Click it and Unblock the Notifications
Just In
Don't Miss
-
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല്‍ 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
അച്ഛന്റെ കൂടെ സംസാരിക്കാനോ പുറത്ത് പോകാനോ അനുവാദമില്ലായിരുന്നു; ബ്രേക്കപ്പിന്റെ സമയത്ത് മരണം; സൗഭാഗ്യ -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
മൂന്നിടത്ത് ബിജെപി, ഒരിടത്ത് ലീഡ്; കോണ്‍ഗ്രസിന് സിറ്റിംഗ് സീറ്റ് നഷ്ടം, പ്രാദേശിക പാര്‍ട്ടികള്‍ക്ക് മുന്നേറ്റം
ന്യൂദല്‍ഹി: വിവിധ സംസ്ഥാനങ്ങളിലെ ഉപതെരഞ്ഞെടുപ്പില്‍ ബി ജെ പിക്ക് മുന്നേറ്റം. ഉപതെരഞ്ഞെടുപ്പ് നടന്ന ഏഴ് സീറ്റുകളില്‍ മൂന്നെണ്ണത്തില്‍ ബി ജെ പി സ്ഥാനാര്‍ത്ഥികള്‍ വിജയിച്ചു. ഒരു സീറ്റില്‍ നേരിയ ഭൂരിപക്ഷത്തില്‍ ബി ജെ പിക്ക് ലീഡും ഉണ്ട്. ടി ആര്‍ എസ്, ആര്‍ ജെ ഡി, ശിവസേന ഉദ്ധവ് താക്കറെ വിഭാഗം എന്നിവക്കാണ് മറ്റിടങ്ങളില്‍ ലീഡ്.
ഉത്തര്‍പ്രദേശിലെ ഗോല ഗോക്രനാഥ്, ഹരിയാനയിലെ ആദംപൂര്‍, ബിഹാറിലെ ഗോപാല്‍ഗഞ്ച് എന്നിവിടങ്ങളില്‍ ആണ് ബി ജെ പി വിജയിച്ചത്. ഒഡീഷയിലെ ധാംനഗറില്‍ ആണ് ബി ജെ പി ലീഡ് ചെയ്യുന്നത്. ബിഹാറിലെ മൊകാമയില്‍ തേജസ്വി യാദവിന്റെ ആര്‍ ജെ ഡി ആണ് വിജയിച്ചത്. മുനുഗോഡില്‍ കെ ചന്ദ്രശേഖറിന്റെ റാവുവിന്റെ ടി ആര്‍ എസ് ലീഡ് ചെയ്യുന്നു.
മുംബൈയിലെ അന്ധേരി ഈസ്റ്റില്‍ ആണ് ഉദ്ധവ് താക്കറെയുടെ നേതൃത്വത്തിലുള്ള ശിവസേന വിഭാഗം വിജയിച്ചു. ഉപതെരഞ്ഞെടുപ്പ് നടന്ന ഏഴ് സീറ്റുകളില്‍ മൂന്നെണ്ണം ബി ജെപിയുടെ സിറ്റിംഗ് സീറ്റ് ആണ്. കോണ്‍ഗ്രസിന്റെ രണ്ട് സിറ്റിംഗ് സീറ്റിലും ശിവസേന, ആര്‍ ജെ ഡി എന്നിവരുടെ ഓരോ സിറ്റിംഗ് സീറ്റിലും ആണ് ഉപതിരഞ്ഞെടുപ്പ് നടന്നത്.
രണ്ട് സീറ്റുകള്‍ ബിഹാറിലും ഒന്ന് വീതം ഉത്തര്‍പ്രദേശ്, ഹരിയാന, മഹാരാഷ്ട്ര, തെലങ്കാന, ഒഡീഷ എന്നിവിടങ്ങളിലുമായിരുന്നു. ആദംപൂര്‍ ഉപതെരഞ്ഞെടുപ്പില്‍ ബി ജെ പി സ്ഥാനാര്‍ത്ഥി ഭവ്യ ബിഷ്‌ണോയി 16,000 വോട്ടുകളുടെ ഭൂരിപക്ഷത്തില്‍ ആണ് കോണ്‍ഗ്രസിന്റെ ജയ് പ്രകാശിനെ പരാജയപ്പെടുത്തിയത്. ബിഹറിലെ ഗോപാല്‍ഗഞ്ചില്‍ 1800 വോട്ടുകള്‍ക്കാണ് ബി ജെ പിയുടെ ജയം.
ഗോപാല്‍ഗഞ്ചില്‍, രണ്ട് പതിറ്റാണ്ടായി ബി ജെ പിയാണ് ജയിച്ച് വരുന്നത്. എന്നാല്‍ ഇത്തവണ ശക്കതമായ മത്സരം കാഴ്ച വെക്കാന്‍ ആര്‍ ജെ ഡിക്കായി. സുഭാഷ് സിംഗിന്റെ മരണത്തെ തുടര്‍ന്ന് തിരഞ്ഞെടുപ്പ് അനിവാര്യമായ മണ്ഡലത്തില്‍ അദ്ദേഹത്തിന്റെ കുസും ദേവി ബി ജെ പിയുടെ സ്ഥാനാര്‍ത്ഥിയായപ്പോള്‍ മോഹന്‍ പ്രസാദ് ഗുപ്തയെ ആണ് ആര്‍ ജെ ഡി മത്സരിപ്പിച്ചത്.
അന്ധേരിയില്‍ ശിവസേന നേടിയത് വന്‍ വിജയമാണ്. ആകെ പോള്‍ ചെയ്തതില്‍ 76.78 ശതമാനം വോട്ടും ശിവസേന ഉദ്ധവ് വിഭാഗത്തിലെ റുതുജ ലത്‌കെ സ്വന്തമാക്കി. 14.89 ശതമാനം വോട്ട് നോട്ടക്ക് ലഭിച്ചത് ശ്രദ്ധേയമായി. തെലങ്കാനയിലെ മുനുഗോഡില്‍ ശക്തമായ മത്സരമാണ് നടക്കുന്നത്. അവസാന റൗണ്ടിലേക്ക് കടക്കവെ ടി ആര്‍ എസിന്‍െ ലീഡ് കുറയുന്നുണ്ട്.
