Click it and Unblock the Notifications
Just In
Don't Miss
-
കാരണമില്ലെങ്കിലും ഉണ്ടാക്കിയെടുത്ത് വഴക്ക്; ദമ്പതികളുടെ വഴക്കിന് 10 സാധാരണ കാരണങ്ങള് -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം -
കോൾ ഇന്ത്യ ഓഹരി 15% കുതിക്കും, ഇതാണ് കാരണം, ഓഹരി വാങ്ങാൻ ബ്രോക്കറേജ് നിർദ്ദേശം -
IPL 2024:ഫിഫ്റ്റി, 1 വിക്കറ്റ്, 3 ക്യാച്ച്; പക്ഷെ അക്ഷര് കളിയിലെ താരമായില്ല! റിഷഭിനായി ഒതുക്കി? -
സൂക്ഷിച്ചാൽ ദുഖിക്കേണ്ട! സെക്കൻഡ് ഹാൻഡ് ഫോൺ വാങ്ങുന്നവർ ശ്രദ്ധിക്കേണ്ട കാര്യങ്ങൾ -
ബസിൽ സഹയാത്രികനായി ഷാരൂഖ്, കിംഗ് ഖാൻ ഹമ്പിൾ & സിമ്പിൾ എന്ന് ആരാധകർ; വീഡിയോ വൈറൽ -
ഗബ്രിയുടെ നെഞ്ചത്തേക്ക് വീണ് ജിന്റോ, ടാസ്ക്കിനിടയിൽ നേർക്കുനേർ ആക്രമണം, ജിന്റോയോ ഗബ്രിയോ പുറത്തേക്ക്?
മോദിയെ മാറ്റണം, അദ്വാനിയോ ജെയ്റ്റ്‌ലിയോ പ്രധാനമന്ത്രിയാവണം, ആവശ്യം രാഷ്ട്രപതിയോടാണ്
നിലവില്‍ കേന്ദ്രം ഭരിക്കുന്നത് ദേശീയ സര്‍ക്കാരല്ല. ദേശീയ സര്‍ക്കാര്‍ വരണമെങ്കില്‍ എല്‍ കെ അദ്വാനിയേയോ അരുണ്‍ ജെയ്റ്റ്‌ലിയേയോ രാജ്‌നാഥ് സിങിനെയോ പ്രധാനമന്ത്രിയാക്കണമെന്നും മമത പറഞ്ഞു.
ദില്ലി: നോട്ട് നിരോധനത്തിലൂടെ രാജ്യത്തെ പിന്നോട്ടടിച്ച പ്രധാനമന്ത്രി നരേന്ദ്ര മോദിയെ മാറ്റണമെന്ന് തൃണമൂല്‍ കോണ്‍ഗ്രസ് അധ്യക്ഷ മമതാ ബാനര്‍ജി രാഷ്ട്രപതിയോട് ആവശ്യപ്പെട്ടു. നിലവില്‍ കേന്ദ്രം ഭരിക്കുന്നത് ദേശീയ സര്‍ക്കാരല്ല. ദേശീയ സര്‍ക്കാര്‍ വരണമെങ്കില്‍ മുതിര്‍ന്ന ബിജെപി നേതാവ് എല്‍ കെ അദ്വാനിയേയോ ധനമന്ത്രി അരുണ്‍ ജെയ്റ്റ്‌ലിയേയോ ആഭ്യന്തര മന്ത്രി രാജ്‌നാഥ് സിങിനെയോ പ്രധാനമന്ത്രിയാക്കണമെന്നും മമത പറഞ്ഞു.
ചിട്ടി അഴിമതി കേസില്‍ തൃണമൂല്‍ നേതാക്കളെ സിബിഐ അറസ്റ്റ് ചെയ്തതില്‍ മമതക്ക് കടുത്ത അമര്‍ഷമുണ്ട്. രാഷ്ട്രീയ പക തീര്‍ക്കാന്‍ മോദി സിബിഐയെ ഉപയോഗിക്കുകയാണെന്നാണ് അവരുടെ ആരോപണം. നരേന്ദ്ര മോദിയില്‍ നിന്നു രാജ്യത്തെ രക്ഷിക്കണമെന്ന് രാഷ്ട്രപതി പ്രണബ് മുഖര്‍ജിയോട് മമത ആവശ്യപ്പെട്ടു.
മോദിക്ക് രാജ്യത്തെ നയിക്കാനാവില്ല. അദ്ദേഹം രാജിവയ്ക്കണം. ദേശീയ സര്‍ക്കാര്‍ രൂപീകരിക്കണം. ഭിന്നതകള്‍ മാറ്റിവച്ച് എല്ലാ പ്രതിപക്ഷ പാര്‍ട്ടികളും ഒരുമിച്ച് രാജ്യത്തെ രക്ഷിക്കാന്‍ മുന്നോട്ട് വരണമെന്നും മമത ആവശ്യപ്പെട്ടു. നോട്ട് നിരോധനം പ്രഖ്യാപിച്ച നവംബര്‍ എട്ടിന് ശേഷം രാജ്യം താല്‍ക്കാലിക സാമ്പത്തിക മാന്ദ്യത്തിലാണെന്ന് രാഷ്ട്രപതി കഴിഞ്ഞിദിവസം അഭിപ്രായപ്പെട്ടിരുന്നു.
ഇത്രയും പകവീട്ടുന്ന സര്‍ക്കാര്‍ കേന്ദ്രം ഭരിക്കുന്നത് ഞാന്‍ ആദ്യമായാണ് കാണുന്നത്. ആസൂത്രണ കമ്മീഷന്‍ ഉള്‍പ്പെടെയുള്ള എല്ലാ സുപ്രധാന സ്ഥാപനങ്ങളും ഇല്ലാതാക്കി. രാജ്യത്തിന്റെ നട്ടെല്ല് തകര്‍ത്തിരിക്കുകയാണ് മോദി. നോട്ട് നിരോധനം മൂലം പശ്ചിമബംഗാളിന് 5500 കോടി രൂപയുടെ നഷ്ടമാണുണ്ടായിരിക്കുന്നതെന്നും മമത കുറ്റപ്പെടുത്തി.
തൃണമൂല്‍ കോണ്‍ഗ്രസ് നേതാക്കളെ സിബിഐയെ ഉപയോഗിച്ച് കേന്ദ്രസര്‍ക്കാര്‍ ഇല്ലാതാക്കുകയാണ്. നോട്ട് നിരോധനത്തിനെതിരായ തന്റെ പ്രതിഷേധമാണ് കേന്ദ്രം തൃണമൂലിനെതിരേ തിരിയാന്‍ കാരണം. ഇരിക്കുന്ന കൊമ്പാണ് മോദി മുറിച്ചതെന്നും മമതാ ബാനര്‍ജി പറഞ്ഞു.
മമതക്കെതിരേ ബിജെപി രംഗത്തെത്തി. ഭരണഘടനയെ കുറിച്ച് നല്ല ബോധ്യമുള്ള ഒരു വ്യക്തി ഭരണഘടനക്ക് വിരുദ്ധമായി സംസാരിക്കുന്നത് ശരിയല്ലെന്നായിരുന്നു പശ്ചിമബംഗാള്‍ ബിജെപി ഉപാധ്യക്ഷന്‍ ജയ് പ്രകാശ് മജുംദാറിറിന്റെ പ്രതികരണം. തിരഞ്ഞെടുപ്പ് രാഷ്ട്രീയത്തിലൂടെയാണ് എന്‍ഡിഎ അധികാരത്തിലെത്തിയതും മോദി പ്രധാനമന്ത്രിയായതും. അല്ലാതെ മമതാ ബാനര്‍ജിയുടെ കാരുണ്യം കൊണ്ടല്ലെന്നും മജുംദാര്‍ പറഞ്ഞു.
