മുംബൈ സ്ഫോടനക്കേസ് പ്രതി അബൂബക്കറിനെ യുഎഇയിലെത്തി പിടികൂടി ഇന്ത്യ
ദുബായ്: മുംബൈ സ്ഫോടന പരമ്പര കേസില് ഉള്പ്പെട്ട അബൂബക്കര് യുഎഇയില് പിടിയിലായതായി റിപ്പോര്ട്ട്. ഇന്ത്യന് അന്വേഷണ ഏജന്സികള് വിദേശത്ത് നടത്തിയ ഓപ്പറേഷന്റെ ഭാഗമായാണ് ഇയാള് പിടിയിലായതെന്ന് വൃത്തങ്ങളെ ഉദ്ധരിച്ച് ഇന്ത്യ ടുഡേ റിപ്പോര്ട്ട് ചെയ്യുന്നു. പാക് അധീന കശ്മീരില് ആയുധ, സ്ഫോടകവസ്തു പരിശീലനം, സ്ഫോടന പരമ്പരയ്ക്ക് ഉപയോഗിച്ച ആര്ഡിഎക്സ് ഇറക്കല്, ദുബായിലെ ദാവൂദ് ഇബ്രാഹിമിന്റെ വസതിയില് ഗൂഢാലോചന, ആസൂത്രണം എന്നിവയില് ഏര്പ്പെട്ടിരുന്ന അബൂബക്കര് ഇന്ത്യ തിരയുന്ന ഏറ്റവും പ്രധാനപ്പെട്ട കുറ്റവാളികളില് ഒരാളാണ്.
1993 ല് നടന്ന സ്ഫോടന പരമ്പരയില് 257 പേര് കൊല്ലപ്പെടുകയും 713 പേര്ക്ക് പരിക്കേല്ക്കുകയും ചെയ്തിരുന്നു. മുംബൈയിലെ വിവിധ സ്ഥലങ്ങളിലായി 12 സ്ഫോടനങ്ങളാണ് നടന്നിരുന്നത്. സ്ഫോടനത്തിന്റെ മുഖ്യ സൂത്രധാരന്മാരില് ഒരാളായ അബൂബക്കര് യു എ ഇയിലും പാകിസ്ഥാനിലുമാണ് താമസിച്ചിരുന്നത്. യു എ ഇയിലെ ഇന്ത്യന് ഏജന്സികളുടെ വിവരങ്ങളുടെ അടിസ്ഥാനത്തില് അടുത്തിടെ ഇയാളെ പിടികൂടിയിരുന്നു. എന്നാലും, ചില ഡോക്യുമെന്റേഷന് പ്രശ്നങ്ങള് കാരണം യു എ ഇ അധികൃതരുടെ കസ്റ്റഡിയില് നിന്ന് സ്വയം മോചിപ്പിക്കാന് അദ്ദേഹത്തിന് സാധിച്ചു.
ഇന്ത്യന് ഏജന്സികള് ബക്കറിനെ കൈമാറാനുള്ള നീക്കത്തിലാണെന്ന് ഉന്നത വൃത്തങ്ങള് സ്ഥിരീകരിച്ചു. ഇന്ത്യയുടെ മോസ്റ്റ് വാണ്ടഡ് ലിസ്റ്റില് ഉള്പ്പെടുത്തി ഏകദേശം 29 വര്ഷത്തിന് ശേഷമാണ് ബക്കറിനെ യു എ ഇയില് നിന്ന് പിടികൂടുന്നത്. തിരികെ കൊണ്ടുവന്നാല് അബൂബക്കര് ഇന്ത്യയില് നിയമ നടപടികള് നേരിടേണ്ടിവരും. ദാവൂദ് ഇബ്രാഹിമിന്റെ പ്രധാന ലഫ്റ്റനന്റുമാരായ മുഹമ്മദ്, മുസ്തഫ ദോസ എന്നിവരോടൊപ്പം കള്ളക്കടത്ത് നടത്തിയിരുന്നയാളാണ് ബക്കര്. അബൂബക്കര് അബ്ദുള് ഗഫൂര് ഷെയ്ഖ് എന്നാണ് മുഴുവന് പേര്. ഗള്ഫ് രാജ്യങ്ങളില് നിന്ന് മുംബൈയിലേക്കും സമീപത്തെ ലാന്ഡിംഗ് പോയിന്റുകളിലേക്കും സ്വര്ണവും വസ്ത്രങ്ങളും ഇലക്ട്രോണിക് ഉപകരണങ്ങളും ഇയാള് കടത്തിയിരുന്നു.
1997ല് ഇയാള്ക്കെതിരെ റെഡ് കോര്ണര് നോട്ടീസ് പുറപ്പെടുവിച്ചിരുന്നു. അബൂബക്കറിന് ദുബായില് നിരവധി ബിസിനസ് താല്പ്പര്യങ്ങളുണ്ട്. മുംബൈ ആസ്ഥാനമാക്കി പ്രവര്ത്തിച്ചിരുന്ന അന്താരാഷ്ട്ര ക്രൈം സിന്ഡിക്കേറ്റായ ഡി-കമ്പനിയുടെ തലവന് ദാവൂദ് ഇബ്രാഹിം ആണ് മുംബൈ സ്ഫോടനങ്ങളുടെ സൂത്രധാരന് എന്നാണ് ഇന്ത്യ പറയുന്നത്. ടൈഗര് മേമന്, യാക്കൂബ് മേമന് എന്നിവരും ദാവൂദിനൊപ്പമുണ്ടായിരുന്നു. മുംബൈ സ്ഫോടന പരമ്പരയുടെ പ്രധാന കാരണമായി അന്വേഷണ ഏജന്സികള് വിലയിരുത്തുന്നത് 1992-ലെ ബാബ്റി മസ്ജിദ് തകര്ത്തതാണ്.
ജനങ്ങള്ക്കിടയില് ഭീകരത സൃഷ്ടിക്കാനും സമൂഹത്തില് വിഭജനമുണ്ടാക്കാനുമാണ് സ്ഫോടനപരമ്പര ആസൂത്രണം ചെയ്തതെന്ന് സി ബി ഐ കണ്ടെത്തിയിരുന്നു. മുംബൈ സ്ഫോടനക്കേസില് സഞ്ദയ് ദത്തടക്കമുള്ളവര് അറസ്റ്റിലായിരുന്നു. കേസില് അറസ്റ്റിലായ യാക്കൂബ് മേമനെ 2015 ജൂലൈയില് തൂക്കിലേറ്റിയിരുന്നു.
-
മൊണാലിസയ്ക്കായി 42 ലക്ഷം ചെലവാക്കി, 10 കോടി വായ്പയെടുത്തു; സംവിധായകന് സനോജ് മിശ്ര -
'നടിയായാല് പ്രശസ്തിയുമുണ്ടാകുമെന്ന് കരുതി..'; മൊണാലിസയെ നാട്ടിലെത്തിക്കണമെന്ന് മുഖ്യമന്ത്രിയോട് പിതാവ് -
രാജ്യത്തിനോ ഭരണാധികാരികൾക്കോ എതിരല്ല എൻ്റെ പോസ്റ്റ്';വിമർശനങ്ങളിൽ മറുപടിയുമായി നടി മീനാക്ഷി -
ഗ്യാസ് ക്ഷാമത്തെ തോല്പിക്കാന് ബെംഗളൂരുവിന്റെ കിടിലന് ഐഡിയ; ഗ്യാസ് സ്വന്തം നിലയില് ഉല്പാദിപ്പിക്കും -
ഗണേഷിന് ഒപ്പം ഉണ്ടായിരുന്നത് വനിതാ ഡോക്ടറാണെന്ന്,അങ്ങനെയുള്ള ആൾ അത് ചെയ്യുമോ';ശാന്തിവിള ദിനേശ് -
കലാഭവന് സരിഗയെ അപമാനിച്ചു? മറുപടിയുമായി ശങ്കര്: ഞാന് ഉദ്ദേശിച്ചത് ഇങ്ങനെ: വിളിച്ച് സോറി പറഞ്ഞു -
അഖിൽ മാരാർ കൊട്ടാരക്കരയിലേക്കല്ല, തൃപ്പൂണിത്തുറയിൽ? അതിലും രണ്ട് അഭിപ്രായം..സാബുവിനായി ബിജെപി -
'മമ്മൂട്ടിയോടെന്ന പോലെ മാപ്പ് പറയണമെന്നല്ല, ഇനി ഉപദ്രവിക്കരുതെന്ന് പറയണം', മുഖ്യമന്ത്രിയോട് പ്രേംകുമാർ -
ബെംഗളൂരുകാർക്ക് ആശ്വാസം; സിൽക്ക് ബോർഡിലെ ഡെബിൾ ഡെക്കർ മേൽപ്പാലം ഉടൻ പൂർണമായി തുറക്കും -
'മീനാക്ഷിയെ കളഞ്ഞില്ലേ, ആർക്ക് വേണ്ടിയാണ് ഈ സമ്പാദിച്ച് കൂട്ടുന്നത്; മഞ്ജു വാര്യർക്ക് അധിക്ഷേപം..മറുപടി -
വജ്രായുധവുമായി ഇറാൻ; ഹോർമുസ് കടലിടുക്ക് തുറക്കാം..പക്ഷെ ഒരേയൊരു ഡിമാൻ്റ്..യുഎസ് പെടും?;കുറിപ്പ് -
വിജയ് ദേവരകൊണ്ടയ്ക്കൊപ്പം അഭിനയിക്കുന്നതില് വീട്ടുകാരുമായി വഴക്ക്; തുറന്ന് പറഞ്ഞ് രശ്മിക
Click it and Unblock the Notifications
Sign in with Google