ബീഹാറില്‍ യുവതിയുടെ ആസിഡ് ആക്രമണം, കുട്ടിയടക്കം 5പേര്‍ക്ക് പരിക്ക്

പട്‌ന: സാധാരണ ആസിഡ് ആക്രമണങ്ങള്‍ നടത്തുന്നത് പുരുഷന്‍മാരാണ്. എന്നാല്‍ അത്തരം കുറ്റകൃത്യങ്ങളില്‍ അടുത്തിടയായി സ്ത്രീകളും ഏര്‍പ്പെടുന്നുവെന്നാണ് ചില റിപ്പോര്‍ട്ടുകളില്‍ നിന്ന് മനസിലാകുന്നത്.ബീഹാറില്‍ യുവതി നടത്തിയ ആസിഡ് ആക്രമണത്തില്‍ കുട്ടി അടക്കം അഞ്ച് പേര്‍ക്ക് പരിക്ക്. അയല്‍ക്കാര്‍ക്ക് നേരെയാണ് യുവതി ആക്രമണം നടത്തിയത്.

വഴക്കിനെതുടര്‍ന്നായിരുന്നു പ്രഭ ഷാ എന്ന യുവതി അയല്‍ക്കാര്‍ക്ക് നേരെ ആസിഡ് ആക്രമണം നടത്തിയത്. അപ്രതീക്ഷിതമായി നടന്ന ആക്രമണത്തില്‍ എട്ടു വയസുകാരനായ ആണ്‍കുട്ടിയ്ക്കും പരിക്കേറ്റു. ജനാര്‍ദ്ദന്‍ പാസ്വാന്‍ എന്നയാളുടെ കുടുംബത്തിന് നേരെയായിരുന്നു ആക്രമണം.ബീഹാറിലെ മധേപുരയിലാണ് സംഭവം.

ആക്രമണത്തില്‍ ജനാര്‍ദ്ദന്‍ പാസ്വാനും അദ്ദേഹത്തിന്റെ മൂന്ന് കുടുംബാംഗങ്ങള്‍ക്കും പരിക്കേറ്റു. ഇവരുടെ വീട്ടില്‍ ഉണ്ടയിരുന്ന അയല്‍വാസിയായ എട്ടുവയസുകാരനും പരിക്കേറ്റു. കുടുംബത്തിന് നേരെ ആസിഡ് വലിച്ചെറിയുകയായിരുന്നു യുവതി. പരിക്കേറ്റവരെ സദര്‍ ആശുപത്രിയില്‍ പ്രവേശിപ്പിച്ചു. കഴിഞ്ഞ കുറച്ച് നാളായി പ്രഭയും ജനാര്‍ദ്ദനന്റെ കുടുംബവും തമ്മില്‍ വഴക്കിലായിരുന്നു. തുടര്‍ന്നാണ് യുവതി അയല്‍ക്കാരന് നേരെ ആസിഡ് ആക്രമണം നടത്തിയത്.

ദില്ലി ഉള്‍പ്പടെ പല പ്രമുഖ നഗരങ്ങളിലും സ്ത്രീകള്‍ക്ക് നേരെ ആസിഡ് ആക്രമണം നടക്കുന്നത് പതിവാണ്. എന്നാല്‍ ഇത്തരം കുറ്റകൃത്യങ്ങള്‍ ചെയ്യുന്നവര്‍ക്ക് പലപ്പോഴും അര്‍ഹിയ്ക്കുന്ന ശിക്ഷ ലഭിയ്ക്കാറില്ല.

English summary

Five persons, including a minor, on Sunday sustained burn injuries when a woman threw acid on them in Madhepura police station area in the district