• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

ബോളിവുഡ് താരം സല്‍മാന്‍ ഖാന് പാമ്പ് കടിയേറ്റു; ആശുപത്രിയില്‍ ചികിത്സ തേടി

Google Oneindia Malayalam News

മുംബൈ: ബോളിവുഡ് സൂപ്പര്‍താരം സല്‍മാന്‍ ഖാന് പാമ്പ് കടിയേറ്റു. പനവേലിലുള്ള ഫാം ഹൗസില്‍ നിന്ന് ശനിയാഴ്ച പുലര്‍ച്ചെ മൂന്ന് മണിയോടെയാണ് സംഭവം. കഴിഞ്ഞ ദിവസം രാത്രി നടനെ ഉടന്‍ തന്നെ നവി മുംബൈയിലെ കാമോത്തെ ആശുപത്രിയില്‍ പ്രവേശിപ്പിച്ചു.

1

എന്നാല്‍, ചികിത്സയ്ക്ക് ശേഷം ഇന്ന് രാവിലെ ഒമ്പത് മണിയോടെ ഡിസ്ചാര്‍ജ് ചെയ്ത് ഫാംഹൗസിലേക്ക് മടങ്ങിയെന്നാണ് ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നത്. കടിച്ച പാമ്പ് വിഷപ്പാമ്പ് അല്ലാത്തതിനാല്‍സ താരം ചികിത്സയ്ക്ക് ശേഷം ആശുപത്രിയിലേക്ക് മടങ്ങിയെന്നാണ് റിപ്പോര്‍ട്ട്. നാളെ താരത്തിന്റെ ജന്മദിനമാണ്.

2

ഈ സാഹചര്യത്തില്‍ ആഘോഷങ്ങള്‍ ഉണ്ടാകുമോ എന്ന കാര്യത്തില്‍ വ്യക്തതയില്ല. മിക്ക വര്‍ഷത്തെ ജന്മദിനങ്ങളിലും താരം കുടുംബത്തിനും അടുത്ത സുഹൃത്തുക്കളോടൊപ്പവും ഫാം ഹൗസിലാണ് ആഘോഷങ്ങള്‍ നടത്താറുള്ളത്. കഴിഞ്ഞ ലോക്ക് ഡൗണ്‍ കാലത്ത് പ്രിയപ്പെട്ടവരുമായി താരം കഴിഞ്ഞത് ഈ ഫാം ഹൗസിലാണ്.

3


താന്‍ അവതാരകനായെത്തുന്ന ബിഗ് ബോസ് സീസണ്‍ 15 വേദിയില്‍ കഴിഞ്ഞ ദിവസം അദ്ദേഹം പിറന്നാള്‍ ആഘോഷിച്ചിരുന്നു. രാജമൗലിയുടെ 'ആര്‍ആര്‍ആറി'ലെ താരങ്ങളായ അലിയ ഭട്ട്, രാം ചരണ്‍, ജൂനിയര്‍ എന്‍ടിആര്‍ എന്നിവരും വേദിയില്‍ അതിഥികളായി എത്തിയിരുന്നു.

4

അതേസമയം 'അന്തിം: ദ് ഫൈനല്‍ ട്രൂത്ത്' എന്ന ചിത്രത്തിലാണ് സല്‍മാന്‍ അവസാനമായി പ്രത്യക്ഷപ്പെട്ടത്. സല്‍മാന്റെ സഹോദരീ ഭര്‍ത്താവ് ആയുഷ് ശര്‍മ്മയും ഈ ചിത്രത്തില്‍ പ്രധാന കഥാപാത്രത്തെ അവതരിപ്പിച്ചിരുന്നു. ടൈഗര്‍ 3 ആണ് സല്‍മാന്റെ അടുത്ത ചിത്രം.

5

ദിവസങ്ങള്‍ക്ക് മുമ്പാണ് താരം സൗദി അറേബ്യയിലെ റിയാദില്‍ നിന്ന് മടങ്ങിയെത്തിയത്. അവിടെ ശില്‍പ ഷെട്ടി, സല്‍മാന്റെ ഭാര്യാ സഹോദരന്‍ ആയുഷ് ശര്‍മ്മ, സുനില്‍ ഗ്രോവര്‍, ഗായിക കമാല്‍ ഖാന്‍, നടി സായി മഞ്ജരേക്കര്‍ എന്നിവരടങ്ങിയ ഡാ-ബാംഗ് റീലോഡഡ് കച്ചേരി നയിച്ചിരുന്നു.

6

ബോളിവുഡിലെ ഏറ്റവും കൂടുതല്‍ പ്രതിഫലം വാങ്ങുന്ന താരങ്ങളിലൊരാളാണ് സല്‍മാന്‍ ഖാന്‍. ദബാംഗ്, ഏക് താ ടൈഗര്‍, അതിന്റെ തുടര്‍ച്ചയായ ടൈഗര്‍ സിന്ദാ ഹേ, വാണ്ടഡ്, ബോഡിഗാര്‍ഡ് തുടങ്ങിയ ബ്ലോക്ക്ബസ്റ്ററുകള്‍ താരത്തിന്റേതാണ്.

7


2021ല്‍ സല്‍മാന് രണ്ട് സിനിമകളാണ് റിലീസ് ചെയ്തത്. - രാധേ, ആന്റിം, ആന്റീമില്‍ സല്‍മാന്റെ സഹോദരി അര്‍പ്പിതയെ വിവാഹം കഴിച്ച ആയുഷ് ശര്‍മ്മയാണ് സഹതാരമായി അഭിനയിച്ചത്. സല്‍മാന്‍ ഖാന്‍ നിലവില്‍ ടൈഗര്‍ സീരീസിലെ മൂന്നാമത്തെ ചിത്രത്തിന്റെ പണിപ്പുരയിലാണ്, കൂടാതെ 2014-ല്‍ പുറത്തിറങ്ങിയ മികച്ച സ്വീകാര്യത നേടിയ ചിത്രമായ ബജ്രംഗി ഭായ്ജാന്‍ന്റെ രണ്ടാം ഭാഗമുണ്ടാകുമെന്ന് അടുത്തിടെ പ്രഖ്യാപിച്ചിരുന്നു.

English summary
Bollywood superstar Salman Khan has been bitten by a snake, Admitted to Hospital at 3 AM
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X