭാഗമായിരുന്ന നിതീഷ് കുമാറിന്റെ ജെഡിയു പിന്നീട് കളം മാറി ബിജെപിക്കൊപ്പം ചേരുകയായിരുന്നു. അന്ന് ജയിച്ചത് മഹാസഖ്യം ആയിരുന്നു എങ്കിലും നിതീഷിന്റെ കളംമാറ്റത്തോടെ ഭരണത്തില് ബിജെപിക്ക് പങ്കാളിത്തം വന്നു.
തുടര്ച്ചയായി മുഖ്യമന്ത്രി പദം കൈയ്യാളാനുള്ള നിതീഷിന്റെ തന്ത്രമായിരുന്നു മുന്നണി മാറ്റം എന്ന് ആര്ജെഡിയും കോണ്ഗ്രസും ആരോപിച്ചിരുന്നു. എന്നാല് ഇത്തവണ ഭരണവിരുദ്ധ വികാരം ശക്തമാണ് എന്നാണ് പ്രചാരണം. ഇക്കാര്യം മനസിലാക്കിയതു കൊണ്ടുതന്നെ ബിജെപി സ്ഥാനാര്ഥികള് മല്സരിക്കുന്ന മണ്ഡലങ്ങളില് നിതീഷ് കുമാറിന്റെ ബോര്ഡുകള് കാര്യമായി പ്രചാരണത്തിന് ഉപയോഗിച്ചിട്ടില്ല. പകരം നരേന്ദ്ര മോദിയുടെ ബോര്ഡുകളാണ് ഇവിടെ സ്ഥാപിച്ചത്. നിതീഷുമായി ഉടക്കിയാണ് പാസ്വാന്റെ എല്ജെപി എന്ഡിഎ വിട്ട് തനിച്ച് മല്സരിച്ചത്. എല്ജെപി കിങ് മേക്കറാകുമോ എന്ന ചോദ്യവും ഉയരുന്നുണ്ട്. ജെഡിയുവിനെതിരെ എല്ലാ സീറ്റിലും എല്ജെപി മല്സരിച്ചിട്ടുണ്ട്.
അതേസമയം, ഫലം വന്ന് കഴിഞ്ഞാല് നിതീഷ് കുമാര് തിരിച്ച് മഹാസഖ്യത്തിലേക്ക് പോകുമെന്ന് എല്ജെപി നേതാവ് ചിരാഗ് പാസ്വാന് പറയുന്നു. സിഎഎ പ്രചാരണ വിഷയമാക്കിയ ബിജെപിയെ നിതീഷ് കുമാര് വിമര്ശിച്ചതും തന്നെ അവസാന തിരഞ്ഞെടുപ്പാണിതെന്ന് പ്രഖ്യാപിച്ചതും പ്രചാരണ ഘട്ടത്തില് വേറിട്ട വാര്ത്തയായിരുന്നു.
2015ല് സംഭവിച്ച കാര്യങ്ങള് ഇങ്ങനെയാണ്.... ആര്ജെഡി, ജെഡിയു, കോണ്ഗ്രസ് പാര്ട്ടികള് ചേര്ന്നതായിരുന്നു അന്നത്തെ മഹാസഖ്യം. 243 സീറ്റില് 178 സീറ്റിലും ഈ സഖ്യം ജയിച്ചു. ബിജെപി നേതൃത്വം നല്കുന്ന എന്ഡിഎക്ക് 58 സീറ്റുകളാണ് ലഭിച്ചത്. എന്നാല് നിതീഷ് കുമാര് കാല് മാറിയതോടെ ബിജെപിക്ക് ഭരണത്തിലേക്കുള്ള വഴി തെളിഞ്ഞു. നിതീഷ് മുഖ്യമന്ത്രയായി. ബിജെപി നേതാവ് സുശീല് കുമാര് മോദി ഉപമുഖ്യമന്ത്രിയും. ഈ സഖ്യസര്ക്കാരാണ് പിന്നീട് ബിഹാര് ഭരിച്ചത്. എന്നാല് ഇത്തവണ രാഷ്ട്രീയ സഖ്യ സമവാക്യം മാറി. ആര്ജെഡി, കോണ്ഗ്രസ്, ഇടതുപാര്ട്ടികള് ഉള്പ്പെടുന്നതാണ് മഹാസഖ്യം. ജെഡിയു, ബിജെപി, വിഐപി, എച്ച്എഎം ഉള്പ്പെടുന്നതാണ് എന്ഡിഎ.
-
അവസാന ശ്രമമായി പിണറായിയുടെ വിളി, സുധാകരനെ അനുനയിപ്പിക്കാൻ സിപിഎം നേതാക്കൾ വീണ്ടും വീട്ടിലെത്തി -
മോണാലിസയ്ക്ക് പ്രായം പതിനേഴോ പതിനെട്ടോ? സോഷ്യല് മീഡിയയില് ചര്ച്ച: മറുപടിയുമായി ദമ്പതികള് -
'രസികനി'ലെ ആ വികൃതിപ്പയ്യൻ; നടൻ ഹരിമുരളിയെ മരിച്ച നിലയിൽ കണ്ടെത്തി -
വെള്ളാപ്പള്ളി തെറിച്ചു..! എസ്എന്ഡിപി ജനറല് സെക്രട്ടറി സ്ഥാനത്തുനിന്ന് മാറ്റി ഹൈക്കോടതി -
സ്വർണ വില ഉച്ചയ്ക്കും ഇടിഞ്ഞു; മഞ്ഞലോഹത്തിൻ്റെ കുതിപ്പ് തീർന്നോ? ഇനി വിലക്കുറവിൻ്റെ നാളുകളോ? -
"രാജ്യം സുരക്ഷിതമായ കൈകളിൽ"; പ്രധാനമന്ത്രിയെ പുകഴ്ത്തി മോഹൻലാൽ -
പാചകവാതക ക്ഷാമത്തില് നില്ക്കില്ല.. ഇനി പെട്രോളും ഡീസലും കിട്ടില്ല! കാരണം മോദിയുടെ നയമെന്ന് ഐസക് -
അമ്പലപ്പുഴയിൽ വിഎസിന്റെ മകൻ വിഎ അരുൺ കുമാറിനെ ഇറക്കാൻ സിപിഎം; ലക്ഷ്യം ജി സുധാകരനോ? -
ദേശീയപാത 66; ചർക്കള-നീലേശ്വരം, നീലേശ്വരം-തളിപ്പറമ്പ് റീച്ചുകളുടെ പ്രവർത്തനം അന്തിമഘട്ടത്തിലേക്ക് -
ജി സുധാകരൻ സിപിഎം വിട്ടു, സ്വതന്ത്രനായി മത്സരിക്കും; 'കോൺഗ്രസിന്റെയോ ബിജെപിയുടെയോ പിന്തുണ തേടില്ല' -
പെരുമ്പാവൂർ ‘സസ്പെൻസിൽ’; പാലക്കാട് രാഹുലിന് പകരം ആര് വരും? തീരുമാനമാകാതെ നേമം മണ്ഡലവും -
കേരളം കത്തുന്നു! താപനില കുതിച്ചുയരുന്നു; പുറത്തിറങ്ങുന്നവർ സൂക്ഷിക്കുക
Click it and Unblock the Notifications
Sign in with Google